ဒီမိုကရေစီ အော်တိုင်းပြေးပေလိမ့်....

“ဒီမိုကရေစီ အော်တိုင်းပြေးပေလိမ့်”

ရသမျှတွေအကုန်ဘုံး

သုံးလို့ကုန်တော့ လက်ရှောင်

ပြုံးမယောင်ယောင် မျက်နှာပေးနဲ့

ကမ္ဘာကိုလေချိုသွေးတယ်

ဒီမိုကရေစီလူ့ဘောင်ကို သွားကြရအောင် တဲ့…..။

သနပ်ခါးပါးပါး မျက်နှာပေါ်တင်

ပေါင်ကြားမှာ သေးရာမစင်တယ်

ကြံ့ဖွတ်အစိုးရ အပုပ်ကောင်ရယ်

ယုတ်မာပုံ ကျော်မကောင်း။

မဟနကို ခြေတော်တင်

သံဃာကို မြိုင်ရပ်နှင်တဲ့

ရင်နာစရာ ဒီဖြစ်အင်

ဘုရာ့သာသနာ ဆွေးဖို့အရေးမို့

တွေးမိရင် တကယ်ရင်လေး…..။

ထမင်းမ၀လို့ ဆန္ဒပြ

အလုပ်သမားဘ၀လည်း လျစ်လျူရှု၊

လယ်မြေတွေသိမ်းလို့

ယိမ်းယိုင်နေတဲ့ ဘ၀တွေအတွက်

တည့်မတ်ပေးဖို့လည်း မကြိုးစား၊

မလျော်ကန်တဲ့ လုပ်ဇာတ်နဲ့

ဂျပန်အစုတ်အပြတ်ကိုလည်း ဖွက်လိုဖွက်၊

နက်သထက်နက်တဲ့ သူ့ကျွန်တွင်း

ပြည်သူကို ဆွဲသွင်းနေရော့သလား

ဒင်းတို့ ဆောင်းထားတဲ့မင်းသားခေါင်း

တဖြည်းဖြည်းနဲ့ စောင်းလာပြီ။

တိုက်ပွဲသံတွေ တညံညံနဲ့

ငြိမ်းချမ်းရေးကို ဖော်ဆောင်

နင်လားဟဲ့ မခုတ်တတ်တဲ့ကြောင်

လုပ်ရပ်က အထုပ်ဖြည်ပြနေတော့

စင်ပေါ်က ကို့ရိုးကားယားသဏ္ဍာန်

သိုးရေလေး မလုံ့တလုံဖုံးပါလို့

အစွယ်တပြူးပြူးနဲ့ တကယ့်ဝံပုလွေအရူး……။

အာဏာရှင်ထိုင်ခုံလှုပ်မယ့်

ဖွဲ့စည်းပုံအစုတ်ကိုတော့ အထိမခံ

သခင့်သစ္စာစောင့်သိသည့်ဟန်

မြင်မြင်ရာထိုးလို့ဟောင်တယ်

ဗြောင်ကျကျ ခွေးသို့ပမာနှယ်……….။

ရှေ့မှာထွက်တော့ အပျိုတော်အက

ဟန်ရေးပြတော့ တကယ်ကောင်း

အောက်စဟောင်းလောင်းနဲ့ ဘီလူးဆိုင်းတီး

ဒီပုံစံ ဒီနည်းလမ်းတွေနဲ့

ဒီမိုကရေစီစခန်း မြန်းကြလျှင်ဖြင့်

ပင်ပန်းကြရုံသာအဖတ်တင်

ရွှေပြည်တော် မျှော်တိုင်းဝေးပေလိမ့်

သြော်………..

ဒီမိုကရေစီ အော်တိုင်းပြေးပေလိမ့်………။

မောင်ပါလ

၂၁.၂.၂၀၁၂