ပေါက်ပင်ဘာကြောင့်ကိုင်းရတယ်

ဒီပို့စ်ကို ရေးသင့်တယ်၊ ရေးသင့်ပြီထင်လို့ ရေးရတာပါ။ ကျော်ကျော်ခေါင်းဆောင်တဲ့ NLD-LA (Malaysia) ရဲ့ ပါတီနဲ့ နိုင်ငံရေးကို ခုတုံးလုပ်ပြီး စီးပွားရှာနေတဲ့လုပ်ရပ်၊ နိုင်ငံရေးပါတီအလံအောက်မှာနေပြီး နိုင်ငံရေးသိက္ခာမရှိတဲ့လုပ်ရပ်၊ မူမမှန်တဲ့ လုပ်ရပ်တွေကို ဖော်ထုတ်ချပြရာမှာ ကျနော့်ဆီကို feedback တွေ တော်တော်ပြန်လာပါတယ်။ ဒါပေမယ့် များသောအားဖြင့် အပြုသဘောဆောင်ပြီး ကောင်းကျိုးလိုလားမှုနဲ့ ဝေဖန်တာ၊ ထောက်ပြတာတွေ၊ အမှန်တရားတခုအတွက် အားပေးတာတွေ ဖြစ်တဲ့အတွက် ၀မ်းသားအားတက်ရပါတယ်။ တချို့တလေကလည်း ပုဂ္ဂိုလ်ရေးတိုက်ခိုက်နေတာလို့ ပြန်စွပ်စွဲတာတွေလည်း ရှိပါတယ်။

လူတယောက်၊ အဖွဲ့တဖွဲ့ရဲ့ ရိုးသားမှုမရှိဘဲ လိမ်ညာစားနေတဲ့ အလုပ်တွေကို အထောက်အထား ခိုင်လုံစွာနဲ့ ဝေဖန်ထောက်ပြတာကို ပုဂ္ဂိုလ်ရေး တိုက်ခိုက်နေတာလို့ ကျနော်မထင်ပါဘူး။ ဥပမာတခု ကျနော်ဆိုချင်ပါတယ်။ လက်ရှိ မြန်မာနိုင်ငံကို အုပ်ချုပ်နေတဲ့ သန်းရွှေနဲ့ အသွင်ပြောင်း အာဏာရူးတစုရဲ့ ကိုယ်ကျိုးရှာတဲ့ လုပ်ရပ်တွေကြောင့် တိုင်းပြည်ဟာ ဆင်းရဲတွင်း နစ်သထက်နစ်လာတယ်။ ပြည်သူတွေ ငတ်သထက်ငတ်လာတယ်။ ဒါတွေကို ထောက်ပြပြီး သန်းရွှေရဲ့ လုပ်ရပ်တွေ မှားယွင်းကြောင်း သန်းရွှေမကောင်းကြောင်း ကျနော်တို့ ပြောကြပါတယ်။ သန်းရွှေနဲ့ စစ်အစိုးရကို ဆန့်ကျင်ကြတယ်။ တော်လှန်ကြတယ်။ စစ်မှန်တဲ့ ပြည်သူ့အစိုးရတရပ် ပေါ်ပေါက်လာနိုင်ဖို့ ကြိုးစားကြတယ်။

သန်းရွှေဦးဆောင်တဲ့ အသွင်ပြောင်း စစ်အစိုးရနဲ့ ကျော်ကျော်ဦးဆောင်တဲ့ NLD-LA (Malaysia) ရဲ့ ရိုးသားမှုမရှိတဲ့ လုပ်ရပ်တွေဟာ အသွင်အားဖြင့် အတူတူပါပဲ။ သန်းရွှေက နိုင်ငံနဲ့ချီပြီး လိမ်ညာနေတယ်။ ကျော်ကျော်က NLD နာမည်နဲ့ နိုင်ငံရေးကို ခုတုံးလုပ်ပြီး လိမ်နေတယ်။ လိမ်ညာမှုအကြီး အသေးသာ ကွာခြားတာပါ။ ကျော်ကျော်ဦးဆောင်တဲ့ NLD-LA (Malaysia) ရဲ့ မြန်မာလူထုအပေါ် လိမ်ညာနေတာကို ဖော်ထုတ်တာဟာ ပုဂ္ဂိုလ်ရေးတိုက်ခိုက်မှုပါလို့ ပြောမယ်ဆိုရင် ဒေါ်အောင်ဆန်းစုကြည်နဲ့တကွ ပြည်တွင်း ပြည်ပအတိုက်အခံအားလုံးဟာ သန်းရွှေနဲ့ စစ်အစိုးရကို ပုဂ္ဂိုလ်ရေးတိုက်ခိုက်နေတာပါလို့ ပြောခြင်းနဲ့ အတူတူပဲဖြစ်ကြောင်း ယူဆနိုင်စရာ ရှိပါတယ်။

ဒီပြဿနာတွေကို အခုမှဘာလို့ အစဖော်နေရတာလဲလို့ မေးတဲ့လူလည်း ရှိပါတယ်။ အခုမှ အစဖော်တာ မဟုတ်ပါဘူး။ အရင့်အရင်ကလည်း အကြောင်းတိုက်ဆိုင်ရင် ကျနော်ရေးလေ့ရှိတာကို ဒီဘလောခ့်မှာပဲ ပြန်ရှာဖတ်ကြည့်နိုင်ပါတယ်။ အကြောင်းတိုက်ဆိုင်ရင်လို့ ပြောရတာကလည်း တင်ထားခဲ့ပြီးတဲ့ပို့စ်တွေမှာ ရေးခဲ့တဲ့အတိုင်း “ယိုသူမရှက်၊ မြင်သူရှက်” ဆိုသလို ပြောတဲ့လူက ကြာတော့ရှက်လာတယ်။ အချိန်တန်ရင် သူ့အကုသိုလ်နဲ့သူ သွားမှာပါလေလို့ စိတ်ဒုံးဒုံးချထားပေမယ့် မကောင်းမှုလုပ်တဲ့ လူတွေရဲ့သက်ဇိုးက စစ်အစိုးရနဲ့ထပ်တူ ရှည်လွန်းနေပါတယ်။

အခုထပ်ပြီး အထောက်အထားတွေနဲ့အတူ ဖော်ထုတ်ချပြရတာကလည်း မြန်မာ့အရေးလုပ်နေကြတဲ့ အတိုက်အခံအချင်းချင်း မှားယွင်းစွာ အဖမ်းခံရတာကို အခွင့်ကောင်းယူပြီး “ဟိုကောင်တွေတော့ သွားကုန်ပြီ။ လမ်းကြုံတုန်း ငါ့အမှိုက်ထုပ်ပါ ထည့်ပေးလိုက်မှပဲ” ဆိုတဲ့ အချောင်သမားစိတ်ဓာတ်နဲ့ အချင်းချင်းချောက်တွန်းတဲ့ ကျော်ကျော်ရဲ့ ပြောစကားကြောင့်ပါပဲ။ ဒီလိုလူယုတ်မာ ဦးဆောင်တဲ့ NLD-LA (Malaysia) ဆက်ရှိနေမယ်ဆိုရင် မလိုလားအပ်တဲ့ ပြဿနာတွေ မလွဲမသွေ ဆက်ဖြစ်နေအုံးမယ်ဆိုတာ သေချာနေတာမို့ နိုင်ငံရေးဗန်းပြပြီး လုပ်စားနေတာတွေကို ဖော်ထုတ်သက်သေထားပြီး ကျော်ကျော်နဲ့ NLD-LA (Malaysia) ကို ဖျက်သိမ်းပေးဖို့ စိတ်တူကိုယ်တူ မြန်မာ့အရေးလုပ်နေသူတွေစုပြီး တင်ပြတောင်းဆိုရတာပါ။

NLD-LA (Malaysia) နဲ့ပတ်သတ်ပြီး ပို့စ်တင်တာ၊ အသံဖိုင်တင်တာရပ်လိုက်တော့ လုပ်ဖော်ကိုင်ဖက်တွေနဲ့ နိုင်ငံတချို့က သူငယ်ချင်းတွေ လှမ်းမေးကြပါတယ်။ ဆက်မတင်တော့ဘူးလား။ ရပ်လိုက်ပြီလား။ NLD-LA (Malaysia) ကို ဒီအတိုင်းပဲ ဆက်ထားထားမှာလားပေါ့။ အမှန်အတိုင်းပြောရရင် ကျနော်တို့အနေနဲ့ NLD-LA (Malaysia) က ဒီလို ဒီလို မကောင်းတာတွေ၊ နိုင်ငံရေးနဲ့ မအပ်စပ်တဲ့ လိမ်ညာနေတဲ့ အလုပ်တွေ လုပ်နေပါတယ်လို့ ဖော်ထုတ်ပြတာကိုပဲ လုပ်နိုင်ပါတယ်။ NLD-LA (Malaysia) ဆက်ရှိဖို့ မရှိဖို့က ကျနော်တို့အလုပ်မဟုတ်ပါဘူး။ ဆက်တင်ဖို့ အသံဖိုင်တွေက ကျနော့်မေလ်းထဲမှာ၊ ဖုန်းထဲမှာ၊ အသံဖမ်းစက်ထဲမှာ အများကြီးပါ။ လိုအပ်သေးတယ်ဆိုရင် လိုအပ်တဲ့သူတွေဆီ တိုက်ရိုက်ပို့ပေးပါ့မယ်။ ဒီပို့စ်ဟာလည်း ကျော်ကျော်ခေါင်းဆောင်တဲ့ NLD-LA (Malaysia) နဲ့ ပတ်သတ်ပြီး နောက်ဆုံးပို့စ်ပါပဲ။ ဒီထပ်ပိုပြီး ပြတ်ပြတ်သားသားလုပ်နိုင်တာ နောက်ဆုံးနည်းလမ်းတခုပဲ ရှိပါတယ်။

NLD ပါတီရဲ့ ဂုဏ်သိက္ခာကို ထိခိုက်နိုင်တဲ့အပြင် မြန်မာ့အရေးလှုပ်ရှားမှုအတွက် အန္တရာယ်၊ အနှောင့်အယှက်တခုလိုဖြစ်နေတဲ့ ကျော်ကျော်ဦးဆောင်တဲ့ NLD-LA (Malaysia) ဆက်ရပ်တည်သင့် မတည်သင့်ကိုတော့ NLD ပါတီမှ ခေါင်းဆောင်များမှ သေချာစွာ စုံစမ်းစစ်ဆေးပြီး ဓမ္မဓိဌာန်ကျကျ အမြန်ဆုံး ဆုံးဖြတ်နိုင်ကြမယ်လို့ မျှော်လင့်ထားပါတယ်။ ဒီလိုမှ မဟုတ်ဘဲ အဆိပ်ပင်ရေလောင်းသလို လုပ်ချင်တာလုပ်ကြကွာ လို့ လျစ်လျူရှုပြီး ဒီပုပ်ထဲကဒီပဲ အားလုံးကအတူတူပါပဲ ဆိုရင်ဖြင့် တကယ့်ကို စိတ်ရင်းအမှန်၊ ယုံကြည်ချက်အပြည့်နဲ့ အပင်ပန်း၊ အဆင်းရဲ၊ အနစ်နာခံပြီး လုပ်နေကြတဲ့ ခေါင်းဆောင်တွေရဲ့နိုင်ငံရေးလှုပ်ရှားမှုတွေဟာ ပုလိုင်းပေါက်နဲ့ ဖားကောက်နေတဲ့အတိုင်း ပင်ပန်းသလောက် အကျိုးမရှိ ဖြစ်နေအုံးမှာပါ။

ဒါ့အပြင် တာဝန်ရှိသူများရဲ့ လျစ်လျူရှုမှု အကျိုးဆက်ကြောင့် မလေးရှားက မြန်မာ့အရေး လှုပ်ရှားသူတွေကြား တစုံတခုသောဆိုးကျိုးနဲ့ ကျော်မကောင်း ကြားမကောင်းသော ဖြစ်ရပ်များ ထပ်မံပေါ်ပေါက်လာမယ်ဆိုရင်လည်း ၀မ်းနည်းစရာ ကောင်းရုံကလွဲပြီး ဘယ်သူမှ တားဆီးနိုင်မှာ မဟုတ်ပါဘူး။

သတင်းစကားတခုကို ထပ်ပြောလိုပါတယ်။ ကိုကိုသစ္စာ facebook page မှာ ကိုကိုသစ္စာနဲ့ NLD-LA (Malaysia) က လက်ရှိအတွင်းလူတယောက် လက်ဝါးရိုက်ပြီး တင်ထားတဲ့ပို့စ်မှာ ကျော်ကျော်ဟာ NLD-LA (Malaysia) ကနေပြီး ထွက်စာတင်ထားတယ်လို့ ဆိုထားပါတယ်။ ထွက်စာ တင်မတင်တော့ မသိပါဘူး။ ကျော်ကျော် အမေရိကကိုထွက်ဖို့ ဆေးစစ်ထားပြီးပြီလို့ အသေအချာ သိရပါတယ်။ ဒါကြောင့် မလေးရှားက နိုင်ငံရေးအမှိုက်တခုဟာ UNHCR-Malaysia ရဲ့ကျေးဇူးကြောင့် မကြာခင်မှာပဲ အမေရိကသို့ လွင့်လာတော့မည် ဖြစ်ပါကြောင်း အမေရိကရှိ မြန်မာ့အရေးလှုပ်ရှားသူများသို့ သတင်းစကား ပါးအပ်ပါတယ်။

မောင်ပါလ
၃.၆.၂၀၁၁

အပြည့်အစုံသို့.....

မသမာသူလူတစုတဲ့လား

ဒီလူတွေကို မသမာသူလူတစုပါလို့ စွပ်စွဲရင် စွပ်စွဲတဲ့လူရဲ့စိတ်ဓာတ် ဘယ်လောက်အောက်တန်းကျလဲဆိုတာ လူကြီးမင်းများ ခန့်မှန်းမိမှာပါ။

“ဒါဟာ အန်တီတို့ လိုချင်တဲ့ လွတ်ငြိမ်းချမ်းသာခွင့်လည်း မဟုတ်ပါဘူး။ ဒါကြောင့် အခု အစိုးရသစ်က တကယ်ပဲ ဒီမိုကရေစီ လိုလားမှု ရှိမရှိဆိုတာကလည်း စဉ်းစားစရာ ဖြစ်နေပါတယ်။ နိုင်ငံရေးအကျဉ်းသား အားလုံး လွတ်မြောက်ရေးအတွက် လက်မှတ်ရေးထိုး လှုပ်ရှားမှုကို အရှိန်အဟုန်နဲ့ တိုးပြီးတော့ လုပ်ပေးစေချင်ပါတယ်။"

ဒေါ်အောင်ဆန်းစုကြည်

NLD YOUTH

ဓာတ်ပုံများကို စူနာမီလှိုင်းမှ စုဆောင်းတင်ပြသည်။

 NLD-Youth (L.A Malaysia) အဖွဲ့ဝင်များကို စူနာမီလှိုင်းမှ ရသလောက်စုစည်းထားပြီး ၄င်းတို့ထံမှ ရင်းဂစ် ၅၀၀ တောင်းသည်မှာ မဟုတ်မှန်ကြောင်း၊ ဖုန်းနံပါတ်များနှင့်တကွ ဆက်သွယ်မေးမြန်းနိုင်ရန် ဖော်ပြပေးထားပါသည်။ စုဆောင်းစဉ်က အခက်အခဲတချို့ကြောင့် လက်မှတ်နှင့်တကွ မဖော်ပြနိုင်ခြင်းဖြစ်ကြောင်းလည်း စူနာမီလှိုင်းမှ ပြောသည်။

NLD-LA ကဒ်အတုပြုလုပ်မှုနဲ့ အဖမ်းခံရသူများ မြန်မာ့အရေး လှုပ်ရှားသူတွေ ဖြစ်

မလေးရှားနိုင်ငံ ကဒါးပြည်နယ်မြို့တော် အာလော်စတားမှာ မေလ ၁၉ ရက်နေ့က ဖမ်းဆီးခံခဲ့ရ တဲ့ မြန်မာနိုင်ငံသား ၁၁ ဦးဟာ NLD-LA လူငယ်အဖွဲ့ခွဲ ကို ကဒါးပြည်နယ်မှာ သီးခြား ထူထောင်ထားပြီး မလေးရှားရောက် မြန်မာမိသားစုတွေအတွက် အကူအညီ ပေးနေသူတွေဖြစ်ကြောင်း သိရပါတယ်။

နောက်ဆုံးရရှိတဲ့ သတင်းတွေအရ အဖမ်းဆီးခံရတဲ့ ခေါင်းဆောင် ကိုချစ်အေးဟာ အရင် မလေးရှား NLD-LA အလော်စတား ဌာနခွဲ တာဝန်ခံအဖြစ် ဆောင်ရွက်ခဲ့သူလို့ သိရပါတယ်။

အလော်စတား လူငယ်အဖွဲ့ခွဲဟာ မြန်မာဒုက္ခသည်တွေနဲ့ မြန်မာ ရွှေ့ပြောင်း အလုပ်သမားတွေရဲ့ ကျန်းမာရေး၊ လူမှုရေး၊ အလုပ်သမားရေး အခက်အခဲတွေကို ကူညီ ဆောင်ရွက်ပေးပြီး၊ နိုင်ငံရေးအသိ စိတ်ဓာတ် နိုးကြား တက်ကြွစေဖို့နဲ့ ပြည်တွင်းက နိုင်ငံရေးအကျဉ်းသား မိသားစုတွေကို ကူညီ ထောက်ပံ့ကြဖို့ ဟောပြောစည်းရုံး နေသူတွေဖြစ်ပြီး အလော်စတား မြန်မာ အသိုင်းအဝိုင်းက ကလေးသူငယ်တွေအတွက် စာသင်ကျောင်း ဖွင့်လှစ်ဖို့ စီစဉ်နေစဉ် အခုလို အဖမ်းဆီး ခံခဲ့ရတာလို့ မလေးရှား မြန်မာအလုပ်သမားအရေး ကူညီဆောင်ရွက်ပေးနေသူ တဦးဖြစ်တဲ့ ကိုကျော်ထူးအောင်က ပြောပါတယ်။

မလေးရှား အာဏာပိုင်တွေက ဖမ်းဆီးထားဆဲ ဖြစ်ပြီး မိသားစုနဲ့ NLD-LA မှတ်ပုံတင်ကဒ် အတု ပြုလုပ်မှုနဲ့ ဖမ်းဆီးခဲ့ကြောင်း မေလ ၂၁ ရက်နေ့က မလေးရှားနိုင်ငံထုတ် New Straight Times က ရေးသား ဖော်ပြခဲ့ပြီး ဒီသတင်းကို အာအက်ဖ်အေ ကလည်း ထုတ်လွှင့်ခဲ့ပါတယ်။

သတင်းစာမှာ ရေးသားထားသလို မလေးရှား လဝက ဥပဒေ၊ ရဲ ဥပဒေနဲ့ ဆန့်ကျင်ငြိစွန်းတဲ့ ကိစ္စတွေကို လုပ်ဆောင်ခဲ့တာ မရှိကြောင်း၊ အဖွဲ့ဝင်တွေထံက ရင်းဂစ်ငွေ ၅ဝဝ တောင်းခံတယ် ဆိုတာလည်း အဖွဲ့ဝင်ကြေးနဲ့ လစဉ်ကြေး ကောက်ခံခြင်းသာ ဖြစ်ကြောင်း အဖွဲ့ဝင်တွေကို ကိုးကားပြီး ကိုကျော်ထူးအောင်က ပြောပါတယ်။

Ref : RFA

အပြည့်အစုံသို့.....

ဒေါ်အောင်ဆန်းစုကြည်နှင့် လူထုအသံ

ဗွီအိုအေပရိသတ်နဲ့ ဒေါ်အောင်ဆန်းစုကြည် အမေးအဖြေများမှ ထုတ်နှုတ်ဖော်ပြပါသည်။

နိုင်ငံရေးပါတီနဲ့ ခေါင်းဆောင်ပိုင်းအခန်းကဏ္ဍကို ယှဉ်ထိုး မေးထားသူကတော့ မျိုးစောင့် ဆိုတဲ့ သောတရှင် ဖြစ်ပါတယ်။

မေး။ ။ အန်တီစုခင်ဗျား၊ ကျွန်တော်တို့ပြည်သူတွေ ပုံအောပေးလိုက်တဲ့ တစ်ပွဲထိုးမဲတွေကြောင့် အနိုင်သွား တဲ့ ပါတီတစ်ခုမှာ အာဏာရတော့မယ်ဟေ့ဆိုပြီး ပါတီခေါင်းဆောင်အနားကပ်ကာ ဒီမိုကရေစီကျကျ မဟုတ် ဘဲ ပါတီကို လက်သိပ်ထိုး အုပ်စိုးသွားလိုသူတို့ အရေးတစ်ခု ကြားနေရပါသည်။ ခေါင်းဆောင်ဆိုသူကလည်း နိုင်ငံရေးအတွေ့အကြုံမရှိလျှင်၊ အမြင်ကျယ်ကျယ် မကြည့်တတ်သူဆိုရင်တော့ ပါတီတွင်းညီညွတ်မှုကို လုပ်ပေးနိုင်မှာမဟုတ်သလို ကြားရပါသည်။

နိုင်ငံရေးအသိပြည့်ဝမှု၊ အနစ်နာခံမှုတွေနဲ့သာ နိုင်ငံရေးအလိမ်မခံရဘဲ တိုင်းပြည်ကို တည်ဆောက်သွားနိုင် မှာလို့မြင်ပါသည်။ ကိုယ့်အကျိုးစီးပွားရှေးရှုကာ ကိုယ့်အသိုင်းအ၀ိုင်းပါတီဖြစ်အောင် အုပ်စုဖွဲ့ လုပ်ကြမည် ဆိုရင်တော့ ပြည်သူထောက်ခံမှုကို ဆက်လက်မျှော်လင့်နိုင်မှာမဟုတ်လို့ထင်မြင်ပါသည်။ နိုင်ငံရေးပါတီတစ်ခု အမျိုးသားရေးအတွက် ရပ်တည်သွားနိုင်ဖို့ ခေါင်းဆေင်ပိုင်းက ဘယ်လိုဖြစ်သင့်တယ်၊ ပြုသင့်တယ်ဆိုတာကို အန်တီ့အနေနဲ့ ယေဘုယျသဘော ရှင်းပြပေးစေလိုပါသည်ခင်ဗျား။

ဖြေ။ ။ နိုင်ငံရေးပါတီတခု အမျိုးသားရေးအတွက် ရပ်တည်နိုင်ဖို့ဆိုတာ အဓိကအားဖြင့် ပြည်သူရဲ့ ယုံကြည် ထောက်ခံမှုပေါ်မှာ တည်ပါတယ်။ ဒါ့ကြောင့်မို့ ပါတီရဲ့ခေါင်းဆောင်ပိုင်းတင်မက ပါတီဝင်အများစုဟာ ပြည်သူ နဲ့ဆက်ဆံတဲ့နေရာမှာ ပွင့်လင်းဖြောင့်မတ်ဖို့လိုပါတယ်။ အခွင့်အရေးလိုချင်လို့ ပါတီထောင် နိုင်ငံရေးလုပ်တဲ့ ပုဂ္ဂိုလ်တွေကို တချိန်မဟုတ်တချိန်မှာ ပြည်သူက အရှိအရှိအတိုင်းမြင်ပြီး စွန့်ခွာသွားမှာပါ။
အများသိကြတဲ့ အဆိုတခုရှိတယ်လေ။ “လူအချို့ကို အမြဲတစေ လှည့်ဖျားနိုင်ကောင်း လှည့်ဖျားနိုင်မယ်၊ လူ အားလုံးကို တခန လှည့်ဖျားနိုင်ကောင်း လှည့်ဖျားနိုင်မယ်၊ ဒါပေမဲ့ လူအားလုံးကိုတော့ အမြဲတစေ လှည့်ဖျား လို့ မရပါဘူး။”

အမေက အဲလိုပဲခေါ်လို့ပါဆိုပြီး အထက်အညာက မိဝင်းဝါဆိုတဲ့ နာမည်နဲ့ သောတရှင်က ဒေါ်အောင်ဆန်း စုကြည်အပေါ် ဝေဖန်တာတွေနဲ့ပတ်သက်ပြီး သဘောထားကို မေးထားပါတယ်။

မေး။ ။ ကျမ ဒေါ်ဒေါ်စုကို မေးချင်နေတာကြာပါပြီ။ မမေးရဲလို့ပါ။ အခုတော့ သူငယ်ချင်းတွေကလည်း ပြောတာနဲ့ အရဲစွန့်ပြီးတော့ မေးလိုက်ပါပြီ။ ဒေါ်ဒေါ်စုကို ဝေဖန်ကြတာတွေ ကျမ ကြားဖူး ဖတ်ဖူးပါတယ်။ ဒေါ်ဒေါ်စုက ခေါင်းမာတယ်လို့ ပြောကြတာလည်း ကြားဖူးတယ်၊ စသဖြင့်ပေါ့လေ ... ကျမသိချင်တာက ဒေါ်ဒေါ်စုအပေါ် ဝေဖန်ကြတာတွေကို သိပါသလား၊ သိတယ်ဆိုရင် အဲဒီလို ဝေဖန်တာတွေအပေါ် ဘယ်လို သဘောထားပါသလဲရှင့်၊ အဲဒီလို ဝေဖန်တာတွေကြောင့် စိတ်ဆိုးတာတို့ စိတ်တိုတာတို့ ဖြစ်ဖူးလားလည်း သိချင်ပါတယ်ရှင်။

ဖြေ။ ။ နှစ်နဲ့ချီပြီး သတင်းစာတွေထဲမှာ ဆောင်းပါးပေါင်း မြောက်များစွာနဲ့ ဝေဖန်တိုက်ခိုက်တာ ခံခဲ့ရတာ ကို မသိဘဲတော့ ဘယ်ရှိပါ့မလဲ။ ဝေဖန်တယ်ဆိုတာ ဝေဖန်တာတွေက အခြေခံ အကြောင်းရင်းရှိရင် ကိုယ့်ကိုယ်ကို ပြုပြင်ဖို့ ဆင်ခြင်ပြီး ကြိုးစားရမှာဖြစ်ပါတယ်။ အခြေမဲ့ တိုက်ခိုက်တာဆိုလို့ရှိရင် ခေါင်းထဲထား စရာ မလိုပါဘူး။

တကယ်တော့ ဝေဖန်မှုဆိုတာ ဝေဖန်ခံရသူထက် ဝေဖန်သူရဲ့ စိတ်နေသဘောထားကို ပိုပြီးတော့ ထင်ရှားစေ တယ်လို့ ထင်ပါတယ်။

အပြည့်အစုံသို့.....

NLD-LA (Malaysia) ၏ ငွေလိမ်တောင်းမှု (အသံဖိုင်-၂)

Recording (2) [High quality] by mgpala

အမေစုဟာ အမှန်တရားအတွက် ပြည်သူဖက်က ရပ်တည်နေတာလို့ ကျနော်ယုံကြည်ပါတယ်။ ကျနော်အနေနဲ့လည်း အမှန်တရားတခုအတွက် ဒုက္ခရောက်နေတဲ့ လုပ်ဖော်ကိုင်များဖက်က ရပ်တည်နေတာပါ။ ကျနော်တင်ခဲ့သမျှ စာတွေကလည်း အကျိုးအကြောင်းထောက်ပြပြီး ရေးထားတဲ့စာတွေချည်းပါပဲ။ ဒါကြောင့် အမေစုချပေးထားတဲ့လမ်းကြောင်းပေါ်မှာပဲ ရပ်တည်နေတာပါလို့ ကိုယ့်ကိုကိုယ် ယုံကြည်မှုအပြည့်ရှိပါတယ်။ လိမ်ညာလုပ်စားနေကြတဲ့ NLD-LA (Malaysia) ကို ဥပေက္ခာပြုပြီး ကျနော်ရပ်လိုက်မယ်ဆိုရင် အမေစုချပေးထားတဲ့ လမ်းကြောင်းပေါ်က ခွဲထွက်လိုက်တာနဲ့ အတူတူပါပဲလို့ ကျနော်ခံစားရပါတယ်။ အမေစုနဲ့တုနှိုင်းမရပေမယ့် အမေ့လိုစိတ်ဓာတ်ကိုမွေးမြူရင်း ယုံကြည်မှု၊ ရိုးသားမှုတွေနဲ့သာ ရပ်တည်လှုပ်ရှားနေရတဲ့ အညတြအမေ့သားတွေရှိနေပါတယ်ဆိုတာ အမေသိစေချင်ပါတယ်။

မောင်ပါလ

အပြည့်အစုံသို့.....

သူခိုး က လူပြန်ဟစ်

မေလ ၁၉-ရက်၊ ၂၀၁၁ မနက် ၁၁ နာရီအချိန်ခန့်တွင် မလေးရှားနိုင်ငံ အလော့စတားနယ်မြေခံ အမျိုးသားဒီမိုကရေစီ အဖွဲ့ချုပ်-လူငယ်ရုံး မှ အဖွဲ့ဝင်နှင့် လာရောက်တည်းခိုနေသည့် ဧည့်သည်အပါအ၀င် ၁၀ ယောက်ကို ဖမ်းဆီးခေါ်ဆောင်သွားသည် ဟု ကြားလိုက်တုံးက သိပ်ပြီး မတုန်လှုပ်မိပါ၊ အဘယ့်ကြောင့်ဆိုသော် မလေးရှားရဲများ အနေဖြင့် လုပ်နေကြ အလုပ်ဖြစ်သည့် လူဖမ်း ငွေညစ် ငွေပေးရင် ပြန်လွှတ် ဆိုသည့် ဝေါဟာရနှင့် အဖြစ်အပျက်များက ထမင်းစား ရေသောက်ပမာ ဖြစ်နေပေသည်၊ သို့သော် ၂၁ ရက်နေ့ ညပိုင်း RFA သတင်းဌာနမှ ဦးဘအောင် ဆိုသူက သစ္စာဖောက်လောက်ကောင် ကျော်ကျော် NLD (လွတ်မြောက်နယ်မြေ) ဆိုသူနှင့် အင်တာဗျူး ထားသည်ကို ကြားရမှ ကဒ်တုလုပ်မှု ကြောင့် ဖမ်းခံရသည် ဖြစ်ကြောင်း သိရတော့သည်။

ကျော်ကျော် ဆိုသည့် သစ္စာဖောက်လောက်ကောင် ရဲ့ အသံများကို နားထောင်လိုက်ရမှ သူကိုယ်တိုင် ချောက်တွန်း၍ ဖမ်းခိုင်းလိုက်သည်ကို ထင်ထင်ရှားရှား သိလိုက်ရတော့သည်၊ ၄င်းကျော်ကျော် ပြောသည်ကား အစည်းအဝေးလုပ်၍ ကြေငြာချက် ထုပ်မယ် ဆိုသည်ကလည်း ပါသေးသည်၊ ဖြစ်ကြောင်း ဇာတ်လမ်းစဉ်ကို မသိကြသည့် သောတရှင်များကတော့ ကျော်ကျော်လေသံကို နားထောင်ရင်း ဒါမှ ကျော်ကျော် NLD (လွတ်မြောက်နယ်မြေ) ဥက္ကဌ ဟု ကြွေးကြော်၍ လက်ခုပ်တီးကြမည်လား မသိ။

သို့သော် အကြောင်းခြင်းရာများကို ပြန်သုံးသပ်လိုက်သောအခါတွင်တော့ ကျော်ကျော် ဆိုသော လူယုတ်မာသည် ၄င်းဘုဉ်းခဲ့သော ငွေကြေးကိစ္စများပေါ်ပေါက်လာခဲ့သည်ကို မကျေနပ်၍ အချင်းချင်း နောက်ကျော ဓားနှင့်ထိုးလိုက်ခြင်း ဖြစ်နေသည်ကို တွေ့လိုက်ရပါသည်၊ ရွှေဝါရောင် တော်လှန်ရေး နာဂစ် ၀င်းဝင်းမော်ကိစ္စ စသည့်အချိန်တွင် ပြည်တွင်းသို့ထောက်ပံ့ရန်နှင့် ကျမ္မာရေးအတွက် ငွေများကို ယခုအဖမ်းခံလိုက်ရသည့် အလော့စတားနှင့် ပီနန်နယ်များမှ တာဝန်ခံများက ငွေအများဆုံးပို့ပေးနိုင်ခဲ့ပေသည်၊ မကြာမီမှာပင် ကျော်ကျော်ဆိုသည့် လူယုတ်မာ၏ ကောက်ကျစ်မှု လူလည်ကျမှုများက ဖုံးမရ ဖိမရ ပေါ်ပေါက်လာခဲ့ပေသည်၊ ထိုအချိန်မှစ၍ NLD မလေးရှားဆိုသည့် ဂုဏ်ပုဒ်များဟာလည်း ပျောက်ဆုံးရုံတင်မက မည်သူကမျှ မလေးစားတော့ပေ၊ ထိုကဲ့သို့သော ဖြစ်ရပ်များကြောင့် ပါတီဝင်များ နှုတ်ထွက်သူကထွက် ပြန်လှန်နိုင်သည့် ပါတီဝင်များကို ဖြုတ်ပြီး အလုပ်အကိုင် မယ်မယ်ရရမရှိဘဲ မအူမလည် များကို ရုံးသို့ခေါ်၍ EC အဖြစ် ကျော်ကျော်က ဆွဲခန့်ထားခဲ့သည်၊ တက်တက်ကြွကြွ လုပ်ကိုင်ခဲ့ကြသည့် လူဟောင်းများသာ ကစဥ့်ကလျား ဖြစ်ကုန်သော်လည်း ဥက္ကဌ နှင့်အတွင်းရေးမူးတို့တော့ မပြောင်းရုံတင်မက ယခုချိန်ထိ ကားများပင် ထည်လဲစီးနိုင်ခဲ့ကြသည်၊ မိန်းမများ ကိုယ်စီယူ၍ နိုင်ငံရေးကို ခုတုံးလုပ်ကာ လုပ်စားနေကြသည်။

လူထုခေါင်းဆောင် ဒေါ်အောင်ဆန်းစုကြည်က ပြည်တွင်းတွင် နေရာအနံ့အပျားသို့သွားကာ တိုင်းရင်းသားများ အပါအ၀င် လူထုများကို စည်းရုံးနေသော်ငြား ဥက္ကဌ ကျော်ကျော်နှင့်အတွင်းရေးမူးတို့ကတော့ မစည်းရုံးနိုင်ရုံတင်မက ရှိသည့် ပါတီဝင်များပင် ပါတီကို ချစ်လျက် စွန့်ခွာနေကြသည်၊ တကန်တန်း ကောက်ချက်ဆွဲ သုံးသပ်လိုက်ပါက ဤကဲ့သို့ ခေါင်းဆောင် အရည်အချင်းများ ကင်းမဲ့ရုံတင်မက ကောက်ကျစ်စဉ်းလဲသည့် လူယုတ်မာတစ်ယောက်ကို ဥက္ကဌဟု တင်မြောက်ထားသည်မှာ အင်မတန်မှပင် အော့နှလုံးနာစရာကောင်းနေပေသည်၊ ထို့သို့ မကောင်းသတင်းများ လှိုင်လှိုင်ထွက်နေသည့် ပါတီအရေးကို ဖြေရှင်းရန် ဗဟိုလ်မှ လူကြီးများ လာရောက်ခဲ့ဖူးသည် ဟုလည်း ကြားဖူးပါသည်၊ သို့သော် လူလည် ကျော်ကျော်က မည်ကဲ့သို့ လုပ်လိုက်သည်မသိ ပြဿနာလာရောက်ဖြေရှင်းပေးသည့် ဗဟိုလ်မှ ပုဂ္ဂိုလ်များကလည်း ပါတီတွင်း ဖြစ်နေသည့် ပြဿနာများကို လုံးဝ မဖြေရှင်းနိုင်ခဲ့ပါ၊ ၄င်းအချိန်တွင်း ဖြစ်ရပ်များကို စုံစမ်းလိုက်သောအခါ လူတစ်ယောက်က “ကျော်ကျော်ကတော့ လက်တော့တွေ တစ်လုံးပြီး တစ်လုံးလာလာဝယ်တာ တွေ့ရတယ်” ဟု ကြားသိရပါသည်၊ ဒါလား မလေးရှား NLD ပါတီ နဲ့ ပြဿနာလာရှင်းသည် ဗဟိုလ်မှ ပုဂ္ဂိုလ်ကြီးများ ဟု သာ စိတ်ထဲတွေးမိပါတော့သည်။

ပြည်သူများက ရွေးချယ်တင်မြောက်သူကို ခေါင်းဆောင်ထားရသည့် ပါတီများ အဖွဲ့အစည်းများ ဟု ခံယူချက်ထားနေကြပါလျက် အဘယ့်ကြောင့် ကျော်ကျော်၏ လုပ်ရပ်များကို မသိကျိုးကျွန် ပြုနေကြသနည်း၊ ပုဂ္ဂိုလ်စွဲမထားဘဲ ဖြုတ်တန်သင့် ဖြုတ် အသစ်ပြန်ခန့်တန်သင့်ရင် ပြန်ခန့်ရမည့် နိုင်ငံရေးပါတီ လုပ်ငန်းစဉ်များသည် ဘယ်ဆီသို့ ရောက်နေသနည်း၊ RFA နှင့် အာတင်ဗျုးသည့် ကျော်ကျော် လေသံကို နားထောင်ပါက ပုဂ္ဂိုလ်ရေးထိုးနက်ချက်များ အများအပြားပါနေသည် အငြိုးအတေးများဖြင့် ပြောဆိုနေသည့် အသံဖြစ်သည်ကို ကြားရသူတိုင်း သိကြပေသည်။

၎င်းအခြေနေကို ပြည်တွင်း ပြည်ပ ဗဟိုလ်မှ လူကြီးများ မကြားသေးသောကြောင့် မလေးရှား NLD ပါတီက ဘာတွေဖြစ်နေတယ်ဆိုတာ မသိကြသည်များ ဖြစ်နေသလော၊ အကယ်၍ကြားသည် သိသည် ဆိုပါက ဗဟိုလ်အနေဖြင့် ယခုချိန်ထိ လက်ပိုက်ကြည့်မနေသင့်ပေ၊ ပြည်သူလူထုက သံသယရှင်းအောင် တစ်ခါတည်း ဖြေရှင်းပေးရမည်ဖြစ်သည်၊ သို့မှသာ ပြည်သူလူထု၏ ယုံကြည်ကိုးစားမှုကို ရနိုင်မည်ဖြစ်သည်၊ NLD ပါတီ မကောင်းကြောင်းများ အင်တာနက်ပေါ်တွင် ပျံ့နံ့နေစရာ အကြောင်းမရှိပေ၊ ခြေမ မကောင်း ခြေမ ဖြစ်ရမည်ဖြစ်သော်လည်း ခြေမ မကောင်း လက်တော့(Laptop) လက်မ မကောင်း လက်တော့(Laptop) ဖြစ်ကုန်ပြီး တကိုယ်လုံးများ ပုပ်ကုန်ပြီလားမသိ။ စွတ်စွဲခြင်း ပုတ်ခတ်ခြင်း မဟုတ်ပါ လတ်တလော ပြောဆိုနေကြသည့် စကားလုံးတစ်ခုကို သုံးနှုံးလိုက်ခြင်းသာ ဖြစ်ပေသည်။

ယခု အဖမ်းခံလိုက်ရသော ကဒ်အတု ကိစ္စကို အနည်းငယ် သုံးသပ်လိုပါသည်၊ ကဒ်အတု ဆိုသည်ကို ကျော်ကျော်အနေဖြင့် ဃဃနန နားမလည်ပါ၊ အဘယ်ကြောင့်ဆိုသော် အကယ်၍ ကဒ်အတု ဖြစ်ပါက လက်ရှိ ၄င်းတို့လုပ်စားနေသည့် ကဒ်နှင့် တထေရာတည်း တူအောင်လုပ်၍ လက်မှတ်ကလဲ ကျော်ကျော်လက်မှတ်များနှင့် တူအောင်လုပ်၍ လိမ်စားနေမှသာ ကဒ်အတုဖြင့် စွတ်စွဲနိုင်ပေသည်၊ သို့သော် ယခုကိစ္စတွက် ကဒ်တွင် NLD (youth) ဟု အထင်အရှားပါနေပါသည်၊ လက်မှတ်ကလဲ ကျော်ကျော်လက်မှတ် မဟုတ်ပါ၊ ဒါကိုပင် ရှေ့မကြည့် နောက်မကြည့်ဘဲ ကဒ်အတုဟု ပေါက်တတ်ကရ ပြောဆိုလိုက်သည့် ကျော်ကျော်အနေဖြင့် ရှက်တတ်ပါက လဲသေနိုင်ပေသည်၊ သည်အဖြစ်အပျက်နှင့် ပြောဆိုစွတ်စွဲမှုကို ကြည့်လိုက်ပါက ပုဂ္ဂိုလ်ရေး အငြိုးအတေးမှ လွဲ၍ တစ်ခြား မရှိပါ၊ ပုဂ္ဂိုလ်ရေးအငြိုးအတေးမဟုတ်ပါ ဆိုပါကလဲ စွတ်စွဲသူ ကျော်ကျော်အနေနှင့် ဆင်ခြင်ဥာဏ် သုံးသပ်ဥာဏ် လုံးဝ မရှိဆိုသည်ကို ထင်ထင်ရှားရှားတွေ့ရပါသည်၊ ဤကဲ့သို့သော လူမျိုးကို ဗဟိုလ်ဆိုသည့် ဌာနမှ လူကြီးများ သည်အတိုင်းပင် ဆက်၍ လက်ပိုက်ကြည့်နေကြမည်လော ဟူ၍ ပြောဆိုတိုက်တွန်း သုံးသပ်လိုက်ရပါသည်။

(အဝေးရောက် လူငယ်)

အပြည့်အစုံသို့.....

“မြေခွေးအူသံ”

မြန်မာပြည်သူများ နှစ်သက်စွာ အမြဲတမ်းနားဆင်နေသော RFA သတင်းဌာနမှ (၂၁-၅-၁၁) ခုနှစ် စနေညပိုင်း အစီအစဉ်တွင် မေးမြန်သူ ဦးဘအောင်၊ ဒေါ်စန်းစန်းတင်တို့နှင့် ဖြေဆိုသူဆစ်ဖလစ်ကျော်ကျော်တို့၏ အင်တာဗျူးပင်ဖြစ်သည်။ ဆစ်ဖလစ်ကျော်ကျော်ဟု ခေါ်ဆိုရခြင်းမှာ မလေးရှားနိုင်ငံရေးလောကသို့မ၀င်မီ ကားဆေးမှုတ်အလုပ်ကို လက်ကြောတင်းအောင်မလုပ်တဲ့သူ စပရေးကျော်ကျော်မှ မလေးရှားနိုင်ငံရေးသို့ ၀င်လာသောအခါ နိုင်ငံရေးကိုလုပ်စားပြီး အမျိုးသားရေးစိတ်ဓါတ် ဖေါက်ပြန်နေသော လူတဦးဖြစ်သောကြောင့် စပရေးကျော်ကျော်ဘ၀မှ ဆစ်ဖလစ်ကျော်ကျော်ဟု ခေါ်ဆိုရခြင်းဖြစ်သည်။

ယခုဖမ်းဆီးခံနေရသောရဲဘော်များသည် မလေးရှားနိုင်ငံရှိ မြန်မာပြည်သူများအရေး တတ်စွမ်းသမျှ အဖက်ဖက်က ရိုးသားစွာ ကူညီဆောင်ရွက်ပေးနေသူများဖြစ်ပြီး ပါတီနိုင်ငံရေးမူအတိုင်း လုပ်ကိုင်နေသူများဖြစ်သည်။ RFA သတင်းဌာနမှ သတင်းရရင်ပြီးရောဆိုပြီး ဖေါ်ပြသောသတင်းသည် အခြေအမြစ်မခိုင်တဲ့ သတင်းပင်ဖြစ်ပါသည်။

NLD ကဒ် အတုလုပ်သောဂိုဏ်း၊ မသမာသူများဟု စွပ်စွဲပြောဆိုသွားသော စကားလုံးများမှာ စစ်အာဏာရှင် လက်သုံးစကားဖြစ်သော မသမားသူများ၊ အကြမ်ဖက်သမားများ၊ အဖျက်သမားများဟူသော အလုံးကြီးများကို ဆစ်ဖလစ်ကျော်ကျော်မှ ခံတွင်းတွေ့ကာ ပြောဆိုမှုအပေါ် ဦးဘအောင်၊ဒေါ်စန်းစန်းတင်တို့ကလည်း သံယောင်လိုက်ကာ နိုင်ငံရေးလုပ်စားသူကို အားပေးရာရောက်နေပါသည်။

နောက်တချက် မောင်ဒါနအနေဖြင့် ပြောချင်သည်မှာ NLD ပါတီသည် ယနေ့တိုင် အနှစ်(၂၀) ကျော်ဖြတ်သန်းလာသည့် ပါတီ၏မူ၊ပါတီ၏လုပ်ငန်းစဉ်များကို လေ့လာတွေ့ရှိရသည်မှာ လူမျိုးမရွေး၊ ဘာသာမရွေး ပါဝင်နိုင်သည့် ပါတီကြီးတရပ်ဖြစ်ပြီး ဗမာပါတီ၊ဗမာအဖွဲ့ဟု ဆစ်ဖလစ်ကျော်ကျော်မှ ခေါ်ဆိုသုံးနှုံးထားခြင်းသည် ပါတီ၏ ဂုဏ်သိဏ္ခာကို ထိခိုက်သည်သာမက ပါတီကိုဦးဆောင်သော ခေါင်းဆောင်များနှင့် ပါတီထုတရပ်လုံးကိုပင် စော်ကားလိုက်ခြင်းပင်ဖြစ်သည်။

NLD လူငယ် အလုပ်အမှုဆောင်များအဖွဲ့မှ ရဲဘော်များလုပ်ဆောင်နေသော ပါတီဝင်ကဒ်ပြားများသည် ပါတီဝင် များအတွက်သာဖြစ်သည်။ ထိုသို့မှန်မှန်ကန်ကန်လုပ်ဆောင်နေသော လုပ်ရပ်ကိုယ်ပင် “ရဲမှ စုံစမ်းနေသည် ရဲအား အကြောင်းကြားထားသည်” ဟု အင်တာဗျူး၌ပြောဆိုသွားသော ဆစ်ပလစ်ကျော်ကျော်၏စကားသည် ဖိနပ်ကြား မှ နတ်စကားထွက်ပြီး သူခိုးကလူဟစ်သလိုပင် ဖြစ်နေပါသည်။

ထိုပြဿနာနှင့်ပတ်သက်၍ ညဖက်တွင် အစည်းအဝေးထိုင်ပြီး ထုတ်ပြန်ကြေငြာချက်ကို သက်ဆိုင်ရာဌာနများ သို့ ပို့မည်ဟုပြောဆိုသွားခြင်းသည် အခြေအမြစ်မရှိသော စကားဖြစ်သည့်အပြင် ပေါကြောင်ကြောင် လုပ်ရပ်ပင်ဖြစ်သည်။
RFA သတင်းဌာနမှ ၄င်းအင်တာဗျူးနှင့်ပတ်သက်၍ မောင်ဒါနပြောဆိုချင်သည်မှာ ဆစ်မလစ်ကျော်ကျော်၏ ဖြေဆိုမှုများသည် လုပ်ဖေါ်ကိုင်ဖက်ရဲဘော်များအား နောက်ကြောကို ဓားနှင့်ထိုးခြင်းသာမက တဖက်သား၏ ဂုဏ်သိက္ခာထိခိုက်အောင် အညိုးထားစော်ကား၍ ငါစကားနွားရ ယုတ်မာစွာပြောဆိုသွားသော စကားများဖြစ်ပြီး အဖြစ်မှန်ကို သိနေသောသူများ၏စိတ်တွင် ဒေါသဖြစ်မိ၍ ဖိနပ်ချွပ်ကာ ပါးကိုပင်ဘယ်ပြန်ညာပြန် ရိုက်ချင်စိတ် ပေါက်မိပါသည်။

ထိုအင်တာဗျူး၏အသံများကို နားထောင်ရသည်မှာ ကောက်ကျစ်စဉ်းလဲသော “မြေးခွေးအူသံ”နှင့် ပုံပမာတူနေပါသည်။

လူယုတ်မာ ဆစ်ဖလစ်ကျော်ကျော်ဦးဆောင်သောအဖွဲ့အား အမျိုးသားဒီမိုကရေစီအဖွဲ့ချုပ်(LA) မလေးရှားဟု ခေါ်ဆိုမည့်အစား လူလိမ်အဖွဲ့ချုပ် မလေးရှား (၀ါ) လလဖအဖွဲ့ဟု အမည်ပြောင်းခေါ်ဆိုခြင်းသည် ၄င်းတို့၏ ဂုဏ်ပုဒ်နှင့် ပြည့်စုံသောအမည်နာမဖြစ်သည်။

မောင်ဒါနအနေဖြင့် အကြံပြုချင်သည်မှာ NLD (LA) ဌာနချုပ်အနေဖြင့် မလေးရှားဌာနခွဲဥက္ကဌ ဆစ်ဖလစ်ကျော်ကျော်၏ လုပ်ဆောင်ချက်များဖြစ်သော ပါတီကိုခုတုံးလုပ်ကာ မြန်မာအဖွဲ့ဟု အမည်တပ်ပြီး ယူအင်ရရှိရေးအတွက် မြန်မာလူမျိုးအချင်းချင်းအပေါ်၌ ခေါင်းပုံဖြတ်ဂုတ်သွေးစုပ်နေမှုများကို တစုံတရာ အရေးယူခြင်းမရှိပဲ ရေငုံနှုတ်ပိတ်နေနေခြင်းသည် ပါတီဌာနချုပ်အနေဖြင့် အကျိုးတစုံတရာရရှိနေမည်ဟု ကျနော့်အနေဖြင့် သံသယဖြစ်မိပါသည်။

ပါတီ၏တန်ဖိုး၊ ခေါင်းဆောင်များ၏ ဂုဏ်သိက္ခာများကို လေးစားတန်ဖိုးထားလျှင် ဆစ်ဖလစ်ကျော်ကျော်အား အမြန်ဆုံးအရေးယူခြင်းသည် မှန်ကန်သောလုပ်ရပ်ဖြစ်မည်ဟု ကျနော့်အနေဖြင့် အသိပေးတိုက်တွန်းအပ်ပါသည်။

အမှန်တရားကိုစွဲကိုင်သူ(မောင်ဒါန)
၂၈-၅-၁၁။
ဝေဖန်အကြံပြုစာများကို ဖိတ်ခေါ်ပါသည်။
အီးမေလ်း mgdarna@gmail.com

အပြည့်အစုံသို့.....

လူယုတ်မာ (ကာတွန်း-မိုးကောင်း)

အပြည့်အစုံသို့.....

NLD-LA (Malaysia) အား ဖျက်သိမ်းပေးပါရန် တောင်းဆိုခြင်း

for NLD

အပြည့်အစုံသို့.....

NLD-LA (Malaysia) ၏ ငွေလိမ်တောင်းမှု (အသံဖိုင်-၁)

Recording [High quality] by mgpala

ဒီနေ့ဟာ NLD ပါတီ ရွေးကောက်ပွဲအနိုင်ရခဲ့တဲ့ နေ့ထူးနေ့မြတ်တနေ့ပါ။ ဒီလိုနေ့မျိုးမှာ NLD နာမည်ခံပြီး လုပ်စားနေသူတွေအကြောင်း ပြောရတာ အရမ်းကို ၀မ်းနည်းစရာကောင်းပါတယ်။ NLD ရဲ့ ဂုဏ်သိက္ခာလည်း အနည်းနဲ့အများ ထိခိုက်ကျဆင်းနိုင်တယ်လို့ ဒေါ်အောင်ဆန်းစုကြည်နဲ့ NLD ကို အစဉ်တစိုက် လေးစားလက်ခံလာခဲ့ပြီး NLD ပါတီဝင် မဟုတ်တာတောင်မှ ဒေါ်စုနဲ့ပတ်သတ်လာရင် ဆတ်ဆတ်ထိမခံ ပြန်ပြောလေ့ရှိခဲ့တဲ့ ပြည်သူတယောက်အနေနဲ့ ထင်မြင်မိပါတယ်။

ဒီလိုသာ ပါတီထဲက နိုင်ငံရေးသမားအယောင်ဆောင်တွေ၊ ပါတီအလံအောက်မှာ ကိုယ်ကျိုးစီးပွားရှာနေသူတွေ၊ သူခိုး၊ ဓားပြ၊ လူယုတ်မာစိတ်ဓာတ်နဲ့ နိုင်ငံရေးလုပ်စားနေသူတွေကို NLD ပြည်တွင်းနဲ့ NLD-LA မှ သက်ဆိုင်ရာလူကြီးမင်းများက ထိထိရောက်ရောက် အရေးယူဟန့်တားမှုမပြုဘဲ အားပေးအားမြှောက်ပြု သက်ဇိုးပေးရှည်နေမယ်ဆိုရင် NLD ပါတီ အာဏာရလာရင်တောင် လက်ရှိနအဖစစ်အစိုးရထက် နှစ်ဆပိုဆိုးနေမလားရယ်လို့ ၀မ်းနည်းစွာ သံသယဖြစ်မိကြောင်းပါ။

မောင်ပါလ

အပြည့်အစုံသို့.....

ဒါလားဟဲ့..... နိုင်ငံရေးသမားဆိုသူရဲ့ ရဲဘော်ရဲဖက်စိတ်ဓာတ်

အဖမ်းခံရသူကိုချစ်အေးနှင့် အဖမ်းခံရသူများအား မသမာသူလူတစုဟု ယိုးစွပ်သူ NLD-LA (Malaysia) မှ ကျော်ကျော်တို့သည် ဓာတ်ပုံပါအတိုင်း လက်တွဲလုပ်ခဲ့ကြသူများဖြစ်သည်။

ယခင်က NLD-LA (Malaysia) မှ ကျော်ကျော်နှင့်အဖွဲ့ NLD-LA ဗဟို (ထိုင်း) သို့ အစည်းအဝေးတက်ရန်အတွက် ကိုချစ်အေးမှ အများဆုံး တာဝန်ယူဆောင်ရွက်ပေးခဲ့သူဖြစ်သည်။ ကိုချစ်အေးအဖမ်းခံရချိန်တွင် သူ၏ဇနီးသည်မှာ ၄-နှစ်အရွယ် သမီးငယ်တဦးနှင့် ၁၀-လသားအရွယ် လူမမယ်ကလေးငယ်တဦးနှင့်အတူ အပြင်၌ ကျန်ရစ်ခဲ့သည်။

လုပ်ဖော်ကိုင်ဖက်များအချင်းချင်း ယခုကဲ့သို့ ချောက်တွန်းယိုးစွပ်ရက်သည့် ကျော်ကျော်၏အမူအကျင့်နှင့် နိုင်ငံရေးသိက္ခာကို NLD-LA ဗဟိုမှ လူကြီးမင်းများနှင့် နိုင်ငံတကာမှ သိရှိနိုင်ရန် ဖော်ပြပေးခြင်းဖြစ်သည်။

အပြည့်အစုံသို့.....

ပြည်တွင်း ပြည်ပ မြန်မာအသိုင်းအ၀ိုင်းအားလုံးသို့

လေးစားစွာ မေတ္တာရပ်ခံအပ်ပါသည်။

NLD-Youth (L.A Malaysia) အား မလေးရှားလ၀ကမှ မတရားအမှုဆင် ဖမ်းဆီးသွားသည့်ကိစ္စအား ကျနော်တို့မလေးရှားရှိ လူငယ်များ၊ အဖွဲ့အစည်းများမှ မိမိတို့တတ်နိုင်သည့်ဖက်မှ လိုက်လံစုံစမ်းဆောင်ရွက်နေပါသည်။ နီးစပ်ရာ NGOs များထံသို့လည်း မတရားအမှုဆင် ဖမ်းဆီးခံရသူများ အမြန်ဆုံးလွတ်မြောက်အောင် လိုက်လံဆောင်ရွက်ပေးပါရန် အကူအညီတောင်းခံထားပြီးဖြစ်ပါသည်။

အမှန်ကိုဆိုရပါသော် ဖမ်းဆီးခံရသူများလွတ်မြောက်ရေးမှာ UNHCR-Malaysia တွင် အများဆုံးတာဝန်ရှိပါသည်။ အဖမ်းခံရသူအများစုမှာ UNHCR-Malaysia မှတ်ပုံတင်ကဒ် ရရှိထားပြီးသူများဖြစ်ပါသည်။ UNHCR-Malaysia သည် မြန်မာလူမျိုးတို့၏ အရေးကိစ္စအား များသောအားဖြင့် လျစ်လျူရှုတတ်သည်ကို ကျနော်တို့၏အတွေ့အကြုံများအရ သိရှိနားလည်ထားပါသည်။

သို့ဖြစ်ပါ၍ ပြည်တွင်းနှင့် နိုင်ငံတကာရှိ မြန်မာ့အရေးလှုပ်ရှားသူများမှ မတရားအမှုဆင် ဖမ်းဆီးခံရသူများ အမြန်ဆုံး ပြန်လည်လွတ်မြောက်လာစေရန်အတွက် အောက်ပါအချက်အလက်ပါစာကို UNHCR-Malaysia သို့ လိပ်မူပေးပို့ခြင်းဖြင့်လည်းကောင်း၊ နီးစပ်ရာ NGOs များမှတဆင့်ဆောင်ရွက်ခြင်းဖြင့်လည်းကောင်း ၀ိုင်းဝန်းကူညီပံ့ပိုးပေးကြပါရန် ကျနော်တို့ မလေးရှားရောက် မြန်မာ့အရေးလှုပ်ရှားမှုအင်အားစု မှ အဖမ်းခံရသူများကိုယ်စား အလေးအနက် မေတ္တာရပ်ခံအပ်ပါသည်။

စစ်အစိုးရကို ဆန့်ကျင်တော်လှန်နေသော နိုင်ငံရေးတက်ကြွလှုပ်ရှားသူများအချင်းချင်း အယူဝါဒမတူညီလို့ အပြင်မှာ လက်သီးချင်းယှဉ်ထိုးရပါစေ။ တကယ့်တကယ် အရေးကြုံ အခက်အခဲတွေ့လာတဲ့အခါမှာ တယောက်ကိုတယောက် ၀ိုင်းဝန်းကူညီကြခြင်းဟာ နိုင်ငံရေးသမားကောင်းတွေရဲ့ စိတ်ဓာတ်ပါ။

မလေးရှားရောက် မြန်မာ့အရေးလှုပ်ရှားမှုအင်အားစုများ

UNHCR-Malaysia သို့ ပေးပို့ရမည့်လိပ်စာများ
mlslu@unhcr.org
MLSLUCDU@unhcr.org
MLSLUOPI@unhcr.org

Microsoft Office Word File ဒေါင်းလုပ်လုပ်ရန်

To UNHCR Malaysia

ကျနော်၏ အင်္ဂလိပ်စာညံ့ဖျင်းမှုကြောင့် အဆင်ပြေမည်ဆိုပါက Word File ကို ဒေါင်းလုပ်လုပ်ပြီး ပြန်လည်ပြင်ဆင်ပေးပါရန်

အပြည့်အစုံသို့.....

မြန်မာကို မြန်မာက ဂုတ်သွေးစုပ်တာ မခံကြနဲ့ဟေ့

ကျနော် မလေးရှားကို သုံးလေးခေါက် ရောက်ခဲ့ပါတယ်။ ထူးခြားတာ ဘာတွေ့ရလဲဆိုတော့ UNHCR က တရားဝင် အသိအမှတ်ပြုခံရဖို့အတွက် ငွေ, ပေးရတာကို တွေ့မိတယ်။ ဘယ်သူတွေကိုပေးရလဲဆိုတော့ အဖွဲ့အစည်းတွေကိုပေးရတယ်။ ဘယ်အဖွဲ့အစည်းတွေလဲလို့မေးရင် ဒီလိုပြောရပါလိမ့်မယ်။

မလေးရှားမှာ ချင်းဒုက္ခသည်များအဖွဲ့၊ ကရင်ဒုက္ခသည်များအဖွဲ့၊ ရခိုင်ဒုက္ခသည်များအဖွဲ့၊ ဗမာဒုက္ခသည်များအဖွဲ့ ဆိုပြီးဒုက္ခသည် အဖွဲ့အစည်းအတော်များများရှိပါတယ်။

နိုင်ငံရေးအဖွဲ့အစည်းတွေဖြစ်တဲ့ လူ့ဘောင်သစ်ဌာနခွဲ၊ NLD-LA ဌာနခွဲ၊ ဟိုဌာနခွဲ၊ ဒီဌာနခွဲတွေလည်း တစ်ပုံကြီးပါ။

UNHCR လျှောက်ချင်တဲ့ ဒုက္ခသည်တွေဟာ ထိုင်းမှာလို UNHCR ရုံးကိုသွားပြီး လျှောက်လွှာတင်လို့မရဘူး။ အဲဒိတော့ UNHCR က အသိအမှတ်ပြုထားတဲ့ ဒုက္ခသည်အဖွဲ့အစည်းတွေဆီကိုသွားပြီး သူတို့ရဲ့ အဖွဲ့ဝင် လုပ်ရပါတယ်။ ၀င်ကြေးပေးရပါတယ်။ လစဉ်ကြေးပေးရပါတယ်။ ဒီလိုပေးပြီးတာနဲ့ သူတို့ရဲ့ အဖွဲ့ဝင်အဖြစ် အသိအမှတ်ပြုပေးပါတယ်။ ဖရိုဖရဲ လုပ်ထားတဲ့ အဖွဲ့ဝင်ကတ်လေးတစ်ခု ရပါတယ်။ ဒီလို စုတ်ပြတ်သတ်နေတဲ့ ကတ်လေးတစ်ခုရဖို့အတွက် ရင်းဂစ်ငွေ လေးငါးရာလောက်ပေးရတာကို ရင်နာလို့ပါ။ မြန်မာငွေနဲ့ဆိုရင် နှစ်သိန်းလောက်အနည်းဆုံးပေါက်တယ်။

UNHCR က ဒုက္ခသည်တွေကို အသိအမှတ်ပြုတဲ့ ပုံစံကလည်း အတော်ဟာသမြောက်ပါတယ်။ ဒီလ,ကြရင် ကရင်ဒုက္ခသည်အဖွဲ့ကို လူ (၅၀၀) ချပေးမယ်။ ဟိုလကြရင် ရှမ်းအဖွဲ့ကို လူနှစ်ရာစာချပေးမယ်ဆိုပြီး လုပ်ပါတယ်။ ဒါကိုအခွင့်အကောင်းယူပြီး အဖွဲ့အစည်းတွေက ဘယ်လိုလုပ်လဲဆိုတော့ အဖွဲ့ဝင်ကတ်တစ်ခုရဖို့အတွက်ဆိုပြီး ငွေတွေအများကြီးတောင်းပါတယ်။

တချို့ အဖွဲ့တွေဆိုရင် ရင်းဂတ် (၇၀၀) ထိပေးရပါတယ်။ အလုပ်သမားတစ်ယောက်ရဲ့ လစာက ရင်းဂစ်ငွေတစ်ရက်ကို ၃၀-၄၀ လောက်ရတဲ့လူဟာ (၇၀၀) ပေးရပြီဆိုတော့ ဘယ်လောက် ခေါင်းပုံဖြတ် အမျက်ကြီးစားပြီး စီးပွားဖြစ်နေကြလဲဆိုတာ သိလောက်ပါပြီ။

ကျနော်အတော် ဒေါသထွက်မိတယ်။ အလုပ်သမားတွေကလည်း ဒုက္ခသည် UNHCR လက်မှတ်ရရင် မလေးရှားမှာ အဖမ်းအဆီးမခံရနိုင်ဘူးဆိုတော့ တောင်းသလောက် ပေးတဲ့လူအတော်များပါတယ်။ လူတိုင်းနီးပါး UN ကတ်ကို လိုချင်ကြပါတယ်။

ဗမာပြည်က Passport နဲ့ အလုပ်လာလုပ်တဲ့လူတွေလည်း မြန်မာသံရုံးရဲ့  အခွန်တောင်းတဲ့ဒဏ်ကို မခံနိုင်တော့ UN ကတ်ဆီကို လှည့်ကြပါတယ်။ ကံကောင်းရင် နိုင်ငံခြားကိုလည်းရောက်နိုင်တာပေါ့။ ဒီလိုရည်ရွယ်ချက်နဲ့ ငွေ ပေးရလည်း လုပ်ကြပါတယ်။ သူတို့လည်း သိပါတယ်။ UN ကတ်ဆိုတာ အခမဲ့ လုပ်ပေးတဲ့အရာလို့သိပါတယ်။

ဒါပေမဲ့ UNHCR မလေးရှားရုံးရဲ့ မှားယွင်းတဲ့ စနစ်ကြောင့် ကြားပွဲစား အဖွဲ့အစည်းက ခေါင်းဆောင်တွေ သူဌေးဖြစ်ကုန်ကြပါတယ်။

တခါတုန်းက ရှမ်းဒုက္ခသည်အဖွဲ့အစည်းတစ်ခုရဲ့ ရုံးထဲကို ၀င်သွားပါတယ်။ သွားပြီးလေ့လာခဲ့တယ်။ ကျနော် သြစတျေးလျက လာတယ်ဆိုတာ သူတို့မသိပါဘူး။ ကျနော်မိတ်ဆွေက မိတ်ဆက်ပေးတဲ့အချိန်မှာတော့ ဒီလူတွေမျက်နှာပျက်နေကြပြီ။ သူတို့မရိုးမသားလုပ်တာဆိုတော့ ကိုယ့်စိတ်ကို ကိုယ်မလုပ်ကြဘူးထင်ပါရဲ့ ။ ကျနော်လည်း ဘာမှ မပြောခဲ့ပါဘူး။ ကျနော်သွားတဲ့အချိန်မှာ UN ရုံးက ရှမ်းဒုက္ခသည်အဖွဲ့ကို လူဦးရေ ဘယ်လောက်လဲ မသိဘူး ချ, ပေးမယ် ကြားလို့ဆိုပြီး အဖွဲ့ဝင်ကတ်လာလျှောက်ကြတဲ့ လူတွေများနေတဲ့အချိန်ပေါ့။ လူက တိုးလို့တောင် မပေါက်ဘူး။

အဖွဲ့ဝင်ကြေး၊ လစဉ်ကြေးပေးရတဲ့ ငွေတွေက နည်းတာမဟုတ်ပါ။ အဖွဲ့ဝင်ဦးရေကလည်း ထိုင်းက ABSDF တို့ NLD (LA) တို့ထက်များပါတယ်။ အနည်းဆုံး အဖွဲ့ ဝင်ဦးရေ လေးငါးထောင်ရှိပါတယ်။ ချင်းဒုက္ခသည် အဖွဲ့ဆိုရင် သုံးလေးသောင်းတောင် မကဘူးလို့သိရပါတယ်။ တစ်ယောက်ကို ရင်းဂစ်ငွေ (၁၀) ပဲထား။ လူတစ်သောင်းရှိရင် ရင်းဂစ်ငွေ တစ်သိန်းရပြီပေါ့။ ဒါက လစဉ်ကြေးပါ။ လစဉ်ပေးရတဲ့ မန်ဘာကြေးပါ။ ဘာကြေးညာကြေး မရှိသေးတဲ့ ရိုးရိုးသားသား တရားဝင်ကြေးပါ။ ဒီငွေတွေ ဘယ်ရောက်သွားလဲ။ ဘာလုပ်ပစ်ကြလဲ။

အဖွဲ့အစည်းတွေမှာ စနစ်တကျရှိတဲ့ ပွင့်လင်းမြင်သာမှု၊ တာဝန်ခံမှု ဘယ်လောက်ရှိလဲဆိုတဲ့ မေးခွန်းကို ဘယ်သူမှ မဖြေနိုင်ပါဘူး။

နောက်ဆုံး UNHCR မလေးရှားရဲ့ စနစ် မကောင်းမှု့ ကြောင့်ဒီလိုပေါ်ထွက်လာတာပါ။ ဘယ်သူတွေနစ်နာလဲဆိုတော့ တကယ်ရိုးသားတဲ့ မြန်မာတွေပဲ နစ်နာရပါတယ်။ လည်လည်ဝယ်ဝယ်၊ နိုင်ငံရေးရောင်ရောင်၊ လူမှုရေးသမားအရေခြုံ မအေလိုးသူခိုးတွေပဲ သူဌေးဖြစ်ကုန်ပါတယ်။ ကာတွေဝယ်စီးနိုင်တယ်။ မြန်မာပြည်မှာ တိုက်နဲ့အိမ်နဲ့ နေနိုင်တယ်။ မြန်မာလူမျိုးကို မြန်မာလူမျိုးက ဂုတ်သွေးစုပ်တာ မလေးရှားမှာ မမြင်ချင်ဆုံးပါ။

ဒါက UNHCR ကတ် ဆိုတဲ့ ပလပ်စတစ်နဲ့ လုပ်ထားတဲ့ ကတ်လေးတစ်ခုကို အကြောင်းပြုပြီး လူပေါ်လူစီးတဲ့ သာဓက တစ်ခုပါ။

Agency က လိမ်လို့ ဖာ,ဖြစ်သွားတဲ့ မြန်မာအမျိုးသမီးကောင်းလေးတွေ။ ပွဲစားကြောင့် ဗမာပြည်က ရှိစုမဲ့စု ပျဉ်ထောင်အိမ်နဲ့ ယာလေး ပျောက်သွားတဲ့ မြန်မာတွေ အများကြီး။ ဒါတွေကို ဘယ်သူက လုပ်လဲဆိုတော့ ကိုယ့်လူမျိုး မြန်မာတွေပါပဲ။ တိုင်းတပါးမှာ မြန်မာလူမျိုးကို မြန်မာလူမျိုးက မုဒိမ်းကျင့်တယ်။ ရောင်းစားတယ်။ သတ်တယ်။ ခိုးတယ်။ ဒမြတိုက်တယ်။ ဒီလိုလူမျိုးတွေကို နီးစပ်ရာတိုက်ခိုက်ကြဖို့ နှိုးဆော်လိုက်ပါတယ်။

ဘုန်းကျော်
http://phonekyaw.blogspot.com/

အပြည့်အစုံသို့.....

NLD-LA (Malaysia) က မြန်မာလူထုနဲ့ မီဒီယာကို ဒီလိုလိမ်ပါတယ်

မလေးရှားတွင် အလုပ်လုပ်နေသည့် မြန်မာလူမျိုးတဦးထံမှ ကျော်ကျော်ဦးဆောင်သော NLD-LA (Malaysia) မှ UNHCR ရပါမည်ဆိုကာ ပိုက်ဆံ ၄၆၀ ရင်းဂစ်တောင်းပြီး ယနေ့ထိမရသေးသူတဦး၏ အသံဖိုင်ဖြစ်ပါသည်။

NLD-LA (Malaysia) မှ ပါတီဝင်တဦးတည်းအား ထုတ်ပေးထားသောကဒ် ၂-ခု

Democracy for Burma ဆိုဒ်တွင် တင်ထားသော NLD-LA (Malaysia) ၏ ကြေငြာချက်ကို ဖတ်မိပြီး သူပေးခဲ့ရသော ငွေကြေးနှင့် အဆမတန်ကွာခြားနေသည့်အတွက် ရင်ဖွင့်ပြောထားခြင်းဖြစ်သည်။

UNHCR သို့ BIO လိမ်တင်ရန်အတွက် NLD-LA (Malaysia) မှ
ဇော်မြင့် ရေးပေးသော ရင်းဂစ် ၅၀-တန် BIO

Recording 00 00 00-00 04 40 by mgpala

http://democracyforburma.wordpress.com ပိုင်ရှင်များမှာ မလေးရှား NLD-LA အမည်ခံ အတုအယောင် နိုင်ငံရေးသမား လူလိမ်ကျော်ကျော်၏ လုပ်ရပ်များကို အတွင်းကျကျ မသိသေးဟု ယူဆရပါသည်။ http://democracyforburma.wordpress.com ပိုင်ရှင်များနှင့် နီးစပ်သူများအနေနှင့် ကျော်ကျော်၏ လိမ်ညာနေမှုများကို democracyforburma သို့ ထပ်မံပေးပို့ပေးခြင်းဖြင့် မြန်မာ့နိုင်ငံရေးနှင့် တော်လှန်ရေးလမ်းကြောင်းရှိ ဆူးငြောင့်ခလုတ်များဖြစ်သော စုန်းပြူးများကို ဖယ်ရှားရာတွင် ၀ိုင်းဝန်းကူညီပံ့ပိုးပေးကြပါရန် လေးစားစွာ တိုက်တွန်းအပ်ပါသည်။

NLD-LA (Malaysia) ၏ လိမ်လည်မှုကို ခံရသော မလေးရှားမှ မြန်မာလူမျိုးများသည် မိမိတို့၏ဖြစ်ရပ်မှန်များကို ထုတ်ဖော်ပြောကြားပြီး မြန်မာ့နိုင်ငံရေး၊ တော်လှန်ရေးအတွက် တဖက်တလမ်းမှ ကူညီလိုပါက mgpala@gmail.com သို့ ဆက်သွယ်နိုင်ပါသည်။

(မတရားမှုတခုမှာ ကြားနေတယ်ဆိုရင် သင်ဟာ ဖိနှိပ်သူဖက်ကလိုက်ဖို့ ရွေးချယ်ခဲ့တာနဲ့ အတူတူပါပဲ-မာတင်လူသာကင်း)

မောင်ပါလ
၂၅.၅.၂၀၁၁

အပြည့်အစုံသို့.....

ဗြောင်လိမ် ဗြောင်စား ကျော်ကျော် ဘာတွေဆက်လုပ်အုံးမလဲ

မလေးရှားရောက် ရွှေမြန်မာတွေထဲမှာ ကိုယ့်မိခင်တိုင်းပြည်ရဲ့အရေးကို စိတ်ဝင်တစားနဲ့ တာဝန်သိတတ်တဲ့ မျိုးချစ်လူငယ်လေးတွေ အများကြီးရှိပါတယ်။ အမေစု ပြန်လည်လွတ်မြောက်လာပြီးနောက် အချင်းချင်းညီညွတ်ရေးဟာ ဒီမိုကရေစီရရှိရေးအတွက် အရေးအပါဆုံး အသက်သွေးကြောတခု ဖြစ်တယ်ဆိုတာ အမေစုပြောတဲ့ မိန့်ခွန်းတိုင်းမှာ ပါဝင်ပါတယ်။ အခုအချိန်ထိ မြန်မာပြည်ကြီးဟာ စစ်ကျွန်ဘ၀အောက်က မလွတ်မြောက်နိုင်သေးတဲ့ တခုတည်းသော အားနည်းချက်ကလည်း အချင်းချင်း မညီညွတ်လို့ပါပဲ။ ကျနော်စဉ်းစားတွေးခေါ်ရသလောက် မညီညွတ်ခြင်း အကြောင်းတရား ၂-ပါးကို ပြောချင်ပါတယ်။

၈၈၈၈-လူထုအရေးတော်ပုံကြီး ဖြစ်ပြီးတဲ့နောက်ပိုင်းမှာ စစ်အာဏာရှင်တွေ အဓိကထား လုပ်ဆောင်တဲ့လုပ်ငန်းကြီးက ပြည်သူလူထုကြား၊ တိုင်းရင်းသား အချင်းချင်းကြား၊ ကျောင်းသားလူငယ်များကြား၊ ရဟန်းသံဃာများကြား အစီအစဉ်တကျ သပ်လျှို သွေးခွဲရေး လုပ်ငန်းစဉ်ကြီးပဲ ဖြစ်ပါတယ်။ ၈၈၈၈-လူထုအရေးတော်ပုံကြီးရဲ့နောက်ပိုင်း မြန်မာ့နိုင်ငံရေးသမိုင်းတလျှောက် ရဲရဲဝံ့ဝံ့ တိုက်ပွဲဝင်ခဲ့ကြတဲ့ မတရားတာကို ခေါင်းငုံ့မခံခဲ့ကြတဲ့ ကျောင်းသားလူငယ်များကြား အကြီးအကျယ် ဖြိုခွဲခံလိုက်ရပါတယ်။

ကစဥ့်ကလျားနဲ့ ပြည်ပကို လွင့်စင်ထွက်လာကြတဲ့ နိုင်ငံရေးသမားတွေ ကျောင်းသားတွေဟာ မြန်မာပြည်အပြင်ဖက်ကိုလည်း ရောက်လာရော အချင်းချင်းညီညွတ်ရေးကို မထိန်းနိုင်ခဲ့ပြန်ပါဘူး။ ခေါင်းဆောင်တွေကိုယ်တိုင်ကအစ မှန်ကန်တဲ့ဦးဆောင်မှုကို မပေးနိုင်ခဲ့ပါဘူး။ နောက်ပိုင်းမှာ ကိုယ်ကျိုးသည်သာ ပထမဖြစ်လာပြီး စုန်းပြူးတွေ တစခန်းထလာတော့တာပါပဲ။

အဲဒီလို တစခန်းထလာတဲ့ စုန်းပြူးတွေထဲမှာ ကျနော်တို့ရောက်နေတဲ့ မလေးရှားက စုန်းပြူးကလည်း ဆရာတဆူလို့ ပြောလို့ရပါတယ်။ ကလိမ်ကကျစ်ကျတဲ့ နေရာမှာတော့ မလေးရှား NLD ကကျော်ကျော်ဟာ စစ်ဗိုလ်ချုပ်တွေနဲ့ နင်လားငါလား လို့ ပြောရမလောက်ပါပဲ။ NLD ဆိုတဲ့ ခေါင်းစီးရဲ့အောက်မှာ မလေးရှားရောက် လူငယ်တွေရဲ့ တိုင်းချစ်ပြည်ချစ်စိတ်ကို စနစ်တကျ ရိုက်ချိုးပါတယ်။

အမေစုရဲ့ မိန့်ခွန်းတွေထဲမှာ ကျနော့်နှလုံးသားထဲ စွဲနေတဲ့ စကားစုလေး ရှိပါတယ်။ အဲဒါက လူငယ်တွေကို အမေစုမှာတဲ့စကား- “သားတို့ခေါင်းဆောင်တင်တဲ့နေရာမှာ ပထမဦးဆုံး ခေါင်းဆောင်လုပ်မယ့်သူဟာ ရိုးသားမှုရှိရဲ့လား။ ပညာရောတတ်ရဲ့လား။ ပညာတော့ မတတ်ဘူး။ ရိုးသားတယ်ဆိုရင် ရွေးသင့်တယ်။ ရိုးလည်းရိုးသားတယ်။ ပညာလည်းတတ်တယ် ဆိုရင် ပိုပြီးရွေးသင့်တယ်။ ပညာတော့တတ်ပါရဲ့၊ ရိုးသားမှု မရှိဘူးဆိုရင် အဲဒီလူကို လုံးဝ မရွေးချယ်သင့်ဘူး” ဆိုတာပါပဲ။

ကျော်ကျော်ဆိုတဲ့ ငနဲကတော့ ပညာလည်းမတတ်ဘူး။ ရိုးလည်း မရိုးသားဘူး။ ဒါဖြင့် သူဘာဖြစ်လို့ NLD-LA (Malaysia) ရဲ့ ဥက္ကဌနေရာမှာ မြဲနေတာလဲ။ ဒါကတော့ ရှင်းပါတယ်။ NLD-LA (Malaysia) ထဲက ကျန်တဲ့လူတွေရဲ့ ညံ့ဖျင်းမှုရယ်။ (ဒီစကားက ပြောသာပြောရတာပါ။ ကောင်းတဲ့လူတွေလည်း အဖွဲ့ထဲမှာ တယောက်မှ မရှိတော့ပါဘူး) NLD-LA (ဗဟို) က လူကြီးတွေရဲ့ မသိကျိုးကျွံ ပြုနေမှုကြောင့်ရယ်၊ သူရဲ့ကလိမ်ကကျစ် အကွက်ဆင်တတ်မှုရယ် ကြောင့်ပါပဲ။

NLD-LA (ဗဟို) ကလူကြီးတွေကို အပိုင်ပေါင်းတယ်။ ပါးစပ်မဟနိုင်အောင် အမြဲတမ်းခွံ့ပေးထားတယ်။ ဗဟိုကလူကြီးတွေကလည်း ထူးမခြားနားပါပဲ။ ဒေါက်တာနိုင်လင်း (ယ္ခု ဘားမားကန်းပိန်း)ရဲ့ nld က ဇော်မျိုးလွင် ထောင်ကလွှတ်လာတော့ NLD(youth)ကို ဖွဲစည်းခဲ့ တယ် (တပြိုင်တည်း နောက်ထပ်ထောင်ထွက်တွေကို ကူညီနိူင်ရန် BRO ကိုဖွဲ့ ခဲ့တယ်) နောက်ပိုင်းမှ ကျော်ကျော်၊ အောင်ကျော်ဆက်၊ လှမင်း၊ မောင်လှ ၊ စိုးမိုး တခြားလူတွေ လွှတ်လာတယ်။ မလေးရှား NLD 2 ဖွဲ့ ကို စေ့စပ်ဆွေးနွှေးဖို့ NLD(LA) က ကျောက်တံခါးအမတ် လှဦး (FTUB)ကို စေလွှတ်ခဲ့တယ်။ လှဦး ကို မောင်လှနဲ့ ဇော်မျိုးလွင်တို့ သွားကြို ပြီး ဇေယျာအောက်ကဆိုင်မှာ ၊ လှဦးက "မင်းတို့ NLD လူငယ်ဆို့ တော့ လူကြီးအောက် ( ဒေါက်တာနိုင်လင်းအဖွဲ့ ကို ၇ည်ရွှယ်ပါသည်) အလိုလိုေ၇ာက်နေတယ်။ NLD ပဲလုပ်၇န်ပြောတယ်.. ဗဟိုကနေ ၂ဖွဲ့ ကို စေ့စပ်ဖို့ လွှတ်လိုက်တဲ့ လှဦး က ၂ ဘက်ခေါင်းဆောင်းတွေကို ခေါ်ဆောင်တွေ့ ဆုံ့ ဆွေးနွှေးပူးပေါင်းစေ၇န် လုံးဝ(လုံးဝ)လုပ်ဆောင်ခဲ့ ခြင်းမ၇ှိပဲ NLD 2 ဖွဲ့ ဖြင့်စေခဲ့ပါတယ် ဆိုတဲ့ nyopyar88888 ရဲ့ ကွန်မန့်ထဲက အတိုင်းပါပဲ။

ကျော်ကျော်ဟာ အဲလိုပဲ ဗဟိုက လူကြီးတွေကို အပိုင်ပေါင်းတဲ့အပြင် UNHCR-Malaysia က မှတ်ပုံတင်ခွင့်ရအောင် နည်းမျိုးစုံသုံးပြီး လာဒ်ထိုးတယ်။ လုပ်ပေါက်တွေထွင်တယ်။ မလေးရှားကနေ ပြည်တွင်းကိုပြန်ဝင်သွားလို့ အဖမ်းခံလိုက်ရတဲ့ အဖွဲ့ဝင်တွေကို ခုတုံးလုပ်တယ်။ သူနဲ့ သူ့အဖွဲ့ အဆင်ပြေရင် ပြီးရော၊ အောက်ခြေက မလေးရှားရောက် မြန်မာလူထုကို မကြည့်ဘူး။ UNHCR-Malaysia က အခွင့်အရေးလည်းရရော၊ သူများချွေးနည်းစာကို အထက်စီးကနေ ခွတုတ်တော့တာပါပဲ။

ဘာမှအထောက်အထားမရှိဘဲ ဒုက္ခတွေ တသီကြီးနဲ့ တကယ်ဒုက္ခရောက်နေတဲ့သူတွေက သူတောင်းတဲ့ငွေ အနည်းဆုံး ရင်းဂစ် ၇၅၀ ကို မပေးနိုင်လို့ ဒုက္ခတောထဲမှာ တ၀ဲလည်လည်၊ သူတို့ကတော့ ကားကြီးကားငယ် အသွယ်သွယ်နဲ့ အိုကေမှာ စိုပြေလို့ပေါ့။ နိုင်ငံတကာက နိုင်ငံရေးဂုရုကြီးတွေ မလေးရှားလာတဲ့အခါ ပေးတန်တာပေး၊ ဖို့တန်တာဖို့ အားလုံးနှုတ်ပိတ်ပြီးသား။ အခုလောက်ထိ ကျော်ကျော် ဘာကောင်လဲဆိုတာ လယ်ပြင်ဆင်သွားသလို ထင်ရှားနေတာတောင် တယောက်မှ ပါးစပ်မဟကြတဲ့အပြင် ကျော်ကျော်တော်တယ်လို့ ချီးကျူးတဲ့လူတောင် ရှိသေးတယ်။

ပြည်တွင်းက ထောင်နှုတ်ခမ်းပေါ် စင်္ကြန်လျှောက်ပြီး လုပ်နေကြတဲ့ လူတွေသိရင် စိတ်ဓာတ်တွေ ကျမှာစိုးလို့ မြန်မာ့အရေး လှုပ်ရှားသူအချို့က အချိန်တန်ရင် ရပ်သွားမှာပါလေ၊ သူ့သမိုင်းသူ ရေးနေတာဆိုပြီး ကိုယ်လုပ်သင့်တာတွေကိုပဲ အာရုံစိုက်လုပ်နေကြတာ။

ကျနော်နားလည်တဲ့ ပြည်ပက လှုပ်ရှားတယ်ဆိုတာ ပြည်တွင်းမှာ တကယ့်ကို ရိုင်းစိုင်းစုတ်ပြတ်နေတဲ့ အာဏာရှင်ကို ရင်ဆိုင်တိုက်ပွဲ ၀င်နေကြတဲ့သူတွေကို တဖက်တလမ်းက ထောက်ပံ့ကူညီပေးခြင်းနဲ့ ပြည်ပကို အကြောင်းအမျိုးမျိုးကြောင့် ရောက်လာကြတဲ့ မြန်မာပြည်သားတွေကို မျိုးချစ်စိတ်ဓာတ် ထက်သန်လာအောင်၊ စစ်အစိုးရဲ့ တိုင်းပြည်အကျိုးယုတ်စေတဲ့ မကောင်းတဲ့လုပ်ရပ်တွေကို ကွက်ကွက်ကွင်းကွင်း မြင်လာကြပြီး စစ်အာဏာရှင်ဆန့်ကျင်ရေး လှုပ်ရှားမှုတွေမှာ ပူးပေါင်းပါဝင်လာနိုင်အောင် စည်းရုံးလှုပ်ရှားရေးပဲ ဖြစ်ပါတယ်။

ကျော်ကျော်ဦးဆောင်တဲ့ NLD-LA (Malaysia) အဖွဲ့ကတော့ ပြည်တွင်းကိုလည်း တဦးချင်း တပိုင်တနိုင် လုပ်နေကြတဲ့ လူတွေလောက်တောင် ဘာအကူအညီမှ ဟုတ်တိပတ်တိ မထောက်ပံ့နိုင်၊ ရသမျှအိတ်ထဲထည့်၊ ကိုယ့်စီးပွားရေးကိုယ်လုပ်၊ ကားတ၀ီဝီစီး၊ မှန်မှန်ကန်ကန်လုပ်နေတဲ့ သူတွေကို ပိပိရိရိ နည်းမျိုးစုံနဲ့ နှောက်ယှက်ဖြိုခွဲ၊ အခုလည်း သူရဲ့လုပ်ရပ်တွေကို မကြိုက်ကြလို့ ၂၀၀၈-ခုနှစ်ကတည်းက ပီနန်းဌာနခွဲက ခွဲထွက်ပြီး သူတို့နယ်မြေမှာ မြန်မာ့အရေးကို တတ်နိုင်သလောက်လုပ်နေတဲ့ သူတွေကို သူကပဲတပြန်တည်း မသမာသူလူတစု ရယ်လို့ စွပ်စွဲပြီး RFA သတင်းဌာနကနေ မင်းသားခေါင်း ဆောင်းပြလိုက်ပြန်ပါပြီ။ နောက်ဘာတွေဆက်ပြီး ကလိမ်ကကျစ် လုပ်အုံးမလဲဆိုတာ သတိထားစောင့်ကြည့်ကြပါ။ သတိထားနေရုံနဲ့မပြီးဘဲ NLD ကို ခုတုံးလုပ်ပြီး နိုင်ငံရေးအယောင်ဆောင်နေတဲ့ ဗြောင်လိမ်ဗြောင်စားအုပ်စုကို အပြီးတိုင်ဖယ်ရှားနိုင်အောင် ၀ိုင်းဝန်းကြိုးပမ်းကြပါလို့ တိုက်တွန်းလိုပါတယ်ခင်ဗျာ။

ဇီဒန်း (ပီနန်း)

အပြည့်အစုံသို့.....

မေးလ်ထဲကစာ

ကျနော်က ဘယ်အဖွဲ့အစည်းကမှလည်း မဟုတ်ပါဘူး။ ဘယ်သူ့ဘက်ကမှလည်း လိုက်မပြောပါဘူး။ အညတြ အခြေခံလူတန်းစားတွေရဲ့ဘဝကို ကိုယ်ချင်းစာပြီးတော့ ကျနော့်ချွေးနည်းစာနဲ့ကျနော် အုတ်တချပ် သဲတပွင့်အနေနဲ့ တကိုယ်ရေ စစ်အာဏာရှင်ကိုဆန့်ကျင်နေတာပါ။ (ဒီမိုကရေစီဆိုတာ ပြည်သူကရွေးကောက်တင်မြှောက်တဲ့ ဝါဒဆိုတာလောက်ပဲ ကျနော်နားလည်ပါတယ်)

မလေးရှား NLD အမည်ခံပြီး ကောက်ကျစ်လိမ်လည်နေတဲ့ ကျော်ကျော်ရဲ့ အင်တာဗျူးတဲ့ စကားလုံးတွေကို RFA ဆိုတဲ့ သတင်းငှာနကြီးတခုက အကြောင်းအရင်းဇစ်မြစ်ကိုမသိပဲ သတင်းဦးရင်ပြီးရောဆိုတဲ့ ပုံစံမျိုးနဲ့ ထုတ်လွှင့်လိုက်တာကို မြန်မာပြည်သူတယောက်အနေနဲ့ ဦးစွာကန့်ကွက်ပါတယ်။ RFA ကသတင်းထောက်ဟာ ဒီသတင်းကိုမတင်ခင်မှာ ကျော်ကျော်ဆိုတဲ့သူရဲ့ စကားအသုံးအနှုန်းထဲမှာပါတဲ့ (မသမာသူလူတစုက) ဆိုတဲ့အသုံးအနှုန်းကို ဦးနှောက်သုံးပြီး ပြန်လည်စီစစ်သင့်ပါတယ်။ ဒီစကားလုံးရဲ့နောက်ကွယ်မှာ မနာလိုမုန်းထားတဲ့ အတ္တရမ္မက်စိတ်တွေဟာ အစိုင်အခဲတခုပမာ အသံရှင်ရဲ့အဇ္ဇျတ္တမှာ ပေါ်လွင်နေတာကိုလည်း မြင်စေချင်ပါတယ်၊ ကျနော်တို့ရဲ့ လွတ်လပ်ရေးဖခင်ကြီး ဗိုလ်ချုပ်အောင်ဆန်းလို ပုဂ္ဂိုလ်မျိုးတောင်မှ သူ့ရဲ့ရန်သူဦးစောတို့၊ ဗိုလ်နေဝင်းတို့ကို မသမာသူလူတစုတွေ၊ လူယုတ်မာတွေဆိုတဲ့ အသုံးအနှုန်းမျိုး ထွက်ဆိုပြောဘူးတာ မရှိပါဘူးဗျာ၊

သတင်းမီဒီယာတွေအနေနဲ့ ကမ္ဘာမြေကြီးငြိမ်းချမ်းဘို့အတွက် အမှန်တရားကို ရှာဖွေလိုတဲ့စိတ်နှလုံး
ရှိတယ်ဆိုရင် သတင်းအမှန်ဖြစ်အောင် ကြိုးစားပေးစေချင်ပါတယ်၊ တဖက်စကားကိုသာ အစောတလျင် အတည်မပြုပဲ အဲ့ဒီတစ်ဖက်ရဲ့ဘေးမှာ ပတ်ဝန်းကျင်ဆိုတဲ့ ပြည်သူ့အသံ ရှိသေးတယ်ဆိုတာလေးတော့ အသိအမှတ်ပြုစေချင်ပါတယ်။

ကျော်ကျော်ဆိုတဲ့လူရဲ့ NLD အရေခြုံ အဖွဲ့အစည်းကရော ဘာလုပ်နေကြလဲ၊ ဘာတွေဖြစ်နေကြလဲဆိုတာကို မလေးရှားမှာရှိနေတဲ့ မြန်မာတွေကြားမှာ ခဏတာဝင်ပြီး လေ့လာစေချင်ပါတယ်။ မြန်မာပြည်သားတွေရဲ့ ထောက်ခံမှူရော ရထားလို့လားဆိုတာ မလေးရှာရောက်မြန်မာပြည်သားတွေရဲ့ အသံကိုနားစွင့်စေချင်ပါတယ်။

ယခုအဖမ်းခံထားရတဲ့ အတိုက်အခံအချင်းချင်းကို ကဒ်အတုလုပ်ပြီး ငွေလိမ်စားပါတယ်ပြောရအောင်လည်း
အဲ့ဒီလူတစုက လိမ်းစားတယ်ပဲထားပါဦးတော့။ ကျော်ကျော်ဦးဆောင်တဲ့ NLD (LA) အမည်ခံလူတစုကရော
လူသူတော်ကောင်းတွေမှ ဟုတ်ပါလေစလို့ ကျော်ကျော့်ရဲ့အလိမ်ခံရတဲ့ လူတွေကိုယ်စား မေးခွန်းထုတ်ချင်ပါတယ်။ ကဒ်အတုပါဆိုတဲ့စကားကို သုံးရလောက်အောင် ကျနော်မလေးရှားမှာ ကျင်လည်လာခဲ့တဲ့ ၁၁ နှစ်တာကာလမှာ မလေးရှားလဝကက အသိအမှတ်ပြုထားတဲ့ တရားဝင်ကဒ်လုပ်ပေးတဲ့ မြန်မာအဖွဲ့အစည်းဆိုတာကိုလည်း တကြိမ်တခါမှ မကြုံဘူး မကြားဘူး ပါဘူးဗျာ..

မလေရှား NLD ကို ကျော်ကျော်ဦးဆောင်ပြီး မြန်မာ့နိုင်ငံရေးအတွက် လှုပ်ရှားပါဆိုပြီးတော့လည်း ကျနော်တို့ရဲ့ ဒီမိုကရေစီငြိမ်းချမ်းရေးမိခင်ကြီး ဒေါ်အောင်ဆန်းစုကြည့်က ခွင့်ပြုထားတာလည်းမရှိပါဘူး ..

ဒီကျော်ကျော်ဆိုတဲ့ မလေးရှားက နိုင်ငံရေးစုန်းပြူးက နိုင်ငံအတွက် နှမ်းစေ့ဘယ်နှစ်စေ့လောက်များ အသုံးဝင်တဲ့သတ္တဝါမို့လို့ အတိုက်အခံအချင်းချင်းအပေါ် မသမာလူတစုဆိုတဲ့စကားမျိုး သုံးပြီးပြောရသလဲဆိုတာကို လူသိရှင်ကြား မေးလိုက်ပါရစေဦးဗျာ။ ဗုဒ္ဓဘာသာဝင်တယောက်အနေနဲ့ရော (လောကတ္ထစရိယံ) ဆိုတဲ့ လောကအတွက်ရော ဘာကောင်းကျိုးတကွက် ပြုဖူးတဲ့ကောင်မို့လို့လဲဗျာ။ ရိုးရိုးသားသားလုပ်ကိုင်ပြီး ကိုယ့်ကိုယ်ပိုင်အရည်အချင်းနဲ့ အိမ်သာတလုံးတောင် ပိုင်အောင်မစွမ်းဆောင်နိုင်လို့ ဒေါ်အောင်ဆန်းစုကြည်ရဲ့ ထမိန်ရေသီနား ခိုစားနေကြတဲ့ကောင်တွေ ပြောတဲ့စကားက ခွေးပါးစပ်က နတ်စကားထွက်တယ် ဆိုတဲ့အတိုင်းပါပဲဗျာ။

ဒီမိုကရေစီ ငြိမ်းချမ်းရေးမိခင်ကြီး ဒေါ်အောင်ဆန်းစုကြည်ဟာ သူ့ဘဝတလျှောက်လုံး မိသားစုရဲ့ နွေးထွေးမှူဆိုတဲ့မေတ္တာကို မခံစားရရှာပဲ နိုင်ငံနဲ့ပြည်သူ့အပေါ်မှာ မားမားမတ်မတ်ရပ်တည်ပေးဆပ်ခဲ့တဲ့ စေတနာလေးကိုတော့ နိုင်ငံရေးအမည်ခံ နွားတံဆိပ်တွေအနေနဲ့ နည်းနည်းလေးတော့ပြန်ဆင်ခြင်ပြီး စာနာနားလည်သင့်ပါတယ်ဗျာ။

အဆိုးဝါးဆုံးကတော့ မလေးရှားဆိုတဲ့တိုင်းတပါးမှာ ရုန်းကန်လှုပ်ရှားရင်း ၀မ်းစာရှာဖွေရှင်သန်နေရတဲ့ အခြေခံလူတန်စားတွေရဲ့ဘဝပါ။ မိတကွဲ ဖတကွဲ၊ သားတကွဲ မယားတကွဲ ခွဲခွါလာကြပြီး တိုင်းတပါးမှာ မိမိရဲ့အလုပ်ရှင်က ဆူပူ ဆဲဆို၊ ကြိမ်းမောင်းခံရပြီးမှ ရလာသမျှ မသထာရေစာ ငွေကြေးလေးကို သံရုံးကဂုတ်သွေးစုပ်တာကတမျိုး၊ အေးဂျင့်တွေ ပွဲစားတွေကအနိုင်ကျင့်တာကတမျိုး၊ (တောရိုင်းတိရစ္ဆာန်တွေ ကြီးနိုင်ငယ်ညှင်းလုပ်နေသလိုပဲ) အဲ့ဒီလို ခက်ခက်ခဲခဲရုန်းကန်နေရတာကို ကိုယ်တွေ့ဖြစ်လျှက်နဲ့၊ နိုင်ငံရေးအယောင်ဆောင် လောက်ကောင်တွေက UNHCR ဆိုတဲ့ တတိယနိုင်ငံကြီးကို မက်လုံးပေးပြီး မြန်မာပြည်သူတွေအပေါ် ဥပဒေမဲ့လိမ်လည်နေကြတဲ့ လူလိမ်တွေပဲ။

မလေးရှားမှာ အလုပ်လုပ်ချင်စိတ်ရှိပြီး ရိုးရိုးသားသားရှာဖွေစားသောက်ရင် ကိုယ့်တမိသားစုအတွက်တော့ ချောင်ချောင်လည်လည်သုံးနိုင်ပါတယ်ဗျာ။ လက်ကျောမတင်းပဲ နိုင်ငံရေးအယောင်ဆောင်၊ ပြည်တွင်းမှာ စွန့်လွှတ်အနစ်နာခံပြီး လုပ်နေကြတဲ့ အဖွဲ့အစည်းတွေရဲ့ အမည်ခံပြီး လိမ်လည်လှည့်ဖျား စားသုံးနေကြတာ ရမ္မက်လွန်နေတုန်း အခိုက်အတန့်လေးပါ၊ နဲ့နဲ့လောက်ဆင်ခြင်မိရုံနဲ့ ဒီလုပ်ရပ်ဟာ အင်မတန်ယုတ်မာပြီး အလွန်ပဲ
ရှက်စရာကောင်းပါတယ်ဆိုတာ သိနိုင်ကြမှာပါ။

တခဏစံစားဘို့အတွက် တစ်နပ်စားဥာဏ်နဲ့ သူတပါးအခက်အခဲနဲ့ ပူပင်သောကတွေ ပေါင်းစုထားတဲ့ အပူရေစာတွေကို မစားချင်ကြပါနဲ့။ အခြေခံလူတန်းစား ဘဝတူတွေချင်း၊ အုပ်ချုပ်ခံ လူတန်းစားချင်းဆိုတာလေးတော့ ကိုယ့်ဘဝကိုယ်နားလည်ကြပါ။ အဲ့ဒီလောက်ကလေးမှ လူ့အသိတရားခေါင်းပါးနေမယ်ဆိုရင်တော့ (ဥပမာ။ ။ ( မိဘ ) မျိုးရိုးဗီဇကြောင့်ပဲဖြစ်ဖြစ် ထိန်းမရတဲ့ ဝါသနာကြောင့်ပဲဖြစ်ဖြစ် သူများမျက်ခုံးမွှေးပေါ်စင်္ကြန်လျှောက်ပြီး လူပါးဝချင်သပဆိုလည်း) မိမိတို့ရဲ့ အဖွဲ့မူပိုင်အမည်တပ်ပြီး လိမ်ညာစားကြပေါ့ဗျာ။

ပြည်တွင်းမှာ ပြည်သူ့အတွက် တကယ်ရင်ဆိုင်ပေးဆပ်နေရတဲ့ သူတွေကလူသားတွေပါဗျ၊ ကျောက်ဆစ်ကျောက်သားတွေ မဟုတ်ပါဘူး။ တိုင်းပြည့်အနာဂတ်ကောင်းဖို့အတွက် ပေးဆပ်နေကြတဲ့ လူတော်လူကောင်းတွေကို မကူညီချင်လို့ ကျေးဇူးမတင်ရင်လည်း နေပါစေ။ အနှောက်အယှက်လုပ်နေတဲ့
စာရိတ္တတွေ၊ စရိုက်တွေနဲ့တော့ မစော်ကားကြပါနဲ့ဗျာ။

ဒါ့ကြောင့် အခုလိုပြည်တွင်းက အဖွဲ့အစည်းတွေရဲ့ အမည်ခံပြီး ထင်ရာဆိုင်းနေကြတာကြီးကတော့ ကိုယ့်ကိုကိုယ်ယုံကြည်မူ့ကင်းမဲ့ပြီး ကိုယ့်အားကိုယ်ကိုးချင်စိတ်မရှိတဲ့ ပေါက်လွှတ်ပဲစား မိမဆုံးမဖမဆုံးမ သားသမီးတွေလိုဖြစ်နေကြတာပဲဗျာ။

ဖြိုးဝေ
KUALALUMPUR
MALAYSIA

အပြည့်အစုံသို့.....

နိုင်ငံရေးပါတီ အတုလား အစစ်လား

ကျနော်ဒီလိုစာမျိုးတွေ မရေးဖြစ်အောင်နေတာ တော်တော်ကြာပါပြီ။ မလေးရှားမှာ နိုင်ငံရေး၊ လူမှုရေးခုတုံးလုပ်ပြီး လုပ်စားနေတဲ့လူတွေကိုပြောရတာ “ယိုသူမရှက်၊ မြင်သူရှက်” ဆိုသလို လုပ်တဲ့လူကမရှက်ဘဲ ပြောတဲ့လူက ကြာတော့ရှက်လာပါတယ်။ အဲဒါကြောင့်လည်း ကိုယ့်ဘာသာကိုယ် စာတို၊ ကဗျာစလေးတွေရေး လုပ်နိုင်တာလေးတွေကို စိတ်တူကိုယ်တူ ညီအကိုတွေနဲ့ စုလုပ်ကြပြီး အေးအေးဆေးဆေး နေနေတာပါ။ ကို ဆိုတဲ့လူ ကွန်မန့်မှာမေးထားတဲ့ “အမျိုးသားဒီမိုကရေစီအဖွဲ့ချုပ်-လူငယ် (လွတ်မြောက်နယ်မြေ-မလေးရှား) ရဲ့ သမိုင်းကြောင်းလေးသိချင်ပါတယ်။ သူတို့ မှာ ပြည်တွင်း တို့ ဗဟိုတို့  ရှိပါသေးလား။” ဆိုတဲ့မေးခွန်းကို ဖြေချင်တာရယ်၊ RFA သတင်းဌာနကြီးမှာ မလေးရှားက နိုင်ငံရေးသမားအယောင်ဆောင် လူလိမ်ကျော်ကျော်ရဲ့ နိုင်ငံရေးသိက္ခာတစက်မှမရှိတဲ့ ပြောဆိုသွားပုံတွေအတွက် ဒီစာကို ရေးဖြစ်တာပါ။

နိုင်ငံရေးပါတီတခုရဲ့ တရားဝင်/တရားမ၀င် (အတု၊ အစစ်) ရပ်တည်မှုဆိုတာက ဒီပါတီရဲ့ လုပ်ဆောင်ချက်၊ ပြည်သူလူထုရဲ့ ထောက်ခံအားပေးမှုနဲ့သာ သက်ဆိုင်ပါတယ်။ ဂျနီဖာက ကုလသမဂ္ဂရုံးမှာ ပါတီထောင်စားပါတယ်လို့ စာတင်ထားပစေအုံး။ ပါတီနဲ့နိုင်ငံရေးကို ဗန်းပြ၊ ပြည်သူလူထုကို ခေါင်းပုံဖြတ် လိမ်ညာ လုပ်စားနေကြပြီး သက်ဆိုင်တဲ့ ပြည်သူရဲ့ထောက်ခံအားပေးမှု မရဘူးဆိုရင် ဒီပါတီကို နိုင်ငံရေးပါတီအစစ်လို့ မဆိုနိုင်ပါဘူး။ နိုင်ငံရေးလုပ်စားနေတဲ့ အတုအယောင် နိုင်ငံရေးပါတီတခုသာ ဖြစ်ပါတယ်။

မလေးရှားမှာ ဗမာ့နိုင်ငံရေးအင်အားကောင်းစဉ် လွန်ခဲ့ပြီးတဲ့နှစ်တွေတုန်းက NLD-LA (ဗဟို)က ဘွားအေကြီး ဒေါ်စန်းစန်းနဲ့ FTUB က ဦးလှဦးတို့ မလေးရှားကိုရောက်စဉ် ပြောသွားဖူးတဲ့ စကားတခွန်းရှိပါတယ်။ “NLD ပါတီဟာ မည်သူတဦးတယောက်ရဲ့ မူပိုင်ပစ္စည်းမှ မဟုတ်ပါဘူး” တဲ့။ ဆိုလိုချင်တာကို ပြောရရင် NLD ပါတီဟာ မြန်မာပြည်သူတွေအားလုံး ပိုင်ဆိုင်ပါတယ်။ မြန်မာပြည်သူတိုင်းဟာ NLD ပါတီနာမည်ကိုသုံးပြီး စစ်မှန်တဲ့ မြန်မာ့နိုင်ငံရေးကို လုပ်ခွင့်ရှိပါတယ်။ အဲဒီအချိန်တုန်းကလည်း ဒေါက်တာနိုင်လင်း၊ တင်အေးတို့ NLD နဲ့ ကျော်ကျော် NLD ဆိုပြီး KL မှာတင် NLD ပါတီနှစ်ခုရှိပါတယ်။ အခုဖြစ်တဲ့ ပြဿနာလိုမျိုး လူငယ်ဆိုပြီးတော့တောင် ကွဲပြားမှုမရှိတာကို မလေးရှားမှာ နိုင်ငံရေးလုပ်ဖူးသူတိုင်း သိကြမှာပါ။ တင်အေးနဲ့ ကျော်ကျော်တို့ KL မြို့လယ်ခေါင်မှာ တဖွဲ့နဲ့တဖွဲ့ ရိုက်မယ်၊ နှက်မယ်ဆိုပြီး အော်ကြီးဟစ်ကျယ် စကားများ ရန်ဖြစ်ခဲ့ကြတာကိုလည်း အမှတ်ရကြအုံးမယ် ထင်ပါတယ်။ အဲဒီအဖွဲ့နှစ်ခုကို ဘယ်အဖွဲ့က တရားဝင်တယ် မ၀င်ဘူးဆိုတာ NLD-LA က လူကြီးတွေကိုယ်တိုင်က ခွဲခြားပြောဆိုခြင်း မရှိခဲ့ပါဘူး။

ပြီးခဲ့တဲ့နှစ်ကအထိ မလေးရှားမှာ မြန်မာအဖွဲ့အစည်းပေါင်း ၆၀-ကျော် ရှိပါတယ်။ အခုဆိုရင် ဒီထက်ပိုများနိုင်တယ်လို့ ယူဆရပါတယ်။ အားလုံးသော မြန်မာအဖွဲ့အစည်းတိုင်းဟာ မလေးရှားအစိုးရကို တရားဝင်မှတ်ပုံတင်တောင်းခံပြီး ဖွဲ့စည်းထားကြတာမဟုတ်ပါဘူး။ ဒီတော့ ဘယ်အဖွဲ့အစည်းမှ တရားမ၀င်ဘူးလို့ ဆိုနိုင်ပါတယ်။ ယခု NLD-Youth (L.A Malaysia) ကအဖွဲ့ဝင်တွေ အဖမ်းခံရတဲ့အတိုင်း မလေးရှားလ၀ကဥပဒေနှင့် ငြိစွန်းသော NLD ကဒ်အတုပြုလုပ်မှုနဲ့ ဖမ်းမယ်ဆိုရင် အဖွဲ့အစည်း ၆၀-ကျော်လုံးရဲ့ ကဒ်တွေကိုင်ထားတဲ့ မြန်မာလူမျိုးတိုင်း အဖမ်းခံရမှာ ဖြစ်ပါတယ်။ NLD-Youth (L.A Malaysia) အဖွဲ့တခုတည်းကို ရွေးဖမ်းသွားတဲ့အပြင် သတင်းဌာနကနေတဆင့် အဖမ်းခံရတဲ့လူတွေ မကောင်းကြောင်းပြောခြင်းကို ဆက်စပ်ကြည့်မယ်ဆိုရင် နိုင်ငံရေးသမားအချင်းချင်း ချောက်တွန်း အမြတ်ထုတ်မှုသာ ဖြစ်နိုင်ပါတယ်။

အခုအချိန်ဟာ မလေးရှားမှာရှိတဲ့ မြန်မာ့နိုင်ငံရေးအင်အားစုတွေ၊ အဖွဲ့အစည်းတွေဟာ စည်းလုံးမှုမရှိဘဲ ဖရိုဖရဲဖြစ်နေတဲ့အချိန်ပါ။ ယခင့်ယခင်က လှုပ်ရှားလုပ်စားသွားခဲ့တဲ့ နိုင်ငံရေးလုပ်သူ၊ လူမှုရေးလုပ်သူများရဲ့ နာမည်ပျက်လုပ်ရပ်များကို ပြန်ပြီးအဖတ်ဆယ်နေရတဲ့အချိန်(ကောင်းသူများလည်း ရှိပါတယ်)၊ UNHCR နဲ့ ပတ်သတ်ပြီး အဖွဲ့အစည်းတချို့ရဲ့ ငွေလိမ်တောင်းမှုကြောင့် မြန်မာလူမျိုးတွေရဲ့ အကြည်ညိုပျက်ခံနေရတဲ့အချိန်၊ UNHCR နောက်ကောက်ကောက်ပါအောင် လိုက်နေမှုကြောင့် နိုင်ငံရေးသမားဆိုရင် လူမလေးစားတော့တဲ့အချိန်၊ အဲလိုအချိန်မျိုးမှာ စိတ်ဓာတ်ရှိကြပြီး တစစီဖြစ်နေတဲ့လူတွေကို နိုင်ငံရေးကောက်သင်းကောက်သလို တယောက်စီပြန်ပြီး စုစည်းနေရတဲ့အချိန်ပါ။ ခုအချိန်မှာ ဖြစ်လာတဲ့ ပြဿနာနဲ့ပတ်သတ်ပြီး နိုင်ငံရေးပါတီကြီးပါဆိုတဲ့ NLD-LA (Malaysia) ခေါင်းဆောင်ကျော်ကျော်ရဲ့ သတင်းဌာနကနေ ပြောသွားတဲ့စကားဟာ အရမ်းကို ရှက်စရာ၊ ရွံစရာ၊ အော့နှလုံးနာစရာ ကောင်းပါတယ်။ လက်ရှိအခြေအနေ၊ လက်ရှိအချိန်၊ ဖြစ်နေတဲ့ပြဿနာ၊ ပြောသွားတဲ့စကားပေါ်မှာမူတည်ပြီး ဒီလူနဲ့ သူဦးဆောင်နေတဲ့အဖွဲ့ဟာ နိုင်ငံရေးပါတီအတုလား၊ အစစ်လားဆိုတာ ခွဲခြားမြင်လို့ ရမယ်ထင်ပါတယ်။

မသမာသူလူတစုရဲ့ NLD ကဒ် အတုလုပ်မှုပါလို့ ပြောသွားတဲ့ ကျော်ကျော်နဲ့ NLD-LA (Malaysia) ဘာလဲဆိုတာကို ကျနော်ရဲ့ကိုယ်တွေ့အတွေ့အကြုံတခု ပြောပြပါမယ်။ ၂၀၁၀ ရွေးကောက်ပွဲဆန့်ကျင်ရေး ကို စုစည်းလို့ရတဲ့လူတွေနဲ့ ဆန္ဒပြကြမယ်ဆိုပြီး လူစုကြတုန်းက ကျနော်တို့ဆီကို လူတော်တော်များများ ဖုန်းဆက်ပြီးမေးကြပါတယ်။ “ကျော်ကျော်ရဲ့ NLD ဆန္ဒပြပွဲမှာ မပါရင် သူတို့ပွဲကို လာကြပါမယ်” တဲ့။ အလားတူပါပဲ။ ပြည်ထောင်စုနေ့နဲ့ ဗိုလ်ချုပ်မွေးနေ့ အထိမ်းအမှတ် သွေးလှူကြတုန်းကလည်း ကျနော်တို့ ဒီလိုမျိုးပဲ ဖုန်းဆက်ပြီး အမေးခံခဲ့ရပါတယ်။ ဒီလို ပြည်သူလူထုရဲ့ အကြည်ညိုပျက်နေတဲ့ ကျော်ကျော်နဲ့ NLD-LA (Malaysia) ဟာ မလေးရှားမှာ နိုင်ငံရေးပါတီအစစ်အမှန်အနေနဲ့ ရပ်တည်နေတာလား။ အတုအယောင်အနေနဲ့ ရပ်တည်ပြီး နိုင်ငံရေးသပ်လျှိုမှု လုပ်နေတာလား။

အခုတင်ထားတဲ့ပုံတွေဟာ ကျော်ကျော်နဲ့ အဖွဲ့ဝင် ၇၀၀၀-ကျော်ရှိတဲ့ NLD-LA (Malaysia) တို့ မြန်မာသံရုံးရှေ့မှာ နောက်ဆုံးအကြိမ် ဆန္ဒပြနေတဲ့အချိန်တုန်းက ပုံတွေပါ။ UNHCR မှတ်ပုံတင်လုပ်ပေးပါမယ်ဆိုပြီး ချွေးနည်းစာပိုက်ဆံတွေကို လိမ်တောင်းပြီးတဲ့နောက်ပိုင်း မလေးရှားမှာရှိတဲ့ မြန်မာလူမျိုးတွေရဲ့ ထောက်ခံအားပေးမှု လုံးဝမရှိတော့ဘဲ နိုင်ငံရေးသေသွားကြတဲ့ ပုံတွေပါ။ ဒီပုံတွေပါ ကျော်ကျော်နဲ့ NLD-LA (Malaysia) အဖွဲ့ ဟာ နိုင်ငံရေးအဖွဲ့ အတုလား အစစ်လားဆိုတာ စဉ်းစားလို့ရမယ် ထင်ပါတယ်။





ဒီအသံဖိုင်ကတော့ ကျော်ကျော်ရဲ့ NLD-LA (Malaysia) အဖွဲ့က မြန်မာလူမျိုးအလုပ်သမားဆီမှာ UN မှတ်ပုံတင်လုပ်ပေးမယ်ဆိုပြီး ပိုက်ဆံတောင်းနေတဲ့အသံဖိုင်ပါ။ အဲလိုတောင်းထားတဲ့ငွေတွေနဲ့ ကျော်ကျော်ဟာ ဗိုလ်တထောင်မြို့နယ်၊ သန်လျက်စွန်းမှာ “အုတ်၊ သဲ၊ ကျောက်၊ ဘိလပ်မြေ ရောင်းဝယ်ရေး” ဆိုင်ကြီးတခု ဖွင့်ထားပြီး စီးပွားရှာနေပါတယ်။ ဒီအသံဖိုင်ကို UNHCR-Malaysia ရုံးနဲ့ မလေးရှားအာဏာပိုင် အဖွဲ့အစည်းတွေကိုပါ တပါတည်းပို့ပေးပါအုံးမယ်။

ခုလောက်ဆိုရင်တော့ ကျော်ကျော်ဦးဆောင်တဲ့ NLD-LA (Malaysia) ဟာ မလေးရှားမှာ ဘယ်လိုအလုပ်မျိုးတွေ လုပ်ကိုင်နေထိုင်နေကြတယ်ဆိုတာ နိုင်ငံတကာက မြန်မာအသိုင်းအ၀ိုင်းများ နားလည်နိုင်ကြလိမ့်မယ်လို့ မျှော်လင့်ရပါတယ်။

အဖမ်းခံလိုက်ရတဲ့ NLD-Youth (L.A Malaysia) အဖွဲ့ကို စတင်ဖွဲ့စည်းခဲ့သူများကတော့ ကျော်ကျော်ဦးဆောင်တဲ့ NLD-LA (Malaysia) ရဲ့ လုပ်ရပ်များနဲ့ပတ်သတ်ပြီး သဘောထားခြင်းမတိုက်ဆိုင်ကြတဲ့ NLD-LA (Malaysia) ရဲ့ အလောစတား (Alor Star) တာဝန်ခံ ကိုချစ်အေး၊ ပီနန်း (Penang) နယ်မြေတာဝန်ခံ ကိုကိုကျော်နှင့် NLD-LA (Malaysia) ရဲ့ အီးစီအဖွဲ့ဝင် ကျန်းမာရေးတာဝန်ခံ ကိုစံမြင့်သိန်းတို့ ဖြစ်ပါတယ်။

KL မှ အဖွဲ့အစည်းများရဲ့ လက်လှမ်းမမှီနိုင်သော နေရာရှိ မြန်မာဒုက္ခသည်များနှင့် ရွေ့ပြောင်းအလုပ်သမားများ၏ ကျန်းမာရေး၊ လူမှုရေး၊ အလုပ်သမားရေး အခက်အခဲများကို အဓိကထား လိုက်လံကူညီဖြေရှင်းပေးနေကြသူများ ဖြစ်ပါတယ်။ NLD-Youth (L.A Malaysia) မှ ဦးဆောင်၍ ၄င်းတို့နယ်မြေ၀န်းကျင်ရှိ မြန်မာဒုက္ခသည်များ၏ ကလေးငယ်များ ပညာတတ်မြောက်ရေးအတွက် စာသင်ကျောင်းတခု ဖွင့်လှစ်နိုင်ရန် အကောင်အထည်ဖော် ဆောင်ရွက်နေစဉ် ယခုကဲ့သို့ အဖမ်းခံရခြင်းဖြစ်ပါတယ်။

တဆက်တည်းပဲ သတင်းဌာနနဲ့ သတင်းထောက်များကို အကြံပြု မေတ္တာရပ်ခံလိုပါတယ်။ သတင်းတခုကို မြန်မာနိုင်ငံသားများ နားလည်အောင် ဘာသာပြန်ပြီးတင်ပေးတဲ့အပေါ်မှာ ကျေးဇူးတင်ပါတယ်။ ဒီသတင်းကို မှန်ကန်မှုရှိမရှိ အင်တာဗျူးမှတ်ချက်ပြုရာမှာ တဦးတယောက်တည်းရဲ့ ပြောကြားမှုကို ဇောင်းပေးပြီး သတင်းတင်လိုက်တာဟာ အပြုသဘောမဆောင်ဘဲ ဆိုးကျိုးများ များစွာဖြစ်ပေါ်လာနိုင်သည်ကို တွေ့ရှိရပါသဖြင့် မြန်မာ့အရေးနှင့်ပတ်သတ်သော သတင်းများ အင်တာဗျူးမည်ဆိုပါက သုံးလေးဦးအားမေးမြန်းပြီး သမာသမတ်ကျသော ဖြေဆိုမှုများကိုသာ ဖော်ပြသင့်ပါတယ်။ ဒီစကားကို ပြောရခြင်းမှာလည်း မလေးရှားရှိ မြန်မာ့နိုင်ငံရေး လှုပ်ရှားသူများရဲ့ အခြေအနေကြောင့်သာ ဖြစ်ပါတယ်။ မိမိတို့ လုပ်ကိုင်နေသော သတင်းဌာန၏ ဂုဏ်သိက္ခာကိုလည်း ထိန်းသိမ်းရာရောက်ပါတယ်။

ကို ရဲ့ ကွန်မန့်မှာ ရေးထားတဲ့မေးခွန်းကတော့ အပေါ်က ပြောသွားတဲ့အထဲမှာ ပါနိုင်လောက်မယ်လို့ထင်ပါတယ်။ ကျနော့်အယူအဆကတော့ အဖွဲ့အစည်းတခုဟာ ရပ်တည်နေတဲ့ နေရာဌာနက မိမိလူမျိုးတွေရဲ့ လိုအပ်ချက်တွေကို မှန်မှန်ကန်ကန်နဲ့ ဖြည့်ဆည်းစွမ်းဆောင်ပေးနိုင်မှုဟာ ပိုပြီးအဓိကကျမယ်ထင်ပါတယ်။ အဲဒီလိုလုပ်နိုင်ခြင်းဟာ ပြည်တွင်းကို ထောက်ပံ့ အချိတ်အဆက်လုပ်နေတာနဲ့ အတူတူပါပဲ။

မောင်ပါလ
၂၂.၅.၂၀၁၁

အပြည့်အစုံသို့.....

တခုခုတော့ မှားနေပြီ

(မေးလ်ထဲသို့ ပေးပို့လာသည့် စာမူဖြစ်ပါသည်။)

မနေ့ညက အွန်လိုင်းဝင်ရင်း သတင်းလေးတပုဒ် ဖတ်လိုက်ရတယ်။ ပြည့်ပြည့်စုံစုံပြောရရင် ကျနော်လာရောက်အလုပ်လုပ်နေတဲ့ မလေးရှားက သတင်းလေးတပုဒ်ပေါ့။ ဒီသတင်းကို ဖတ်လိုက်ရချိန်မှာ ကျနော့်စိတ်ထဲ တခုခုတော့မှားနေပြီ ဆိုတာ သိလိုက်ရတယ်။ ဒီလိုပြောလို့ ကျနော် အကြားအမြင် ရနေပြီလို့တော့ မထင်လိုက်ပါနဲ့။ ကျနော်ကိုယ်တိုင် လက်တွေ့ခံလိုက်ရတဲ့ ကိုယ်တွေ့ အဖြစ်အပျက်နဲ့ယှဉ်ပြီး ပြောလိုက်ရတာပါ။ အဖြစ်အပျက်ကတော့......

ကျနော်ဟာ မြန်မာ့အရေးကို စိတ်ဝင်စားတဲ့ လူငယ်တဦး၊ ကိုယ့်နိုင်ငံအရေးကို တတ်နိုင်တဲ့ဖက်က လုပ်မယ်ဆိုတဲ့ ခံယူချက်နဲ့ NLD-L.A (Malaysia) အဖွဲ့ဝင်အဖြစ် ၂၀၀၇-ခုနှစ်၊ ၂-လပိုင်းမှာ အဲဒီအချိန်တုန်းက NLD-L.A (Malaysia) ရဲ့ဌာနခွဲ (ပီနန်း) ကနေ အဖွဲ့ဝင်ခဲ့ပါတယ်။ တက်ကြွလှုပ်ရှားတဲ့ လူငယ်တဦးအနေနဲ့ ကျနော်တို့ရဲ့ ယနေ့အချိန်အထိ မပြောင်းလဲတဲ့ ဥက္ကဌ (သူ့ကြည့်ရတာ အပြောင်းအလဲကို ကြောက်နေပုံ ရပါတယ်။) ဦးကျော်ကျော်ရဲ့ ရဲရဲတောက်မိန်ခွန်းတွေ NLD ကိုဝင်ရင် ဘာအခွင့်အရေးမှ မမျှော်လင့်နဲ့။ UN လိုချင်လို့ NLD ထဲကို ၀င်လာရင်တော့ အခုထဲကထွက်ပါ။ ကျနော်တို့ဟာ မြန်မာ့နိုင်ငံရေးကို သန့်သန့်လေးလုပ်တဲ့ အဖွဲ့လို့ ပြောခဲ့တဲ့ စကားတွေက ကျနော်တို့ လူငယ်တွေအတွက် တကယ့်ကို အားတက်စရာ။ အဲဒီအချိန်တုန်းက ခုအဖမ်းခံရတဲ့ နယ်မြေတာဝန်ခံအဖြစ် လှုပ်ရှားနေတဲ့ ကိုချစ်အေး၊ ကိုကိုကျော် တို့ဆိုတာ ကျနော်တို့ ပီနန်းနယ်မြေဖက်မှာ NLD-L.A (Malaysia) အတွက် အရမ်းကို တက်ကြွခဲ့ကြတာပါ။

၂၀၀၇- ရွှေဝါရောင်တော်လှန်ရေး ဆန္ဒပြပွဲတွေမှာ မလေးရှားနိုင်ငံက မြန်မာတွေရဲ့ လှုပ်ရှားဆောင်ရွက်မှုတွေဟာ တကမ္ဘာလုံး အာရုံစိုက်ရတဲ့အထိ ကြီးမားခဲ့ပါတယ်။ အဲဒီလို အင်အားတောင့်တင်းခိုင်မာနေတဲ့ မလေးရှားရောက် မြန်မာနိုင်ငံရေး အင်အားစုကြီးကို တစစီဖြစ်အောင် ဖြိုခွဲလိုက်သူဟာ စစ်အစိုးရလည်း မဟုတ်ဘူး။ မြန်မာသံရုံးကလည်း မဟုတ်ဘူး။ NLD-L.A (Malaysia) ရဲ့ ဥက္ကဌကြီး ဦးကျော်ကျော်သာလျှင် ဖြစ်တယ်ဆိုရင် အံ့သြသွားမလား မိတ်ဆွေ၊ တကယ်ကို တရားခံအစစ်ပါ။

အဖြစ်အပျက်ရဲ့ အစကတော့ သူ့မရီးတော် (၀င်းဝင်းမော်) ရဲ့ ကိစ္စက စတယ်လို့ ပြောရမှာပေါ့။ ဒီလိုပါ..... ဂျိုဟိုးနယ်မြေမှာ ၀င်းဝင်းမော်ဆိုတဲ့ မြန်မာအမျိုးသမီးတယောက် သူဌေးရဲ့ မတရားတဲ့ဖိနှိပ်မှုတွေကြောင့် ဆန္ဒပြရင်း တိုက်ပေါ်ကခုန်ချလို့ ခါးရိုးကျိုးသွားတယ် ဆိုတဲ့သတင်းဟာ ကျနော်တို့ မြန်မာတွေအကြား အတော်ခံပြင်းစရာကိစ္စ၊ ဒီကိစ္စကို NLD-L.A (Malaysia) က တာဝန်ယူ ဖြေရှင်းပေးတယ်ပေါ့။ လိုအပ်တဲ့ ဆေးဝါးကုန်ကျစရိတ်က မလေးငွေ သောင်းချီကုန်မယ်ဆိုတော့ အဖွဲ့ဝင်တွေ ၀ိုင်းရှာကြပေါ့။ ကျနော်တို့ ပီနန်းဖက်မှာ တတ်နိုင်သလောက် ရှာဖွေပေး၊ ကျန်တဲ့နယ်မြေတွေကလည်း ၀ိုင်းရှားပေးပေါ့။

လိုအပ်တာထက် ပိုလျံလွန်းလို့ ဥက္ကဌကြီး စိတ်ပြောင်းသွားပါရောလား။ ကျန်းမာရေးတာဝန်ခံတွေကို လုံးဝမခိုင်းတော့ဘဲ သူကိုယ်တိုင် လူနာကို ကိုယ်ဖိရင်ဖိ ပြုစုလိုက်တာ သူ့ညီမနဲ့ အကြောင်းပါချစ်ကြိုက်ပြီး အခုသူ့လက်ရှိမိန်းမ သက်သက်မော်ခမျာ မြန်မာပြည်ပြန်ပြီး လင်ကြီးနဲ့ တရားဝင် ကွာရှင်းရတဲ့အထိ ဖုံးမနိုင်ဖိမရတွေ ဖြစ်ကုန်ပါလေရော။ ဥက္ကဌကြီး ကမြင်းကြောထတဲ့သတင်းဟာ ကျနော်တို့လူငယ်တွေအတွက် တော်တော်ခံပြင်းစရာကောင်းပါတယ်။

ဥက္ကဌကြီးက တကယ်ကို တော်ပါတယ်။ နောက်ပိုင်းကျတော့ န.အ.ဖ စစ်ဗိုလ်ချုပ်တွေရဲ့ အတုယူစရာနည်းလမ်းတွေကို သူစတင်လုပ်ဆောင်ပါတော့တယ်။ ပါတီထဲက သူ့လုပ်ရပ်ကို ဖြုတ်ချတဲ့ အီးစီအဖွဲ့ဝင်တွေကို ဖြုတ်၊ သူ့လူတွေကိုထည့်။ ဒီနေရာမှာ ဗိုလ်သန်းရွှေနဲ့ ဦးကျော်ကျော် ဘယ်သူကဆရာဖြစ်မလဲဆိုတာ စဉ်းစားရမယ့်အချက်က ဦးကျော်ကျော်ဟာ သူ့လုပ်ရပ်တွေကို ဝေဖန်ထောက်ပြလာပြီဆိုတာနဲ့ အဲဒီလူကို ပါတီထဲမှာ ဘယ်လိုမှ နေလို့မရတော့အောင် အကောက်ကြံပြီး ပိပိရိရိ လုပ်တော့တာပါပဲ။ သူ့နေရာကို လုံးဝ အထိမခံပါဘူး။

ဒီလိုနဲ့ တဆက်တည်း မြန်မာနိုင်ငံမှာ နာဂစ်မုန်တိုင်း ဖြစ်ပြန်တော့ ကောက်လို့ရတဲ့ အလှူငွေတွေမှ နည်းတာမဟုတ်ဘူး။ ကျနော်တို့ ပီနန်းနယ်မြေနဲ့ အလောစတားနယ်မြေက အများဆုံးပေါ့။ နာဂစ်အလှူငွေကိစ္စနဲ့ ပတ်သတ်ပြီး ပြည်တွင်းကို ထိထိရောက်ရောက်မပို့လို့ အခုအဖမ်းခံနေရတဲ့ နယ်မြေတာဝန်ခံ ကိုချစ်အေးတယောက် တော်တော်စိတ်မကောင်းဖြစ်ပြီး ပါတီက ထွက်သွားပါတယ်။ အဲဒါနဲ့ တဆက်တည်း ကျနော်တို့ ပီနန်းဌာနခွဲကလည်း ခွဲထွက်လိုက်ပါတယ်။ ၂၀၀၈-ခုနှစ် လောက်ကတည်းက NLD-L.A (Malaysia) နှစ်ခြမ်းကွဲခဲ့တာပါ။

အခုကဒ်အတုလုပ်ပြီး ရောင်းစားတယ်လို့ စွတ်စွဲခံရတဲ့အဖွဲ့က ပီနန်းဌာနခွဲရဲ့ အသစ်ပြန်ဖွဲ့လိုက်တဲ့ ဖြစ်ပါတယ်။ သူတို့က NLD-Youth (L.A Malaysia) ဆိုပြီး သူတို့နယ်မြေဖြစ်တဲ့ အလောစတားနဲ့ ပီနန်းနယ်တွေမှာ မြန်မာရွေ့ပြောင်းအလုပ်သမားနဲ့ မြန်မာဒုက္ခသည်တွေရဲ့အရေးကို ဆောင်ရွက်ပေးနေတာပါ။ ပါတီရဲ့ ဖွဲ့စည်းပုံနဲ့ အဖွဲ့ဝင်စာရင်းတွေကိုလည်း UNHCR ကို တင်ထားပြီးသားပါ။

ကျနော်ပြောချင်တာက NLD ကဒ်ကို RM 500 နဲ့ ရောင်းတယ်ဆိုတဲ့ကိစ္စ။ လွန်ခဲ့တဲ့နှစ်က UNHCR က မလေးရှားမှာရှိတဲ့ မြန်မာအဖွဲ့အစည်းတွေကို UNHCR အသိအမှတ်ပြုကဒ်တွေ ပေးမယ်ဆိုတဲ့အချိန်မှာ NLD-L.A (Malaysia) က ဥက္ကဌဦးကျော်ကျော်ကိုယ်တိုင် ကျနော်တို့ နယ်မြေတွေကို ဆင်းလာပြီး UN တင်ပေးမယ်။ NLD ကဒ် အရင်လုပ်ရမယ်။ ရင်းဂစ် 310 ပေးရမယ်ဆိုပြီး ကွင်းဆင်းပြီး ငွေတွေကောက်ပါတယ်။ ဘာမှ အထောက်အထားမရှိတဲ့ ကျနော့်သူငယ်ချင်းတွေ (ကျနော်လည်းတူတူပါပဲ) စာရင်းတွေပေး၊ ပိုက်ဆံတွေပေး။ နောက်ပိုင်းတခါ UN ဖြေဖို့အတွက် BIO ရေးပေးမယ်ဆိုပြီး RM 200 ထပ်တောင်းလို့ ထပ်မပေးနိုင်ဘဲ 310 အဆုံးခံလိုက်ရတဲ့လူတွေလည်း အများကြီးပါ။ အဲလို အဆုံးခံလိုက်တဲ့ လူတွေရဲ့နာမည်နေရာတွေမှာ လူစားထိုးထပ်ထည့်ပြီး RM 750 ကနေ 2000 အထိ ဥက္ကဌဦးကျော်ကျော်နှင့်အဖွဲ့က လုပ်စားသွားတာ မလေးရှားမှာ ယခုအချိန်အထိ လူတိုင်းရင်ထဲမှာ ခံပြင်းနေတုန်းပါ။ ကျနော်တို့လို ကိုယ့်နိုင်ငံအရေးကို ရိုးရိုးသားသား လုပ်ကိုင်နေတဲ့ လူငယ်တွေအတွက် အတော့်ကို ထိခိုက် စိတ်ဓာတ်ကျစရာ ဖြစ်ခဲ့ရပါတယ်။

အခု NLD ကဒ် အတုလုပ်ပါတယ်ဆိုပြီး စွပ်စွဲခံရတဲ့အဖွဲ့က UNHCR တင်ပေးမယ်။ ငွေဘယ်လောက်ပေးရမယ်ဆိုပြီး တောင်းခံခြင်းမရှိပါဘူး။ အဖွဲ့ရန်ပုံငွေနဲ့ ကဒ်လုပ်ခအတွက် ရင်းဂစ် ၅၀ သာ ထည့်ဝင်ရတာပါ။

ဒီလောက်ဆိုရင်တော့ မိတ်ဆွေတို့လည်း တခုခုမှားနေပြီ ဆိုတာ သိလောက်ရောပေါ့............။

ဇီဒန်း (ပီနန်း)

အပြည့်အစုံသို့.....

NLD-Youth (L.A Malaysia) ရုံးအား မလေးလ၀ကမှ ၀င်ရောက်စီးနင်း

ပုံကိုနှိပ်၍ အကြီးကြည့်ပါ။

မေလ ၁၉-ရက်၊ ၂၀၁၁ မနက် ၁၁ နာရီအချိန်ခန့်တွင် အမျိုးသားဒီမိုကရေစီအဖွဲ့ချုပ်-လူငယ် (လွတ်မြောက်နယ်မြေ-မလေးရှား) ရုံးအား မလေးရှားလူဝင်မှုကြီးကြပ်ရေးမှ ၀င်ရောက်စီးနင်းကာ ကဒ်အတုများ ပြုလုပ်သည်ဟူသော အကြောင်းပြချက်ဖြင့် ကော်မတီအဖွဲ့ဝင် ၁၁-ဦးအား မလေးရှားနိုင်ငံ၊ ကဒါ (Kedah) ပြည်နယ်၊ ဘလန်တစ်ခ် (Belantik) ထိန်းသိမ်းရေးစခန်းသို့ ဖမ်းဆီးခေါ်ဆောင်သွားခဲ့သည်။

အမျိုးသားဒီမိုကရေစီအဖွဲ့ချုပ်-လူငယ် (လွတ်မြောက်နယ်မြေ-မလေးရှား)သည် မလေးရှားလူဝင်မှုကြီးကြပ်ရေးဥပဒေနှင့်ငြိစွန်းသော မည်သည့်ကဒ်အတုကိုမျှ ပြုလုပ်သည်မဟုတ်ဘဲ အမျိုးသားဒီမိုကရေစီအဖွဲ့ချုပ်-လူငယ် (လွတ်မြောက်နယ်မြေ-မလေးရှား) ကဒ်ကို (၄င်းတို့ပုံတွင် ပါရှိသည့်အတိုင်း) အဖွဲ့ဝင်များအား ပေးအပ်ထုတ်ပေးခြင်းသာဖြစ်သည်။

ထို့ပြင် အမျိုးသားဒီမိုကရေစီအဖွဲ့ချုပ်-လူငယ် (လွတ်မြောက်နယ်မြေ-မလေးရှား)သည် မလေးရှားနိုင်ငံ၊ အလောစတားနယ်မြေတွင် မြန်မာဒုက္ခသည်များနှင့် မြန်မာရွေ့ပြောင်းအလုပ်သမားများ၏ ကျန်းမာရေး၊ လူမှုရေး၊ အလုပ်သမားရေး အခက်အခဲများကို ကူညီဆောင်ရွက်ပေးခြင်း၊ မြန်မာလူမျိုးများ နိုင်ငံရေးအသိစိတ်ဓာတ် နိုးကြားတက်ကြွစေရန် လိုက်လံဟောပြောစည်းရုံးခြင်း၊ မြန်မာပြည်တွင်းရှိ နိုင်ငံရေးအကျဉ်းသားမိသားစုများကို ကူညီထောက်ပံ့ကြရန် ဟောပြောလှုံ့ဆော်ခြင်း၊ စသည့် မြန်မာ့အရေးကိစ္စများကိုသာ လုပ်ဆောင်နေခြင်း ဖြစ်ပါသည်။

မလေးရှားလ၀ကဥပဒေ၊ ရဲဥပဒေနှင့် ဆန့်ကျင်ငြိစွန်းသော မည်သည့်ကိစ္စများကိုမျှ လုပ်ဆောင်ခြင်းမရှိပါ။ အဖွဲ့ဝင်များထံမှ ရင်းဂစ်ငွေ ၅၀၀ တောင်းခံသည်ဟူသော စွပ်စွဲပြောဆိုထားသည့်နှင့်ပတ်သတ်၍ ၄င်းတို့အဖွဲ့ဝင်များထံတွင်စုံစမ်းရာ၌လည်း မှန်ကန်မှုမရှိဘဲ အဖွဲ့ဝင်ကြေးနှင့် လစဉ်ကြေးကိုသာ ပေးဆောင်ရကြောင်း သိရှိရပါသည်။

သို့ဖြစ်ပါ၍ နိုင်ငံတကာရှိ မြန်မာ့နိုင်ငံရေးအင်အားစုများအနေဖြင့် မတရားဖမ်းဆီးခံရသူများ ပြန်လည်လွတ်မြောက်စေရန် မလေးရှားအစိုးရအား ၀ိုင်းဝန်းဖိအားပေးကြပါရန်နှင့် UNHCR နှင့် နီးစပ်ပတ်သတ်သည့် အဖွဲ့အစည်း၊ လူပုဂ္ဂိုလ်များမှလည်း မတရားဖမ်းဆီးခံရသည့်ကိစ္စအား UNHCR သို့ ၀ိုင်းဝန်းတင်ပြပေးကြပါရန် လေးစားစွာ အကူအညီတောင်းခံအပ်ပါသည်။

(နီးစပ်ရာသို့ forward လုပ်ခြင်းဖြင့် ကူညီပေးပါရန် မေတ္တာရပ်ခံအပ်ပါသည်)

The list of the arrested people

1) Chit Aye ( 354-06C02158 )
2) Htin Kyaw ( 354-09C00937 )
3) Ko Ko Kyaw
4) San Myint Thein
5) Tin Maung
6) Zaw Lin
7) Thein Tway
8) May Lwin
9) Chit San Maung
10) Alli Baine
11) Phoe Chit

အပြည့်အစုံသို့.....

ယောက်ဖကြက်ဥမတိုက်ကြပါနဲ့

ကျနော်ဒီပို့စ်ကို အရင်ကတည်းကရေးမလို့ပါ။ သတင်းအတိအကျလည်း ရထားပါတယ်။ ဒါပေမယ့် အကြောင်းအမျိုးမျိုးကြောင့် မရေးဖြစ်ခဲ့ပါဘူး။ အခုချိန်ဟာ ရန်သူက စနစ်တကျနဲ့သူသွားမယ့်လမ်းကိုလျှောက်နေချိန်မှာ ကျနော်ဒီပို့စ်ကိုရေးတင်လိုက်ရင် ရန်သူအလိုကျ ခွေးစိတ်ချမ်းသာအောင် ကျနော်တို့ကလေလည်ပြသလိုဖြစ်နေမှာက တကြောင်း၊ မလေးရှား UNHCR အနည်းငယ်မျှအသိတရားရတာကို ကြိုဆိုတာကတကြောင်း၊ မလေးရှားနိုင်ငံမှာ အလုပ်လုပ်နေကြတဲ့ အထောက်အထားမဲ့ ဗမာလူမျိုးတွေကို ငဲ့နေရတာကတကြောင်း၊ အဲဒါတွေကြောင့် ကျနော်ရေငုံနှုတ်ပိတ်နေခဲ့ပါတယ်။ ခုလည်းကျနော်မရေးတော့ဘူးလို့ ဆုံးဖြတ်ပါတယ်။ သတိပေးစရာရှိတာတော့ နည်းနည်းပြောပါရစေ။

မြန်မာနိုင်ငံရေးအတွက် တကယ်ကိုယ်ကျိုးစွန့်၊ အနစ်နာခံပြီး လုပ်နေကြသူတွေ အများကြီးရှိပါတယ်။ သူတို့တွေကို လေးစားရလွန်းလို့လည်း ကျနော်ကိုယ့်ထမင်းကိုယ်စားပြီး ကြီးဒေါ်နွားကျောင်းနေတာပါ။ အဲလိုအနစ်နာခံပြီး လုပ်နေတဲ့သူတွေရှိကြသလို နိုင်ငံရေးကိုခုတုံးလုပ် ပါတီအလံကိုဗန်းပြပြီး ကိုယ်ကျိုးရှာနေတဲ့သူတွေတပုံကြီးပါ။ လုပ်နေကြတာကတမျိုး၊ အော်နေကြတာကတခြားပါ။ ဒီလိုလူတွေရှိနေကြရင် မြန်မာပြည်နိုင်ငံရေးလုပ်နေကြတာဟာ ပုလိုင်းပေါက်နဲ့ဖားကောက်သလို ဖြစ်နေမှာပါ။

မလေးရှားမှာ bloggers တွေ အများကြီးရှိပါတယ်။ ဘယ်သူမှအားလို့၊ ယားလို့ စာရေး၊ သတင်းတင်နေကြတာ မဟုတ်ပါဘူး။ ကိုယ့်ယုံကြည်ချက်၊ ခံယူချက်တွေကြောင့် မအားတဲ့ကြားကနေ တကြောင်းပဲရရ ရေးကြမယ်ဆိုတဲ့ သူတွေချည်းပါပဲ။ ကျနော့်ညီလိုခင်ရတဲ့ တယောက်ဆို ဒုက္ခိတပါ။ ရှိတဲ့လက်တဖက်တည်းနဲ့ ကီးဘုတ်ရိုက်၊ သတင်းမျှပေးလုပ်နေတာပါ။ တခုခုလုပ်စရာရှိလို့ အကြောင်းကြားလိုက်ရင်လည်း တခါမှမငြင်းဖူးပါဘူး။ bloggers ထဲမှာ အဲလိုလူမျိုးတွေ အများကြီးပါ။

မလေးရှားက လူ၊ အဖွဲ့အစည်း၊ ပါတီတခုခုက ကောင်းတဲ့ရည်ရွက်ချက်နဲ့ လုပ်တဲ့ကိစ္စမှန်သမျှဆိုရင် အဲဒီ blog တွေမှာတွေ့ရမှာပါ။ တခြားကိုတောင် သတင်းရောက်စရာ မလိုပါဘူး။ မလေးရှားက blog တွေအားလုံးဝိုင်းအော်ရင် မိုးခြိမ်းသံထက်တောင် ကျယ်သွားနိုင်ပါတယ်။ အဲဒီ blog တွေကိုကျော်ပြီး အပြင်သတင်းရောက်သွားရင်တော့ နည်းနည်းလေး သတိနဲ့စဉ်းစားပြီးမှ တင်သင့်ပါတယ်။ ပြီးပြီးရော မလုပ်သင့်ပါဘူး။ သတင်းဌာနများ၊ bloggers များက အဲဒီလိုလုပ်ခြင်းအားဖြင့် အဆိပ်ပင်ရေလောင်းသလို၊ ယောက်ဖကြက်ဥတိုက်သလို ဖြစ်နေမည် ဖြစ်ပါကြောင်း ကျနော်မောင်ပါလ အမုန်းခံပြီး သတိပေးအပ်ပါတယ်ခင်ဗျာ။

အပြည့်အစုံသို့.....