တတိယအကြိမ်မြောက် စာပေဟောပြောပွဲ (မလေးရှားနိုင်ငံ)

မှတ်တမ်းဓာတ်ပုံများ



အတွေးပုံရိပ် (သို့) ဘ၀အပိုင်းအစလေးတခု

တတိယအကြိမ်တောင်ရှိခဲ့ပြီ။ ဓာတ်ပုံလိုက်ရိုက်နေရင်းဖြင့် ပထမဆုံးအကြိမ် စာပေဟောပြောပွဲဖြစ်မြောက်ရန်အတွက် ၀ါသနာတူညီအကို၊ သူငယ်ချင်းတစုတို့ အားထုတ်ခဲ့ကြပုံများတရိပ်ရိပ်ပြန်လည်မြင်ယောင်ရင်း........

ဝါသနာတူသူငယ်ချင်းတသိုက်စုပြီး မလေးရှား၌ ဂျာနယ်တစောင်အခြေတည်ခဲ့ကြသည်။ (ကျနော်ကနောက်မှရောက်သွားခဲ့သည်။)
အဲဒီအချိန်တုန်းက ကျနော်တို့တတွေ တခါတလေစားစရာမရှိကြ။ ပိုက်ဆံရှာကြသည့် ကျနော်တို့အကိုများ အကြွေးလည်ပင်းနစ်ခဲ့ကြသည်။ သို့သော် စိတ်ညစ်စရာများပွေ့ပိုက်ရင်း ကျနော်တို့ပျော်ခဲ့ကြသည်။ တယောက်ကိုတယောက်ဖေးမရင်း အားထုတ်မှုကြောင့်ထွက်ပေါ်လာမည့် အသီးအပွင့်ကိုမြင်ယောင်ရင်း ကျနော်တို့ပီတိဖြစ်ခဲ့ကြသည်။ ၀ါသနာဖြင့် ရှင်သန်ခဲ့ကြသည်။ ရယူလိုမှုမရှိဘဲ ကျနော်တို့ဖြစ်ချင်တာလေးအပေါ်၌သာ
အာရုံစိုက်ခဲ့ကြသည်။ ဂျာနယ်ထွက်သည့်အချိန်ဆိုလျှင် ညီအကိုများ ကျောပိုးအိတ်ထဲ စာအုပ်များထည့်ကာ တနေကုန်ဘတ်စ်ကားစီးရင်း တဆိုင်ဝင်တဆိုင်ထွက်လိုက်ပို့ခဲ့ကြသည်။ ပင်ပန်းမှုသည် ကျနော်တို့တက်မည့်လှေကားအတွက် ခြေနင်းခုံ၊ အခက်အခဲသည် ကျနော်တို့အတွက် ပန်းခင်းလမ်း။ ပြဿနာများသည်ကျနော်တို့အတွက် ဖဲမွေ့ယာ။ မရှိခြင်းတွေနဲ့နေသားကျ ဘ၀ကပြည့်စုံခဲ့ကြသည်။

အဲဒီအချိန်တုန်းက ကျနော်တို့လက်စွဲစကားတခွန်းရှိသည်။ “လုပ်တတ်လွန်း၍လုပ်နေကြခြင်းမဟုတ်။ လုပ်မည့်သူမရှိ၍သာ မဖြစ်ဖြစ်အောင်လုပ်နေကြခြင်းဖြစ်သည်” ဟူသောစကား........။ အခက်အခဲများကြားထဲမှ အသက်အကြီးဆုံး အကိုကြီးလိုနေသည့်တယောက်ကစပြီး မလေးရှား၌ စာပေဟောပြောပွဲလေးတခု ဖြစ်အောင်ပြုလုပ်ကြရန်
အစပျိုးတိုင်ပင်ခဲ့သည်။ ထိုအချိန်မှစကာ စာပေဟောပြောပွဲလေးတခု ဖြစ်မြောက်အောင် ကျနော်တို့လုံးပမ်းခဲ့ကြသည်။ သို့သော်ပိုက်ဆံမရှိ။ စိတ်ဓာတ်ဖြင့်သာ အရင်းပြုခဲ့ကြသည်။ စာရေးဆရာကြီးများအား ကန်တော့ရန်နှင့်လမ်းစရိတ်ပင် ကျနော်တို့ဆီမှာ လုံလုံလောက်လောက်မရှိ။ နောက်ဆုံးတော့ မြန်မာဆိုင်တချို့၏ကူညီမှု၊ မလေးရှားရှိ
မြန်မာ့လူကုံထံပညာတတ်များ၏ ကူညီပံ့ပိုးမှုများနှင့် ပထမဆုံးအကြိမ် စာပေဟောပြောပွဲအောင်မြင်စွာ ပြီးဆုံးခဲ့ပါသည်။ ကျနော်တို့ညီအကိုများသည် ငွေကြေးအားဖြင့်ရင်းနှီးမှု မရှိခဲ့ကြသော်လည်း စိတ်ဓာတ်နှင့်အရင်းတည်ကာ ရလာမည့်အကျိုးအမြတ်ကို မမျှော်ကိုးဘဲ လုံ့လစိုက်ထုတ်ခဲ့ကြခြင်းသာဖြစ်သည်။

ယခုအချိန်တွင်တော့ ဂျာနယ်သည်လည်း မလေးရှားရှိ မြန်မာ့စာပေလောကတွင် မားမားမတ်မတ် ရပ်တည်နေနိုင်ခဲ့ပြီ။ စာပေဟောပြောပွဲသည်လည်း လူကုံထံများ၊ ပညာတတ်မြန်မာများကြား၌ တနှစ်တကြိမ်အောင်မြင်စည်ကားစွာ ကျင်းပနေနိုင်ပြီဖြစ်သည်။ ကျနော်တို့မက်ခဲ့ရသောအိပ်မက်သည်ကား တကယ်ပင် အကောင်အထည်ပေါ်ခဲ့ပြီဖြစ်သည်။ ပန်းပင်ပေါ်သို့ရေလေးတခွက်ပင် လောင်းလိုက်သည်ဖြစ်ပစေ။ မိမိရေတခွက်လောင်းလိုက်သောအပင်မှ ပွင့်လာသည့်ပန်း ငါးငါးစွင့်စွင့် ဖူးပွင့်နေသည်ကိုမြင်ရသည့်အခါ ဖြစ်ပေါ်လာသောပီတိမျိုးသည် ကျနော်နှလုံးသား၌ ဖုံးလွမ်းလျက်...............

ထိုအချိန်က ၀ါသနာတူလက်တွဲဖော်ညီအကိုများကား ယခုတခါ တကွဲတပြားစီ............ ကြုံရာအလုပ်ဝင်လုပ်ကြရင်း ဘ၀ကိုရုန်းကန်နေကြသည်။ စာရေးဆရာများဟောပြောပွဲကိုနားထောင်ရင်း ကျနော့်ရင်ထဲမချိ။ တယောက်တခွက်ရေ၀ိုင်းလောင်းပေးလိုက်သောအပင်မှ ပွင့်နေသည့်ပန်းကိုကြည့်ရင်း သူတို့လည်း ကျနော့်လိုပင်ရှိနေမည်ထင်သည်။ သေချာသည်မှာကား ထိုအချိန်ကကျနော့်ညီအကိုများလည်း ကျနော့်လိုပင် ကျေနပ်ပီတိဖြစ်နေမည်ဆိုသည်ကို................။