ရွှေသမင်အလိုက်လွဲတဲ့ အညာသားလေးဖိုးတေ

အမှန်တကယ်ဖြစ်ရပ်မှန်အား နာမည်ပြောင်း၍ ခံစားရေးဖွဲ့ထားပါသည်။

ကျုပ်နာမည် ဖိုးတေ။ နေတာက အထက်မြန်မာပြည်။ အောက်ပြည်သားတွေစကားအရ ကျုပ်ကအညာသားပေါ့။ ပညာအရည်အချင်းကတော့ ဘုန်းကြီးကျောင်းစာတောင် ဆရာတော်လက်သံပြောင်လို့ အကုန်အောင်အောင်မနေနိုင်ဘူး။ အဘတို့ အမတို့ကလည်း စာသင်ရင်သင် မသင်ရင်လယ်ထဲဆင်းပဲ။ နည်းနည်းလေးမှကို မလျှော့ဘူး။ ဒီလိုနဲ့ပဲ အဘတို့ကိုလယ်လုပ်ကူလိုက်၊ ကျွဲကျောင်းနွားကျောင်းလိုက်နဲ့ လူပျိုပေါက်တောင်ကျော်လာပြီ။ ရွာမှာနေရတာကလည်း တကယ်ကိုမလွယ်။ ကျုပ်တို့လို လယ်ပိုင်၊ ယာပိုင်မရှိတဲ့သူတွေအဖို့ တနေ့တနေ့ မိုးလင်းကမိုးချုပ် ထွန်တုံးနဲ့နွားဖက်ရုန်းလို့မှ ထမင်းကနပ်မမှန်ချင်။ ဒီတော့ ကျုပ်လည်း လွတ်ရာလွတ်ကြောင်းရှာရပြီ။ ကျုပ်ငဖိုးတေတို့ ကံကောင်းလိုက်ပုံများကတော့ ရန်ကုန်က အေးဂျင့်ဆိုလား ဘာလား ကျုပ်တို့ရွာနီးချုပ်စပ်တ၀ိုက်မှာ လူစုနေတယ်ဆိုသတင်းက ပန်းသတင်းလေညှင်းဆောင်လာရောဗျို့။ လူစုနေတယ်ဆိုလို့ လန့်လည်းမသွားနဲ့အုံး။ သူပုန်ထဖို့၊ တော်လှန်ဖို့မဟုတ်ဘူး။
မလေးရှားသွားဖို့ဗျ......... မလေးရှား.......... မလေးရှား.............

သွားရမှာကလည်း ကြည့်အုံးလေဗျာ။ ကျုပ်တို့က ပိုက်ဆံတပြားမှကုန်စရာမလို။ အားလုံး တာဝန်ယူတယ်ဆိုပဲဗျ။ အံမယ်.....အ၀တ်အစားဖိုးကအစ စိုက်ပေးမယ်တဲ့ဗျာ။ ကဲ....... ကျုပ်လိုငမွဲအတွက် ခွေးဘုရားပွဲတွေ့တယ်ဆိုရင် မလွန်လောက်ဘူးထင်တယ်နော့။ သွားမယ်ဆိုတော့ စာရွက်ထဲမှာလက်မှတ်ထိုးခိုင်းလို့ ထိုးလိုက်ရတယ်။ အေးဂျင့်ဖတ်ပြတာကတော့ဗျာ....... မလေးရှားမှာ သုံးနှစ်အလုပ်လုပ်ရမယ်။ တနှစ်ခွဲလုပ်တဲ့လုပ်ခကို သူ့ကိုပြန်ပေးရမယ်။ တနှစ်ခွဲလုပ်ပေးပြီး ကျန်တဲ့တနှစ်ခွဲက ကိုယ့်ဘာသာကို ယူရမယ်။ သူတ၀က် ကိုတ၀က်ပေါ့ဗျာ။ ကျုပ်တို့အတွက်ကတော့ ဘာဖြစ်လဲ။ ဗမာစကားမှာ “အရင်းမစိုက် လှေထိုးလိုက်” လို့တောင်ဆိုထားတာပဲ။ ခုက ပိုက်ဆံတပြားမှမကုန်ဘဲ နိုင်ငံခြားဆိုတာကြီးကို ရောက်အုံးမှာဆိုတော့ အတိုင်းထက်အလွန် တံခွန်နဲ့ကုက္ကား၊ ငဖိုးတေတို့ မလေးရှားကိုလစ်လာပြီပေါ့။

ဒီလိုနဲ့ အိပ်မက်ထဲမှာတောင်မစီးဖူးတဲ့ လေယာဉ်ကြီးကိုစီးပြီး ကျုပ်မလေးရှားရောက်လာတာပေါ့။ သူဋ္ဌေးကဆိုလား၊ တရုတ်အေးဂျင့်ကဆိုလား လာကြိုဖို့အလုပ်မအားသေးဘူးဆိုလို့ ကျုပ်တို့လေယာဉ်ကွင်းမှာ နှစ်ညအိပ်လိုက်ရသေးတယ်။ အေးချက်ကတော့ လက်ကုန်ပဲဗျို့။ အခုနာမည်ကြီးနေတဲ့ဟိုတယ်ကြီးတွေလည်း အဲလိုပဲနေမှာပဲ။ လေယာဉ်ကွင်းမှာ သောက်စရာရေမရှိလို့ အိမ်သာထဲကရေတောင်သောက်လိုက်ရသေးတယ်။ အိမ်သာဆိုလို့လည်း အထင်သေးမသွားနဲ့အုံး။ ကျုပ်တို့ရွာက အချမ်းသာဆုံးသူကြီးနေတဲ့အိမ်ထက်တောင် အဆတရာမကကောင်းသေး၊ သန့်သေးတယ်။ မွှေးလည်း မွှေးနေတာပဲ။ အဲတော့ ခုခေတ်စားနေတဲ့ ရေသန့်ဗူးလိုပါပဲ။ ဗူးနဲ့မထည့်ထားတာတခုပဲကွာတယ်။ ကျုပ်အညာသားတောင် မနည်းဘူးခေတ်မီလာပြီ။ ကိုရွှေအေးဂျင့်ကို တနေ့ ၁၅-ခါလောက်ဦးချမိတယ်။

အင်း......တိုတိုပဲပြောတော့မယ်ဗျာ။ အလုပ်ထဲရောက်။ အလုပ်ကနည်းနည်းတော့ပင်ပန်းတာပေါ့။ ကျုပ်တို့အဖို့ ဒီလိုအလုပ်တွေက အဟုတ်ကိုပျင်းတာပေါ့ဗျာ။ စားရတာလည်းကြည့်အုံးလေ။ မလေးရှားမှာ ပျင်းလို့ထမင်းမချက်ဘဲ စားတဲ့ခေါက်ဆွဲပြုတ်ကို ရွာမှာတုန်းကဆို မြင်တောင်မမြင်ဖူးဘူး။ ရွာမှာ တော်ရုံတန်ရုံမကပ်နိုင်တဲ့ ကြက်ဥလား၊ မလေးရှားမှာ ဂေါ်လီရိုက်လို့ရတယ်။ ရွာမှာချက်အရက်က နပ်မှန်အောင်မသောက်နိုင်ဘူး။ ဒီမှာကတော့ ၀ီစကီမှ ၀ီစကီ။ အလုပ်ပိတ်ရက်ဆို မြန်မာစားသောက်ဆိုင်တွေက ကောင်မလေးတွေငေးရင်း ဘီယာမြုံ့ရတဲ့အရသာ။ ဘာနဲ့မှမလဲနိုင်ဘူးဗျာ။ ခင်ဗျားတို့လည်း ကြုံရင်ဝင်ကစ်သွားကြည့်လိုက်အုံး။ ကျုပ်ကအပိုမပြောတတ်ဘူး။

စားရင်း၊ သောက်ရင်း၊ လုပ်ရင်းနဲ့ တနှစ်ခွဲက ဘာကြာလိုက်လို့လဲ။ ဒါပေမယ့်ဗျာ.........ကျုပ်ကံဆိုးသူ မောင်ရှင်ဖြစ်သွားတယ်။ တနှစ်ခွဲပြီး နှစ်လ၊ သုံးလအကြာမှာပဲ မလေးရှားမှာ စီးပွားရေးကျတယ်တဲ့။ စက်ရုံတွေက အလုပ်မရှိလို့ လူလျော့တဲ့အထဲ ကျုပ်ဖိုးတေပါသွားတယ်။ သူဋ္ဌေးကပြန်ပို့ပေးမယ်တဲ့။ တနှစ်ခွဲလုံးလုပ်လို့ရတဲ့ပိုက်ဆံ ကျုပ်အတွက်တပြားမှ မကျန်သေးဘူးလေ။ ကျုပ်ဘယ်လိုပြန်နိုင်မှာတုန်း။ ဒီတော့ နည်းစပ်ရာသူငယ်ချင်းအဆက်အသွယ်နဲ့ ယင်မ,တောင်မသန်းဖူးသေးတဲ့ ကျုပ်လူပျိုလေးဖိုးတေ O (အို) ဖြစ်ရပြီပေါ့။

အိုဆိုတော့လည်း အိုပေါ့ဗျာ။ ကျုပ်ကရွာပြန်ပြီး ငပိနဲ့မှမစားချင်တာ။ ပြီးတော့ ကျုပ်တယောက်တည်းမှမဟုတ်တာ။ မိုးပြိုအများပေါ့။ မလေးရှားမှာ အိုတွေ လိုက်ရိုက်သတ်ရင်တောင် ရိုက်သတ်တဲ့လူတွေ လက်လျှော့သွားရမယ်။ ဒါနဲ့များတောင် ဖမ်းအုံးမယ်တဲ့။ ဖိုးတေ ရီချင်တယ်။ အိုပြီဆိုတော့ ဖိုးတေလည်းအ,ချင်ယောင်ဆောင်လို့မရတော့ဘူး။ ကိုယ့်ကိုကျော်မယ့်ကောင်တွေကြီးပဲဆိုတော့ နည်းနည်းတော့လူရည်လည်ရတာပေါ့။ အလုပ်နှစ်လုပ်၊ သုံးလုပ်လောက်ပြောင်းပြီးတော့ ကျုပ်လည်းလူလည်ဖြစ်ပြီပေါ့။

ကျုပ်အတွက် ဒီလောကကစကားတခွန်းက အရမ်းစိတ်ဝင်စားစရာကောင်းနေတယ်။ UN ကဒ်လုပ်ပြီး တတိယနိုင်ငံသွားကြတယ် ဆိုတဲ့စကား။ ကျုပ်က တတိယတန်းတောင်မအောင်ဖူးဆိုတော့ တတိယနိုင်ငံဘယ်လိုသိမှာတုန်း။ သူများတွေပြောတာကတော့ အမေရိကတို့၊ ကနေဒါတို့ဆိုပဲ။ အမေရိကဆိုရင်တော့ မဆိုးဘူး။ ကျုပ်လည်းသွားချင်တာပဲ။ ဒီတော့ ဘယ်လိုလုပ်ရလဲ ကျုပ်စုံစမ်းရတာပေါ့။ အား.........ပါး............တော်တော်မလွယ်ဘူးဆိုပဲ။ မြန်မာဆိုပိုဆိုးတယ်တဲ့။ ကျုပ်က အညာသား မြန်မာစစ်စစ်ဆိုတော့ ပိုဆိုးတာပေါ့။ ဘာဖြစ်လို့လဲဗျာ။ ကျုပ်တို့လည်း မြန်မာပြည်မှာ ဒုက္ခရောက်လို့ သူများတိုင်းပြည်မှာ လာအလုပ်လုပ်ရတဲ့ဒုက္ခသည်ပဲ။ ကျုပ်တို့ရွာမှာလုပ်စားလည်း ထမင်းမှနပ်မမှန်တာ။ ကျုပ်နည်းနည်းတော့သိတာပေါ့။ အုပ်ချုပ်တဲ့အစိုးရမကောင်းဘူးဆိုတာ။ ဘာ................ အုပ်ချုပ်တဲ့အစိုးရက ဗမာအစိုးရမိုလို့ ဗမာတွေမရတာ....... ဟုတ်လား။ သြော်.......... UN ရယ်။ ကျုပ်စာမတတ်၊ ပေမတတ် အညာသားတောင် သိပါသေးတယ်။ ကျုပ်တို့က ထမင်းနပ်မမှန်တဲ့ တောကအညာသားဗမာတွေပါ။ ဟိုအင်တာနက်ဆိုလား အဲမှာဖတ်မိတဲ့သူငယ်ချင်းပြောပြဖူးတဲ့ စင်္ကာပူကို တပတ်တခါလေယာဉ်ပျံနဲ့ ဆံပင်သွားသွားညှပ်တဲ့ ဗမာတွေကိုကြည့်ပြီး ကျုပ်တို့နဲ့နှိုင်းယှဉ်နေတာလား။ ခက်.............ခက်ရချည်သေးရဲ့ UN ရယ်။

ကျုပ်ဖိုးတေပဲဟာ။ တနည်းမရ တနည်းပေါ့။ စာမတတ်ပေမယ့် ကျုပ်လည်းမညံ့ပါဘူး။ သူများပြောတာမှတ်ထားရင် စာတတ်တဲ့ကောင်တွေထက်တောင် ပြောနိုင်သေးတယ်။ ဘာတဲ့.......... “ကြက်ကန်းခွပ်လို့ ပွဲကျွတ်အောင်နိုင်သေးသပ၊ ကံဆိုင်လို့တကယ်၊ ချက်ကောင်းကို တွယ်မိရင်၊ ရေသည်မောင်မောင် လူနေလှလို့၊ ရွှေချသလို ပြောင်လိမ့်မယ်” တဲ့။ တွေ့လား ခင်ဗျားတို့ စာတတ်ပါတယ်ဆိုတဲ့သူတွေကို ကျုပ်ဖိုးတေက ပျင်းတောင်ပျင်းသေးတယ်။ ထားလိုက်ပါတော့ဗျာ။ ကျုပ်အကြောင်းဆက်ရအုံးမယ်။ ကျုပ်ကံကောင်းချက်ကတော့ ပြောရင်ယုံမှာတောင်မဟုတ်ဘူး။ နောက်ပြောင်းတဲ့အလုပ်မှာ အတူတူလုပ်ရတဲ့ကောင်က ချင်းလူမျိုးဗျာ။ ကျုပ်ရွာမှာတုန်းက ချင်းဆိုတာ ကျုပ်တို့သုံးတဲ့ ခြင်းတောင်းတွေပဲသိတာ။ (မှတ်ချက်- စာလုံးပေါင်းကွာပါသည်။ သတိထားပါဖတ်ပါ။) မလေးရှားရောက်မှ မြန်မာပြည်မှာ ချင်းလူမျိုးရှိတယ်ဆိုတာသိတာ။ တောကအညာသားဆိုတော့လည်း ဗဟုသုတနည်းတယ်ဗျာ။ ခွင့်လွှတ်ဗျာ။ ဒီကောင်က UN ကဒ်နဲ့ဗျ။ ကျုပ်မှာဗျာ....... သူ့ကဒ်လေးကိုင်ကိုင်ကြည့်ပြီး အမေရိကရူး ရူးလိုက်ရတာ။ ခင်ဗျားတို့များတွေ့ရင် မျက်ရည်တောင်ကျမယ်။ သူကလည်းသွားရတော့မယ်ဆိုပဲဗျ။ အဲဒီကောင်ဗျာ..........မိုက်ချက်ကတော့ မသွားချင်ဘူးတဲ့။ အရင်ရောက်သွားတဲ့သူ့အမျိုးတွေပြောတော့ ဒုက္ခရောက်နေတယ်တဲ့။ ရောက်မှာပေါ့ဗျ။ ဟိုမှာရောက်ပြီး ဖြစ်ချင်တိုင်းဖြစ်၊ မိုးမမြင်လေမမြင် အရက်ချည်းပဲထိုင်သောက်နေမှတော့။ နင့်မေကလွှား............နည်းတောင် နည်းသေးတယ်။ ကျုပ်ဘာမသိညာမသိ အညာသားတောင် သိသေးတယ်။

ကျုပ် ဂွင်ဆင်ရပြီ။ ဒီကောင်ကိုကပ်။ မြှောက်ပေါင်း၊ အရက်တိုက်၊ ပြီးတော့ နည်းနည်းလေးအစ်ကြည့်လိုက်တယ်။ မင်းမသွားချင်ရင် မင်းကဒ်နဲ့ငါသွားလို့မရဘူးလားလို့ မသိမသာလေးမေးလိုက်တယ်။ မင်းသွားရဲလို့လားတဲ့၊ ကျုပ်ကိုပြန်မေးတယ်။ ဖြစ်ချင်ရာဖြစ် မောင်ဘချစ် သွားမယ်ကွာ။ အဲဒါဆို မလေးရှားမှာ လုပ်ဖို့ငါတာဝန်ယူတယ်၊ အမေရိကရောက်ရင်တော့ မင်းပြဿနာမင်းရှင်းတဲ့။ ကျုပ်အဖို့အိုကေပေါ့ဗျာ။ ရောက်သွားဖို့ကအဓိကပဲ။ အဲဒီညမှာပဲ ကျုပ်ခြစ်ခြစ်ခြုပ်ခြုပ်စုထားတဲ့ မလေးငွေ ၈၀၀၀ (ရှစ်ထောင်) နဲ့ ရွှေဆွဲကြိုးလေးတကုံး ကိုရွှေချင်းကို ပူဇေမိလိုက်တယ်။ မသွားခင်နောက်ဆုံး မလေးရှား UN ရုံးမှာလုပ်ရတဲ့ လက်မှတ်ထိုးဖို့နဲ့ လူတွေ့စစ်ပြီးတော့ ကိုရွှေချင်းနဲ့ကျုပ် လူစားလိုက်တယ်လေ။ ကျုပ်မသွားခင် စုထားတဲ့မလေးငွေ ၅၀၀၀ (ငါးထောင်) သွားခါနီးလေးမှာမှ ထပ်ပြီးပေးခဲ့ပါသေးတယ်ဗျာ။

ဘုမသိဘမသိအညာသား မလေးရှားကနေတဆင့် အမေရိကကိုရောက်လာပါတယ်။ အားလုံးချောချောမောမောပါပဲ။ တနှစ်အတွင်း ဘာပြဿနာမှမရှိခဲ့ဘူး။ တနှစ်ဆိုတော့ အင်္ဂလိပ်စကားလည်း ကျုပ်တော်တော်တန်တန်ပြောတတ်နေပြီ။ သူတို့ပြောတာကိုလည်း ခြေဟန်လက်ဟန်နဲ့နားလည်နေပြီ။ အညာသားဆိုပြီး လျော့တော့မတွက်နဲ့။ ဟုတ်လား။ အဲဗျာ...... Green Card လျှောက်တဲ့အချိန်ကျမှ ပြဿနာကစပြီ။ DHS (Department of Homeland Security)က အရာရှိမတယောက်က ကျုပ်လူစားလဲလာတာ ဘယ်လိုလုပ်ပြီးသိသွားမသိပါဘူး။ ကွိုင်တွေထပူကုန်ရောဗျို့......... ပြဿနာကတောက်လျှောက်။ FBI ကဆိုလား ကျုပ်ကိစ္စကို ကိုင်နေတယ်ဆိုပဲ။ ကျုပ်ပြောသံကြားရတာတော့ နိုင်ငံတော်လုံခြုံရေးအဆင့်ထိတောင် ရောက်နေတယ်ဆိုပဲ။ ကျုပ်လည်းဘာလုပ်လို့ ဘာကိုင်ရမှန်းမသိ။ သူတို့ပြောနေတာတွေလည်း လုံးစေ့ပတ်စေ့နားမလည်။ မျက်စိသူငယ်၊ နားသူငယ်နဲ့ ဟိုနားငုတ်တုတ်၊ ဒီနားငုတ်တုတ်၊ သူတို့ပြောနေတာ ဘာမှန်းမသိ ခေါင်းညိတ်လိုက်နဲ့။ ကျုပ်စိတ်ထဲမှာတော့ ရွာက ထွန်တုံးနဲ့နွားပဲ ပြေးပြေးပြီး မြင်နေတယ်ဗျာ။ ကျုပ်လေ............... ဟိုးလူမရှိတဲ့နေရာသွားပြီးတော့ “အမေရေ..............အမေ့သား အညာသားလူလည်ကြီး..... တံလျှပ်ရေထင်လို့ ရွှေသမင်အလိုက်လွဲခဲ့ပြီဗျ” လို့သာ အမေကြားအောင် ဟစ်လိုက်ချင်တော့တာပါပဲ....................................။