အချိန်မကျသေးဖူးလို့ ထင်ပါတယ်

ပထမဆုံးစပြောရမှာကတော့ ကျနော် နိုင်ငံရေးသမား မဟုတ်ပါဘူး။ နိုင်ငံရေးကို စိတ်ဝင်စားတဲ့ တက်ကြွလှုပ်ရှားသူ တယောက်သာဖြစ်ပါတယ်။ နိုင်ငံရေးပရိယာယ်ကို နားမလည်ပါဘူး။ တိုင်းပြည်တိုးတက်ပြောင်းလဲဖို့ကို စစ်မှန်စွာလိုလားပြီး နိုင်ငံရေးကို ရိုးသားစွာ စိတ်ဝင်စားသူတယောက်အနေနဲ့ ကျနော်မြင်ကြည့် တွေးကြည့်တာပါ။

ယနေ့အချိန်မှာ လူထုခေါင်းဆောင် ဒေါ်အောင်ဆန်းစုကြည်ဟာ တွေ့ဆုံးဆွေးနွေးရေးနဲ့ တိုင်းပြည်ကို ငြိမ်းချမ်းညင်သာစွာ ပြုပြင်ပြောင်းလဲနိုင်ဖို့ အားသွန်ခွန်စိုက် ကြိုးပမ်းနေသလို ပြုပြင်ပြောင်းလဲမှုရဲ့ အစခြေလှမ်းဟာ နိုင်ငံရေးအကျဉ်းသားများ ခြွင်းချက်မရှိ လွတ်မြောက်ရေးပဲ ဖြစ်ပါတယ်။ မတရားအကျဉ်းကျခံနေရတဲ့ နိုင်ငံရေးအကျဉ်းသားတွေ မလွတ်မြောက်မချင်း ကျနော်တို့ တိုင်းပြည်ဟာ ပြောင်းလဲခြင်းရဲ့ ခြေလှမ်းအစကို လှမ်းနိုင်မှာ မဟုတ်သေးပါဘူး။

စစ်အစိုးရတဖြစ်လဲ ကြံ့ဖွတ်အစိုးရဟာလည်း နိုင်ငံရေးအကျဉ်းသားတွေ ပြန်လွှတ်ပေးဖို့၊ စစ်တပ်က အချိ်န်မရွေး အာဏာပြန်သိမ်းနိုင်တဲ့ ၂၀၀၈ ဖွဲ့စည်းအုပ်ချုပ်ပုံကို ပြန်လည် ပြင်ဆင်ရေးဆွဲဖို့၊ တိုင်းရင်းသားလက်နက်ကိုင်အဖွဲ့တွေနဲ့ ပြည်တွင်းစစ် အမှန်တကယ်ရပ်စဲနိုင်ဖို့ စတဲ့ အစစ်အမှန်ပြုပြင်ပြောင်းလဲရေးတွေကို နည်းမျိုးစုံ အကြောင်းအမျိုးမျိုးပြပြီး ရှောင်လွှဲနေခဲ့တယ်။ တဖက်ကလည်း နိုင်ငံတကာက ပြုပြင်ပြောင်းလဲမှုကို လိုလားတဲ့ အစိုးရပါလို့ ထင်မြင်လာဖို့၊ အာဆီယံဥက္ကဌ ဖြစ်လာဖို့အရေးတွေကို အာသာငမ်းငမ်း လိုချင်နေပြန်တယ်။

လက်ရှိကြံဖွတ်အစိုးရဟာ ပြုပြင်ပြောင်းလဲရေးအတွက် ဘာဆက်လုပ်မယ်၊ ဘာထပ်လုပ်မယ်ဆိုတာ အဓိကကျနေပါတယ်။ ဒါကြောင့်မို့ ခုအချိန်အခါမှာ မြစ်ဆုံဆည်ဆောက်မယ့်ကိစ္စလို တိုင်းပြည်ရဲ့အကျိုးစီးပွား လူမျိုးခြားလက်ထဲအပ်မယ့်အရေးကို ပြင်းပြင်းထန်ထန် ကန့်ကွက် ဆန္ဒဖော်ထုတ်တာမျိုးကလွဲပြီး ကျန်တဲ့အမှတ်တရတို့ အထိမ်းအမှတ်ပွဲတို့ကို ချုံ့နိုင်သမျှ ချုံ့ပြီး လုပ်ကြရမယ့်အချိန်လို့ ထင်မြင်မိပါတယ်။

လက်ရှိအစိုးရရဲ့ ပြည်ထောင်စုဝန်ကြီး ကျော်ဆန်း ပြောသွားတဲ့စကားတခွန်း ရှိပါတယ်။ မြန်မာပြည်ဟာ မီဒီယာလွတ်လပ်ခွင့်နဲ့ မတန်သေးပါဘူး တဲ့။ ကြံ့ဖွတ်အစိုးရဟာ နိုင်ငံရေးအကျဉ်းသားလွှတ်ပေးဖို့ကို ဘယ်လိုအကြောင်းပြပြီး ရှောင်လွှဲရမလဲဆိုတာကို မြေခွေးကျင့်၊ မြေခွေးကြံနဲ့ အမြဲစဉ်းစား အကြံထုတ်နေကြမှာပါ။ ထပ်ပြီးတော့ မြန်မာပြည်သူတွေဟာ ဒီမိုကရေစီနဲ့ မတန်သေးပါဘူး ဆိုတဲ့စကားမျိုး ပြောစရာဖြစ်စေပြီး နိုင်ငံရေးအကျဉ်းသား လွတ်မြောက်ရေးကို နှောင့်နှေးကြန့်ကြာစေမယ့်၊ တိုင်းပြည် ငြိမ်းချမ်းညင်သာစွာ ပြုပြင်ပြောင်းလဲနိုင်ဖို့ကို အဟန့်အတား ဖြစ်စေနိုင်မယ့် ကိစ္စမျိုးကို ယနေ့အချိန်အခါမှာ ရှောင်နိုင်လေ ကောင်းလေပါပဲလို့ ထင်မြင်မိပါတယ်။

မောင်ပါလ
၂၇.၉.၂၀၁၁