မြန်မာပြည်က၀န်ကြီးတွေ လူပျက်စကားတော်တော်ပြောကြတယ်

မြန်မာပြည်က၀န်ကြီးတွေ လူပျက်စကားတော်တော်ပြောကြတယ်
----------------------------------------------------------------

(သတိ - ကဗျာမဟုတ်ပါ)

ဘာ.............
မီတာခတွေတက်လို့ အောက်ခြေလူတန်းစားကို မထိခိုက်ဘူး ဟုတ်လား...
အဲလိုပြောတဲ့ဝန်ကြီး ပါးချည်းပဲပိတ်ရိုက်ချင်တယ်။

ပြည်သူတွေသုံးတဲ့ လျှပ်စစ်
၁၀၀ ယူနစ်ပြည့်အောင် မရှိဘူးတဲ့လား...
တလမှာ သုံးရက်ပြည့်အောင်မီးမလာတဲ့နေရာက
ထင်း၊ ဖယောင်းတိုင်၊ မီးခွက်သုံးပြီး
လူနေမှုစနစ်ကို တန်းညှိနေကြတဲ့လူတွေကိုဓားစာခံလုပ်
မဟုတ်မဟပ်ပြောတဲ့ ၀န်ကြီးပါးစပ်
(ထပ်ပြောမယ်) ပါးချည်းပဲဖြတ်ရိုက်ချင်တယ်။

ငါ့အိမ်မှာ ရေခဲသေတ္တာမရှိဘူး။
ငါ့အိမ်မှာ အဲယားကွန်းမရှိဘူး။
ငါ့အိမ်မှာ အ၀တ်လျှော်စက်မရှိဘူး။
မီတာတက်စရာဆိုလို့ မီတာပုံးတလုံးပဲရှိတယ်။
ပေါင်းအိုးနဲ့ထမင်းချက်တာတောင်
မီးမလာတဲ့ရက်တွေများလို့
မီးသွေးနဲ့ဖူးစာဖက်နေရတာ
မယူရသေးတဲ့မဒမ်ပါလမွေးမယ့်ကလေးတောင်
မီးသွေးရောင်းတဲ့ကောင်နဲ့တူချင်သလိုလို။
ဒါတောင် တလ တလ မီတာခက
တသောင်းလောက်ကျတယ်။
ဖြစ်ကတက်ဆန်းလာဖတ်တဲ့ မီတာယူနစ်
၂၀၀ အောက်ထစ်ကို မရှိဘူး။
ဗို့အားပြတဲ့ဒိုင်ခွက် ယောင်လို့တောင်မကြည့်ရဲဘူး
မြန်မာပြည်ကပေးတဲ့လျှပ်စစ် 110 စနစ်နဲ့ 220 စနစ် မှားမှားနေလို့။

လုပ်ငန်းရှင်တွေဆီကပဲ တိုးကောက်သတဲ့.......
အစိုးရမင်းများ မှတ်ထားကြ
လုပ်ငန်းရှင်တွေက တုံးဆိုရင်
အောက်ခြေလူတန်းစားက တုံးအောက်ကဖားဟ
မင်းတို့က တုံးကိုပဲဖိတယ်ပြောပေမယ့်
တုံးအောက်ကဖားက ချီးထွက်နေပြီ (ဠပျွတ်ပဲ)
လုပ်ငန်းရှင်တွေဆီက မီတာခတိုးကောက်တော့
အရင်းအနှီးကြီးတာကို အကြောင်းပြ
ကုန်ဈေးနှုန်းက မြင့်လာတော့မယ်
အဲဒီကုန်ဈေးနှုန်းရဲ့ဒဏ် ခါးစည်းပြီးခံရမှာက.......
ရေပေါ်ဆီလုပ်ငန်းရှင်တွေလား??????
အစိုးရမင်းတို့ကိုယ်တိုင်လား??????
(ဒါမှမဟုတ်) မီတာယူနစ် ၁၀၀ မသုံးနိုင်တဲ့
အောက်ခြေလူတန်းစား ကျောမွဲတွေလား???????
တလွဲတွေပြောပြီး ရွှီးမနေကြနဲ့
မင်းတို့ချီးဘရိန်းတွေမှန်း ပြည်သူသိတယ်။

အစိုးရမင်းတို့ရေ.............
ပြည်သူတွေကို အရှုံးနဲ့ပေးရတာကိုပဲ တွက်ပြနေတယ်
မင်းတို့ကြုံးကြုံးပြီး ခိုးထားတာတွေကျ ဘယ်မှာဖွက်ထားကြတုန်း
ပြည်သူတွေကို လူပျက်စကားတွေပြောပြီး ကုန်းမပြကြနဲ့
မင်းတို့ဖုံးထားသမျှတွေ ပေါ်ကုန်လိမ့်မယ်။

မောင်ပါလ
၎.၁၁.၂၀၁၃

အပြည့်အစုံသို့.....

မြန်မာနိုင်ငံဟုခေါ်ပါသည်

မြန်မာဆိုတာ…
တန်ဖိုးနည်းအိမ်ရာတွေပေါလာသလောက်
မြေဈေးနဲ့ အိမ်ငှားခတွေ မြင့်တက်နေတဲ့နိုင်ငံ။

မြန်မာဆိုတာ
ကားတွေပေါလာသလောက်
တက္ကစီနဲ့ ဘက်စ်ကားခတွေ မြင့်တက်နေတဲ့နိုင်ငံ။

မြန်မာဆိုတာ
ဖုန်း SIM ကဒ်တွေ ပေါလာသလောက်
SIM ကဒ်ဈေးနဲ့ ခေါ်ဆိုခတွေ မြင့်တက်နေတဲ့နိုင်ငံ။

မြန်မာဆိုတာ
သဘာဝဓာတ်ငွေ့တွေပေါသလောက်
ဓာတ်ဆီနဲ့ ဂက်စ်ဈေးတွေ မြင့်တက်နေတဲ့နိုင်ငံ။

မြန်မာဆိုတာ
အလုပ်အကိုင်တွေပေါသလောက်
ဖူလုံမှုတွေ ရှားပါးနေတဲ့နိုင်ငံ။

မြန်မာဆိုတာ
ဘွဲ့ရတွေပေါသလောက်
ပညာတတ်တွေ ရှားပါးနေတဲ့နိုင်ငံ။

မြန်မာဆိုတာ
သီအိုရီနဲ့ စီမံကိန်းတွေပေါသလောက်
အလုပ်ဖြစ်မှုတွေ ရှားပါးနေတဲ့နိုင်ငံ။

မြန်မာဆိုတာ
အခွင့်အရေးသမားတွေပေါသလောက်
လူ့အခွင့်အရေးတွေ ရှားပါးနေတဲ့နိုင်ငံ။

မြန်မာဆိုတာ
ငြိမ်းချမ်းရေးစကားလုံးတွေပေါသလောက်
ယုံကြည်မှုတွေ ရှားပါးနေတဲ့နိုင်ငံ။

မြန်မာဆိုတာ
တရုတ် ကုလားတွေပေါသလောက်
မြန်မာပြည်ပေါက်တွေ ချောင်ရောက်နေတဲ့နိုင်ငံ။

မြန်မာဆိုတာ
တမတ်သားတွေ ပေါသလောက်
ကျပ်ပြည့်သူတွေ ရှားပါးနေတဲ့နိုင်ငံ။

မြန်မာဆိုတာ
ဝန်ကြီးတွေပေါသလောက်
ဝန်ကြီးတွေရဲ့ဝန်ထုပ်ဝန်ပိုးတွေနဲ့ နာလန်မထူနိုင်တဲ့နိုင်ငံ။

မောင်ပါလ
၉.၁၀.၂၀၁၃

အပြည့်အစုံသို့.....

ဘုရားသခင်ပေးထားတဲ့ ဦးနှောက်ကိုသုံးပြီးစဉ်းစားပါ

ဘာသာရေးနဲ့ဆိုင်တဲ့ status ပါ။ ကျနော့်ရဲ့ပြင်ပမိတ်ဆွေ သူငယ်ချင်းတွေထဲမှာရော ဆိုရှယ်ဆိုဒ်တွေမှာပါ ဘာသာခြားမိတ်ဆွေသူငယ်ချင်းတွေ ရှိနေတဲ့အတွက် ကျနော့်ရဲ့အယူအဆကို ရေးထားခြင်း ဖြစ်ပါတယ်။ ဖတ်ပြီးမကြိုက်ရင် မည်သူမဆို Friend List ထဲက ထွက်သွားနိုင်ပါတယ်။

ပထမဆုံးအနေနဲ့ ဘာသာရေးခွဲခြားမှုအားဖြင့် ကျနော့်ရဲ့ဘာသာခြားမိတ်ဆွေသူငယ်ချင်း ဘယ်သူ့ကိုမဆို မုန်းတီးခြင်းမရှိပါဘူး။ အပြင်မှာရင်းနှီးကြတဲ့ ဘာသာခြားသူငယ်ချင်းတွေနဲ့ဆုံကြတဲ့အခါ စနေ၊တနင်္ဂနွေလိုနေ့မျိုးဆို ခရစ်ယာန်ဘာသာဝင်သူငယ်ချင်းကို "ဟေ့ရောင်၊ မင်းချာ့ခ်ျမတက်ဘူးလား။ သွားလေကွာ" ဆိုပြီး တိုက်တွန်းလေ့ရှိပါတယ်။ သောကြာလိုနေ့မျိုးဆိုရင်လည်း အစ္စလာမ်ဘာသာဝင်ကို "ဟေ့ရောင်၊ ဗလီမသွားဘူးလား၊ ဘုရားတရားလေးလည်း နည်းနည်းလုပ်ဦး" ဆိုပြီး ဆရာကြီးလုပ်လေ့ရှိပါတယ်။ ဘာသာခြားတွေကို ၀င်ရောက်လေ့လာခွင့်ပြူထားတဲ့ ချာ့ခ်ျကျောင်းတွေကိုတောင် ရံဖန်ရံခါ သူငယ်ချင်းဝတ်ပြုသွားရင် လိုက်သွားလေ့ရှိပါတယ်။

အစ္စလာမ်ဘာသာဝင်သူငယ်ချင်းနဲ့ ခရီးအတူထွက်ဖြစ်လို့ ထမင်းစားကြတဲ့အခါ မင်းအဆင်ပြေတဲ့ဆိုင်မှာပဲ စားကြတာပေါ့လို့ပြောပြီး ဦးစားပေးလေ့ရှိပါတယ်။ ယုတ်စွအဆုံး အိမ်မှာအလှူလုပ်ရင်တောင် ဟိုဆိုင်ကမ၀ယ်နဲ့။ ဒီဆိုင်ကမ၀ယ်နဲ့ဆိုပြီး ၀င်ရောက်ပြောဆိုလေ့ မရှိပါဘူး။

ဒုတိယအနေနဲ့ ပုဂ္ဂိုလ်တဦးတယောက်ရဲ့ ဘာသာခြားမုန်းတီးရေးဝါဒဖြန့်မှုတွေကြောင့် တခြားဘာသာနဲ့တကွ ဘာသာခြားမိတ်ဆွေသူငယ်ချင်းတွေကို မုန်းတီးခြင်းမရှိပါဘူး။ ဟိုဘာသာဝင်က ဒီဘာသာဝင်အမျိုးသမီးကို မုဒိန်းကျင့် လည်လှီးသတ်လိုက်ပြန်ပြီဆိုတဲ့ ချဲ့ကားသတင်းတွေကြောင့် ဘာသာခြားတွေကိုမုန်းတီးခြင်းမရှိပါဘူး။ သတင်းမှန်ပါတယ်ဆိုရင်လည်း ဒီလိုဖြစ်ရပ်မျိုးတွေဟာ ဘာသာတရားနဲ့မသက်ဆိုင်ဘူး။ ပြုသူတဦးတယောက်တည်းရဲ့ စိတ်၊ ခံစားချက်၊ အပြုအမူနဲ့သာ တိုက်ရိုက်သက်ဆိုင်တယ်လို့ ချင့်ချိန်လေ့ရှိပါတယ်။
အစ္စလာမ်ဘာသာဝင်တွေထဲမှာ မိမိဘာသာကိုလွတ်လပ်စွာကိုးကွယ်ပြီး ငြိမ်းချမ်းစွာနဲ့လုပ်ကိုင်စားသောက်လိုသူနဲ့ အလ္လာဟ်အတွက် စစ်တိုက်ပြီး ဘာသာရေးနယ်ချဲ့ရမယ်ဆိုတဲ့သူဆိုပြီး နှစ်မျိုးရှိနေပါတယ်။ ကျနော့်ရဲ့မိတ်ဆွေသူငယ်ချင်း အစ္စလာမ်ဘာသာဝင်တွေဟာ ငြိမ်းချမ်းစွာနေလိုကြတဲ့သူတွေပါ။ ၀မ်းနည်းစွာနဲ့ပဲ သူတို့တွေ မငြိမ်းချမ်းနိုင်ကြပါဘူး။ ဘယ်အရပ်၊ ဘယ်ဒေသ၊ ဘယ်နိုင်ငံမှာမဆို သူတို့တွေပူလောင်နေကြပါတယ်။ သူတို့တွေနဲ့တကွ အတူယှဉ်တွဲနေထိုင်ကြတဲ့ ငြိမ်းချမ်းသောတခြားဘာသာဝင်တွေလည်း ပူလောင်နေကြတာပါပဲ။ ဒီဖြစ်ရပ်တွေ ဘာကြောင့်ဖြစ်နေတာလဲ။ Error တခုဖြစ်နေလို့ ပို့စ်ကို အရှည်ကြီးတင်လို့ မရပါဘူး။ ဖတ်ချင်ရင်တော့ ကျနော့်ရဲ့ facebook အကောင့်မှာ ၀င်ဖတ်နိုင်ပါတယ်ခင်ဗျာ။

မောင်ပါလ

အပြည့်အစုံသို့.....

နှပ်ကြောင်းပေးထားတာသိရင်လည်း ပုံအောပြီးမထိုးကြနဲ့ပေါ့

ဆရာတူမောင်ညိုက မျိုးစောင့်ဥပဒေဆိုတဲ့ခဲတလုံးနဲ့ ငှက်ဘယ်နှကောင်ကားကနဲ ဖြစ်သွားသည်ဟု ပြောလေသလဲမသိ။ ကြံ့ဖွတ်က ကိုးလုံးကျည်ကိုသုံးလိုက်သည်ဟုသာ ဆိုချင်သည်။ ကိုးလုံးကျည်ဆိုသည်မှာ ထိုင်းရောက်မြန်မာများခေါ်သော သေနတ်တမျိုးဖြစ်သည်။ အရပ်စကားပြောကြသည်မှာ ကိုးလုံးကျည်မှာ ကျည်ဆံတတောင့်တည်းဖြစ်သည်။ ပစ်လိုက်သည်နှင့် ထိပ်ဖူးရှိခဲကလေးများမှာ အမြောက်အများ (ကိုးလုံးတိတိ) ဖွာထွက်သွားပြီး အပစ်ခံရသူမှာ လွတ်နိုင်ဖို့မလွယ်။ ပစ်မှတ်အများအပြားကိုလည်း ကျည်တတောင့်တည်းနှင့် ပစ်နိုင်သည်ဟုဆိုကြသည်။ ဟုတ်မဟုတ်နှင့် ထိုသေနတ်ကို ဘယ်လိုခေါ်သည်ဟု မသိပါ။ အရပ်သုံးစကားသာ ဖြစ်ပါသည်။

ဒီတခါတော့ ဖဲသမားစကားနှင့် နိုင်ငံရေးအကြောင်း နည်းနည်းပြောချင်သည်။ မဖတ်ချင်လျှင်တော့ ဘယ်နှမိနစ်မှ အချိန်ပေးမဖတ်ပါနှင့်။ ဖဲဝိုင်းတ၀ိုင်းတွင် နှပ်ကြောင်းပေးထားသည့်အလှည့် (ထောင်ချောက်ဆင်ထားသည့်အလှည့်) ကို ကြုံတွေ့ရသည် ဆိုပါစို့။ ထိုသို့ နှပ်ကြောင်းပေးထားသည့်အလှည့်တွင် ကိုယ်တိုင်ပါဝင်သိရှိနေကြသည် ဆိုပါစို့။ အဆွေဖဲသမား..... သင်ဘာလုပ်မည်နည်း။ လွယ်ပါသည်။ ဒီတလှည့်မထိုးနဲ့ပေါ့။ မထိုးမဖြစ်ထိုးရလျှင်လည်း ရှိသည့်ပိုက်ဆံထဲမှ အသေးဆုံးတရွက်သာ ချထိုးလိုက်ပါ။ မိုက်မိုက်ကန်းကန်းနှင့် ပုံအောပြီး ရှိသမျှအကုန်ထိုးလိုက်လျှင်တော့ သင့်ထိုက်နှင့်သင့်ကံပေါ့အဆွေ။

ထိုသို့မဟုတ်ဘဲ ဖဲလိမ်ရိုက်နေသည် ဘာညာနှင့် ၀ုန်းဒိုင်းထလုပ်ချင်လျှင်လည်း ရပါသည်။ ကံမကောင်းလျှင်တော့ ဓားထိုးခံရပြီး ဆေးရုံရောက်နိုင်ပါသည်။ အခန့်မသင့်လျှင်လည်း နောက်ဘ၀မှာများဆုံတွေ့ရလျှင် ဒီဘ၀လိုမဖြစ်ပါရစေနဲ့ကွာ ဟု သီချင်းလေးညည်းပြီး ဦးကျော်သူနှင့် နှစ်ပါးသွားနိုင်ပါသည်။

ပထမမ္ပိ သားဖွားနှုန်းကန့်သတ်သည့်နှပ်ကြောင်းနှင့် စကြည့်ပါမည်။ ဘင်္ဂါလီကုလားများက အနောက်မြို့ရိုးမှ မိုးစက်မိုးပေါက်ကလေးများကျလာသည့်ပမာ တပြွတ်ပြွတ်နှင့် ကလေးမွေးကြကုန်၏။ ကြံ့ဖွတ်အစိုးရက နှစ်ယောက်မွေးပြီး ချုပ်ပစ်လိုက်ကွာ ထပ်မမွေးစေနဲ့ဟု ဒေသန္တရအမိန့်ထုတ်သလိုလိုနှင့် နှပ်ကြောင်းချလိုက်သည်။ (ချုပ်ဆိုသည်မှာ ကလေးမွေးနှုန်းထိန်းချုပ်သည်ကို အတိုကောက်ဆိုထားခြင်းဖြစ်သည်) အတိုက်အခံခေါင်းဆောင် အန်တီဒေါ်အောင်ဆန်းစုကြည်က လူအခွင့်အရေးချိုးဖောက်သည်ဟုဆိုကာ အသေးသုံးလေးနှင့် ကံစမ်းလိုက်သည်။ ၀ုန်းဒိုင်းဆိုပြီးရင်ဆိုင်လိုက်ရသည်က တိုင်းပြည်ထဲမှာရှိနေသည့် တိုင်းရင်းသားအစစ် ပြည်သူတွေရဲ့အဖြစ်တောင် လူ့အခွင့်အရေးဘယ်ဆီနေမှန်းမသိ။ ခိုးဝင်ကုလားအခွင့်အရေး အန်တီတွေးပူစရာလားဆိုသည့် ပြည်သူများရဲ့စစ်မျက်နှာပြင်။ ထိုအချိန်တွင် ကြံ့ဖွတ်က အမိန့်မထုတ်ရပါဆိုသော လေပြေလေညှင်းလေးနဲ့ ထောင်ချောက်အဖုံးကိုဂွပ်ကနဲဖုံးလိုက်သည်။ နှပ်ကြောင်းချထားသည့်အတိုင်း ကွက်တိဝင်သွားသဖြင့် အန်တီ့အသေးသုံးလေးပါသွားသည်။

ပိုဆိုးသည်က အစိုးရကအမိန့်ထုတ်မထုတ်ဆိုသည်ကို လွှတ်တော်တွင်းရှိအမတ်မင်းများကိုယ်တိုင် မသိရသေးဘဲ ကာကွယ်ပေးချင်စိတ်များသွားသည်ထင်သည်။ ဒါတောင် အန်တီဒေါ်အောင်ဆန်းစုကြည်က ဂျက်ကီချန်း၊ ဂျက်လီကားများ အကြည့်များသဖြင့် အရှောင်အတိမ်းကောင်းသောကြောင့် တော်သေးသည်။ ဆယ့်လေးနှစ်၊ ဆယ့်ငါးနှစ် တကိုယ်တည်း အတွင်းအားကျင့်စဉ်ကို ကျင့်လာခဲ့သောကြောင့် ခံနိုင်ရည်အားကောင်းသည်။ ထောင်ချောက်ထဲခြေချော်လဲပြီး ခြေထောက်နာသွားရုံဒဏ်ရာရသည်။ ဘောလုံးသမားစကားညှပ်ပြောရလျှင် ဒီရာသီတွင်တော့ နှစ်ပွဲသုံးပွဲ နားရမည်ထင်သည်။

ဒုတိယမ္ပိ ကြံ့ဖွတ်က မျိုးစောင့်ဥပဒေဆိုသည့် ကိုးလုံးကျည်ကို ဘာသာရေးဆိုသည့် လက်ပစ်ဗုံးချိတ်၍ ပစ်လိုက်ပြန်သည်။ မရှောင်ရင်လွတ်တယ် ဟုပြောရမလို။ ရှောင်ကာမှပိုဆိုးကုန်သည်။ ထောင်ချောက်ကွ ထောင်ချောက်ဟုအော်ပြီး ကန့်ကွက်ကြသည်။ အမျိုးသမီးတချို့က အမျိုးသမီးအခွင့်အရေးဆိုပြီး ဆတ်ဆတ်ထိမခံ လက်တီးလက်မောင်းတန်းသည်။ အတိုက်အခံလွှတ်တော်အမတ် မဇင်မာအောင်က လက်ခမောင်းတဖြောင်းဖြောင်း ထခတ်သည်။ အန်တီဒေါ်ဇီးကွက်က ထမိန်စွန်တောင်ဆွဲကာ ပြေးလိုက်သည်။ ဒဲ့လော်ဘီလုပ်သူ၊ တွက်လော်ဘီလုပ်သူ၊ ဘေးတိုက်လော်ဘီလုပ်သူများနှင့် ဘုန်းကြီးစာချများက ဘေထိ ဘေထိ ဆိုင်းတီးပေးကြသည်။ တိုင်းမ်းမဂဇ္ဇင်းနှင့် ကိုကိုမွတ်များက အချိန်နှင့်တပြေးညီ ချိန်ကိုက်ဗုံးထဖောက်သည်။

သံဃာတော်ကြီးများလည်း မနေသာ။ ဆွမ်းပင်ဖြောင့်အောင်မဘုန်းပေးနိုင်တော့။ သင်္ကန်းကြီးတဖားဖားနှင့် လွှားကနဲ ကြိုးဝိုင်းထဲခုန်ဝင်လာကာ သင်းပိုင်ကို ခါးတောင်းကြိုက်ကြကုန်၏။ အနကိုဋ် (သံဃာများအတွင်းခံဝတ်အင်္ကျီ) ပင်မပါတော့။ သန်း ၅၀ ပမာဏခန့်ရှိသော ဘုန်းကြီးကျောင်းသားများက လောက်လေးခွများကိုင်ကာ မည်းမည်းမြင်သမျှပစ်မည်ဆိုပြီး ဘုန်းတော်ကြီးများနောက်မှ ပြေးလိုက်လာကြသည်။ ခွေးများလည်း တစီစီ အူကြကုန်၏။

ကျားနှင့်ဆင် လယ်ပြင်မှာတွေ့ကြလေပြီ။ ကြံ့ဖွတ် မြေခွေးက သားရည်တမြားမြားနှင့် ဘုရားပွဲတွေ့နေသည်။ မျိုးစောင့်ဥပဒေကား ဘယ်ဆီနေမှန်းမသိသေး။ ကြံ့ဖွတ်အစိုးရ၀န်ကြီးတဦးက မျိုးစောင့်ဥပဒေဆိုသည်မှာ ပြည်သူများကြားထဲတွင်သာ ရှိသေးသည်ဟုပြောနေပြန်ပါသည်။ ဘဘကြီးသန်းရွှေသည် စာဖတ်ချင်ယောင်ဆောင်ကာ စာအုပ်ပေါ်မှကျော်ပြီး ကြိုးဝိုင်းထဲကိုကြည့်၍ တခစ်ခစ်နှင့် ရွှေဘောတော်ကျနေ၏။

ပထမမ္ပိ နှင့် ဒုတိယမ္ပိ တို့သည် ကြံ့ဖွတ်အစိုးရ၏ အတိုက်အခံပါတီအပေါ်ထောင်ချောက်ဆင်မှုများ ဖြစ်ကြောင်းထင်ရှားသည်။ ပြည်သူနှင့် တသားတည်းဖြစ်သော အတိုက်အခံကို ပြည်သူ သံဃာတော်တို့နှင့် လှည့်တိုက်ပေးနေသည်။ အသူတို့သည် ထောင်ချောက်မှန်းသိသိနှင့် တိုးဝင်နေကြသနည်း။ အသူတို့သည် စစ်အစိုးရချပေးထားသော နှပ်ကြောင်းတွင် ပုံအောထိုးနေကြသနည်း။ အသူတို့သည် ပြည်သူနှင့်နားလည်မှုရယူရန်မကြိုးစားဘဲ စစ်မျက်နှာဖွင့်ရန် ကြိုးစားနေကြသနည်း။

နိုင်ငံရေးခေါင်းဆောင်များနှင့် အတိုက်အခံတို့သည် ပညာတတ်များ၊ ပညာရှင်များ၊ လိမ္မာပါးနပ်သူများ ဖြစ်ကြသည်။ ပြည်သူလူထုအများစုမှာ လက်လုပ်လက်စားနှင့် ပညာမဲ့သူတို့သာဖြစ်သည်။ ပညာတတ်များ၊ လိမ္မာပါးနပ်သူများမှ ပြဿနာကို ရှောင်ကွင်းသွားကြခြင်းမှာ အကောင်းဆုံးနည်းလမ်းသာဖြစ်သည်။

တတိယမ္ပိ ထောင်ချောက်ကို စောင့်မျှော်ကြရပါအုံးမည်။ ထောင်ချောက်မှန်းသိသိနှင့် တိုးဝင်မည့်ပညာတတ်များ ပုဆိုး၊ ထမိန်တို့တင်းတင်းဝတ်၍ ခါးတောင်းကျိုက်ထားစေလိုပါသည်။ ထမိန်စွန်တောင်ဆွဲ၍ ပြေးလိုက်မည့်သူများ၊ ပုဆိုးမနိုင် ပုဝါမနိုင်နှင့် လက်သီးလက်မောင်းတန်းမည့်သူများကို မမြင်လိုပါခင်ဗျား။

မောင်ပါလ
၁.၇.၂၀၁၃

အပြည့်အစုံသို့.....

မြှားဆိပ်ကိုသာ ဖြေပေးကြပါ

ဆရာနဲ့ဒကာညီကြမှ ဆိုတဲ့စကားမှာ ဆရာဆိုတာဟာ ဗုဒ္ဓဘာသာဝင်ရဟန်း သံဃာတော်များကို ရည်ရွယ်တာဖြစ်ပြီး ဒကာဆိုတာ ဗုဒ္ဓဘာသာဝင် နိုင့်ငံထိပ်ပိုင်းအရာရှိများ၊ အစိုးရနဲ့အစိုးရအဖွဲ့ဝင်များ၊ နိုင်ငံ့ခေါင်းဆောင်များ၊ အတိုက်အခံအဖွဲ့အစည်းများနှင့်တကွ အောက်ခြေပြည်သူလူထုအားလုံး ပူးပေါင်းပါဝင်မှုကို ရည်ရွယ်တာဖြစ်ပါတယ်။

အစိုးရနဲ့ အတိုက်အခံ NLD
-------------------------
အတိုက်အခံပါတီ NLD ဟာ လွှတ်တော်ထဲကိုဝင်ပြီးတဲ့နောက်ပိုင်း ကြံ့ဖွတ်အစိုးရနဲ့ ပူးပေါင်းလုပ်ဆောင်မှု အားကောင်းလာပါတယ်။ ဘာတခုကိုမှ အတိုက်အခံလုပ်ပြောဆိုခြင်းမရှိခဲ့ပါဘူး။ အစိုးရကိုပြောချင်ရင်တောင်မှ နိုင်ငံခြားရောက်မှပြောတာ များပါတယ်။ ပြည်ပအတိုက်အခံတွေ ပြင်းထန်တဲ့လူတွေတောင်မှ အတိုက်အခံက အတိုက်အခံအလုပ်မလုပ်တော့ဘူး၊ စစ်ခရိုနီတွေနဲ့ပေါင်းတယ်ဆိုတာကအစ ပြောရလောက်အောင်ကို အစိုးရနဲ့ဆက်ဆံရေးကောင်းခဲ့ပါတယ်။ အတိုက်အခံဟာ ပြည်သူလူထုအကျိုးစီးပွားအတွက် အစိုးရနဲ့ပေါင်းပြီးလုပ်သင့်ရင်လုပ်ရမှာပဲဆိုတဲ့ ထောက်ခံကြောင်းစတေးတပ်မျိုး ကျနော်ကိုယ်တိုင် ရေးဖူးခဲ့ပါတယ်။ ဘဘဦးဝင်းတင်က အစိုးရဟာ ယုံကြည်လို့မရသေးကြောင်း အခါအားလျော်စွာ ပြတ်ပြတ်သားသားပြောဆိုရင်း အတိုက်အခံအနေအထားကို ကျားကန်ရပ်တည်ခဲ့ပါတယ်။

ဘာသာရေးခေါင်းဆောင် (သံဃာ့အဖွဲ့အစည်း) တွေ ပါဝင်ပတ်သက်လာမှု
-------------------------------------------------------------------------
ရဟန်းတော်တွေဟာ များသောအားဖြင့် ဒကာ ဒကာမတွေရဲ့ လှူဒါန်းမှုတွေနဲ့ သမမျှတစွာရပ်တည်ပြီး သာသနာအကျိုးကို အေးချမ်းစွာသယ်ပိုးနေကြတာပါ။ (စုန်းပြူးတွေလည်း နေရာတိုင်းမှာရှိပါတယ်) ဒါပေမယ့် ရခိုင်ပြည်နယ်ဖက်က ဘင်္ဂါလီတွေရဲ့ တိုင်းရင်းသားဖြစ်ခွင့်တောင်းဆိုမှုကအစပြုပြီး ရဟန်းတော်တွေရဲ့ ဘာသာ သာသနာအပေါ် စိုးရိမ်ကြောင့်ကြမှု ပေါ်လွင်ထင်ရှားလာပါတယ်။ ဘယ်ပြဿနာပဲဖြစ်ဖြစ် အဖွဲ့အစည်းတခုမှာ အသိဥာဏ်ပညာ၊ အမျှော်အမြင်ရှိတဲ့ ခေါင်းဆောင်ဟာ ပိုမြင် ပိုတွေးမိလေ့ရှိကြပါတယ်။ ဖြစ်လာနိုင်တဲ့ဘာသာရေးပြဿနာတွေကို ဆင်ခြင်သုံးသပ်မိတဲ့ ထေရ်ကြီး ၀ါကြီး ဆရာတော်ကြီးတွေကိုယ်တိုင်က အေးချမ်းစွာသာသနာမပြုနိုင်တော့ဘဲ လောကုတ္တရာကိုဖယ်ခွာပြီး လောကီရေးအတွက် ခေတ္တအာရုံစိုက်လာရပါတယ်။

အဖွဲ့အစည်း (၀ါ) အ၀န်းအ၀ိုင်းတခုမှာ အပြင်စည်း၊ အတွင်းစည်းဆိုပြီး ရှိကြပါတယ်။ ဗုဒ္ဓဘာသာအသိုင်းအ၀ိုင်းမှာ သံဃာကအတွင်းစည်းဆိုရင် ဒကာကအပြင်စည်းအနေအထားမှာ ရှိနေပါတယ်။ အပြင်စည်းမှာ အစိုးရ၊ အတိုက်အခံနဲ့ ပြည်သူလူထုအားလုံး ရှိနေပါမယ်။ အတွင်းစည်းက သံဃာတွေရဲ့ အေးချမ်းစွာမနေနိုင်ဘဲ စိုးရိမ်ကြောင့်ကြမှုရှိလာရတာ အပြင်စည်းကတောင့်ခံမထားနိုင်တော့တဲ့ အကြောင်းရင်းပါပဲ။ ဒီလိုအပြင်စည်းကျိုးပေါက်နေတဲ့အချိန်မှာ ရဟန်းသံဃာတွေရဲ့ ပါဝင်ပတ်သက်မှုဟာ အချိန်ကြာလာတာနဲ့အမျှ တဖြည်းဖြည်းကြီးထွားလာနိုင်ပါတယ်။

အတိုက်အခံခေါင်းဆောင်
------------------------
အတိုက်အခံပါတီခေါင်းဆောင် ဒေါ်အောင်ဆန်းစုကြည်ဟာ မြန်မာနိုင်ငံရဲ့အနာဂတ်ပါ။ သူမအပြင် မြန်မာပြည်သူလူထုမှာ ခေါင်းဆောင်တင်စရာ နောက်ထပ်လူမရှိပါဘူး။ ဒေါ်အောင်ဆန်းစုကြည်မှာ စံနှစ်မျိုးရှိပါတယ်။ တခုက သူမဟာ မြန်မာပြည်သူလူထုအားလုံးရဲ့ လူထုခေါင်းဆောင်ပါ။ နောက်တခုကတော့ နိုင်ငံတကာရဲ့ လူ့အခွင့်အရေးစံပြ၊ နိုင်ငံတကာရဲ့ ငြိမ်းချမ်းရေးဒီမိုကရေစီအိုင်ကွန်ပါ။ မြန်မာပြည်သားတွေရဲ့လူထုခေါင်းဆောင်တယောက်အနေနဲ့ တခါတလေမှာ တိုင်းပြည်နဲ့လူထုရဲ့ အမျိုးသားအကျိုးစီးပွားကိုထောက်ချင့်ပြီး နိုင်ငံတကာရဲ့လိုအပ်ချက်ကို လျစ်လျူရှုရတတ်ပါတယ်။ နိုင်ငံတကာရဲ့တောင်းဆိုမှုမှန်သမျှကို လိုက်လျောချင်တယ်ဆိုရင်လည်း နိုင်ငံနဲ့လူထုရဲ့တချို့ အကျိုးစီးပွားကို မျက်ကွယ်ပြုရတတ်ပါတယ်။ ဘယ်လိုပဲဖြစ်ဖြစ် သူမဟာ မြန်မာနိုင်ငံအတွက် မရှိမဖြစ် ခေါင်းဆောင်ကောင်းတယောက်ပါ။


ကြံ့ဖွတ်အစိုးရရဲ့ထောင်ချောက်
-------------------------------
အစိုးရဟာ ရဟန်းသံဃာတွေကို တည်ကြက်လုပ်ပြီး နိုင်ငံရေးအကွက်ရွေ့တယ်။ အတိုက်အခံကိုထောင်ချောက်ဆင်တယ်။ ဒါဟာ စစ်အစိုးရတွေအဆက်ဆက်ရဲ့ လုပ်ထုံးလုပ်နည်းတခုလို့ပဲ သတ်မှတ်နိုင်တယ်။ ကျနော်တို့စဉ်းစားကြည့်ရအောင်ပါ။ ဘယ်လိုအခြေအနေမျိုးမှာ အတိုက်အခံဟာ ကြံ့ဖွတ်အစိုးရရဲ့ထောင်ချောက်ထဲဝင်သွားနိုင်မလဲ။ လက်ရှိအနေအထားအရတော့ အတိုက်အခံဟာ ဘာသာရေးခေါင်းဆောင်တွေ (သံဃာအဖွဲ့အစည်း) နဲ့ သဘောကွဲလွဲစွာရပ်တည်မယ်ဆိုရင် ၂၀၁၅ ရွေးကောက်ပွဲအတွက် အင်အားချိနဲ့သွားမှာဖြစ်ပြီး ထောင်ချောက်ထဲဝင်သွားနိုင်မယ့် အနေအထားပါ။ (သာမာန်ပြည်သူတယောက်ရဲ့ ဥာဏ်မှီသလောက်စဉ်းစားမိတာမို့ မှားကောင်းမှားနိုင်ပါမယ်) မြန်မာပြည်သူလူထုအတွက်လည်း ဆုံးရှုံးနစ်နာမှုတွေ ဆိုးကျိုးတွေ မြောက်များစွာ ရင်ဆိုင်ကြုံတွေ့ရမှာပါ။

ဒါဖြင့်ရင် တခြားတဖက်ကနေ ပြန်ကြည့်ရအောင်ပါ။ အတိုက်အခံဟာ ဘာသာရေးခေါင်းဆောင်တွေ စိုးရိမ်ကြောင့်ကြမှုရှိနေတဲ့ကိစ္စတွေကို အရေးတယူ ဂရုတစိုက်နဲ့ ပူးပေါင်းဖြေရှင်းဖို့ကြိုးစားမယ်ဆိုရင် ကြံ့ဖွတ်အစိုးရရဲ့ထောင်ချောက်ဟာ ဘာဆက်ဖြစ်လာနိုင်သလဲ။ အတိုက်အခံအပေါ်အကျိုးသက်ရောက်မှု ရှိနိုင်မလား။ မြန်မာပြည်သူလူထုအတွက်ရော ဆိုးကျိုးတွေဖြစ်လာနိုင်မလား။ ဘာသာရေးခေါင်းဆောင်၊ အစိုးရ၊ အတိုက်အခံဆိုတာ ကျနော်တို့နိုင်ငံရဲ့ ပြည်တွင်းရေးပဋိပက္ခပါ။ ဒီခေါင်းဆောင်တွေအားလုံးကပဲ ကျနော်တို့ကျောမွဲပြည်သူလူထုတွေရဲ့ ဘ၀မြင့်မားတိုးတက်ရေး၊ လုံခြုံစိတ်ချမှုရှိရေးကို ဆောင်ရွက်ပေးနိုင်မှာပါ။ ဒီခေါင်းဆောင်တွေညီညွတ်ကြမှလည်း ကျနော်တို့မြန်မာလူထု စိတ်အေးချမ်းသာစွာနဲ့ ၀မ်းစာရှာဖွေစားသောက်နိုင်မှာပါ။

မုန့်ဆီကြော်ဘယ်မှာလဲ
-----------------------
မျိုးစောင့်ဥပဒေဆိုပြီး ပေါ်လာတယ်။ ကောင်းတယ်လို့မထောက်ခံပါဘူး။ ဥပဒေပညာရှင်အနည်းငယ်နဲ့ ဘာသာရေးခေါင်းဆောင်တွေလောက်သာ ပေါင်းပြီးရေးဆွဲထားတဲ့အတွက် ချို့ယွင်းချက် (၀ါ) အားနည်းချက် (၀ါ) လက်မခံနိုင်စရာအချက်တွေအနည်းအများ ရှိနိုင်မှာပါ။ ဒီဥပဒေက ဘယ်မှလည်းမရောက်သေးဘူး။ ဘာမှလည်းဖြစ်မလာသေးဘူး။ ဖြစ်လာချင်မှလည်းဖြစ်လာမယ်။

မိသားစုတစုမှာ သမီးမိန်းကလေးတယောက်လက်ထပ်တော့မယ် ဆိုပါစို့။ သားရှင်ဖက်က ဘယ်လောက်လက်ဖွဲ့မလဲ၊ ဘာနဲ့တင်တောင်းမလဲ စိန်နဲ့လား၊ ရွှေနဲ့လား၊ တိုက်ပါလား၊ ကားပါလား။ သမီးရှင်ဖက်က ဒီလိုတောင်းဆိုတဲ့ထုံးစံရှိပါတယ်။ ဒီလိုထုံးစံဟာ ကိုယ့်သမီးလေး တခြားမိသားစုဝင်တွေကြားထဲမှာ ဂုဏ်အားဖြင့်တင့်တယ်စေချင်တဲ့ မိဘတိုင်းရဲ့စေတနာပါ။ မိဘဆိုတဲ့နေရာမှာတောင် အမေနဲ့အဖေဆိုရင် အမေကပိုပြီး သမီးအတွက်စိုးရိမ်ကြောင့်ကြမှုရှိပါတယ်။ မိခင်စိတ်ပါ။ လျစ်လျူရှုလို့မရပါဘူး။

မုန့်ဆီကြော်ကဘယ်ဆီနေမှန်းမသိသေးဘူး နှုတ်ခမ်းနာနဲ့တည့်ပါ့မလား ဖြစ်နေကြတယ်။ ဘာသာရေးခေါင်းဆောင်တွေရဲ့ စိုးရိမ်ကြောင့်ကြမှုကို လျစ်လျူမရှုကြစေချင်ပါဘူး။ အကျိုးယုတ်စရာ မရှိတဲ့အတွက် ဂရုတစိုက်ရှိကြောင်း ပြတဲ့အနေနဲ့ ဥပဒေပညာရှင်တွေ၊ နှစ်ဖက်နိုင်ငံ့ခေါင်းဆောင်တွေ၊ ဘာသာရေးခေါင်းဆောင်တွေ တိုင်ပင်ဆွေးနွေးပြီး အကောင်းဆုံးအဖြေတခုကို ရှာသင့်ပါတယ်။ ဘာသာရေးခေါင်းဆောင်တွေရဲ့ သာသနာအတွက် စိုးရိမ်ကြောင့်ကြမှုတွေကို လျော့နည်းစေချင်ပါတယ်။

သိက္ခာကျစရာလား
------------------
မိမိတို့နိုင်ငံရဲ့ ပြည်တွင်းပဋိပက္ခကို စုပေါင်းဖြေရှင်းတာ၊ မိမိတို့ကိုးကွယ်တဲ့ ဘာသာ သာသနာကို စုပေါင်းကာကွယ်တာ၊ တိုင်းပြည် လူမျိုး ဘာသာ အတွက် စုပေါင်းလုပ်ဆောင်ကြတာဟာ ကမ္ဘာ့အလယ်မှာ မြန်မာနိုင်ငံသိက္ခာကျ လက်ညှိုးထိုးခံရစရာ မဟုတ်ပါဘူး။ ဘယ်လိုအခြေအနေမှာပဲဖြစ်ဖြစ် အားလုံးတသားတည်းဖြစ်နေဖို့ ကြိုးစားတာဟာ နိုင်ငံနဲ့လူမျိုး ဂုဏ်တက်စရာသာ ဖြစ်ပါတယ်။ နိုင်ငံတွင်းမှာ ဘာသာရေး၊ နိုင်ငံရေး ခေါင်းဆောင်တွေ တယောက်တမျိုးကွဲပြဲပြီး ၀ါးအစည်းပြေသလိုဖြစ်နေမှသာ မြန်မာနိုင်ငံသားတွေအဖို့ အရှက်ရစရာ အဖြစ်မျိုးပါ။

မောင်ပါလ
၂၈.၆.၂၀၁၃
(လူပြိန်းတယောက် မရေးရမနေနိုင်လွန်း၍ ရေးသည်)

အပြည့်အစုံသို့.....

သင်္ကန်းဝတ်တွေက နိုင်ငံရေးသမားတွေကို ရှိခိုးရတော့မလား

ငါက ဘုန်းကြီးကျောင်းသား။ ငါ့လက်ရှိအသက်ရဲ့သုံးပုံတပုံက ဘုန်းကြီးကျောင်းမှာ လူလားမြောက်ခဲ့တယ်။ နိုင်ငံရေးလား???? ငါဘာမှမသိဘူး။ နကန်းတလုံးတောင် နားမလည်ဘူး။ ငါတွေးမိတာငါရေးတယ်။ မှန်တာရှိမယ် မှားတာရှိမယ်။ သေချာတာက သူများအတွေးနဲ့ ယောင်ဝါးဝါး အသက်မရှူဘူး။ ငါတွေးနိုင်သလောက်တွေးပြီး ငါဘာသာငါရှင်သန်တယ်။

ဘာသာရေးအကြောင်းပြောမလား။ ငါသိတာနတ္ထိ။ သရဏဂုံပဲရှိတယ်။ စာဖတ်လေ့ရှိတာသိတဲ့ မိတ်ဆွေတွေက ဘာသာရေးစာအုပ်တွေ ပေးကြတယ်။ ဘုရားကျောင်းဆောင်ပေါ်မှာ တရိုတသေသိမ်းထားတယ်။ ယောင်လို့တောင် ဖွင့်ကြည့်လေ့မရှိဘူး။

ငါဘုန်းကြီးကျောင်းမှာနေတုန်းက ဆရာဘုန်းကြီးပြောဖူးတာရှိတယ်။ “ဘုန်းကြီးတွေဟာ ၀ိနည်း၊ သိက္ခာပုဒ်၊ ပညတ်တွေ စောင့်ထိန်းရတာ အများကြီးရှိတယ်။ အဲဒီလိုစောင့်ထိန်းနိုင်ဖို့ ဒကာ၊ ကပ္ပိယတွေရဲ့ အကူအညီကို လိုအပ်တယ်။ ဒကာတွေရဲ့အကူအညီကိုမရတဲ့အခါ ဘုန်းကြီးက ၀ိနည်း၊ သိက္ခာတွေဖောက်ဖျက်ပြီး မဖြစ်မနေ ကိုယ်တိုင်ဝင်လုပ်ရတတ်တယ်။ ဥပမာ- ဘုန်းကြီးတွေဟာ သစ်ပင် ပန်းပင်လေးတွေကို ချိုးဖြတ်ဖို့မဆိုထားနဲ့၊ ချိုးဖို့ခူးဖို့ ခိုင်းမိရင်တောင် အာပတ်သင့်တယ်။ ဘုန်းကြီးကျောင်းကဘုရားပန်းအိုးမှာ ပန်းတွေညှိုးနေမယ်ဆိုရင် ကျောင်းသားက အလိုက်တသိနဲ့ ကျောင်းမှာစိုက်ထားတဲ့ပန်းပင်က ပန်းကိုခူးပြီး ဘုရားပန်းလဲရမယ်။ အဲလိုမှမဟုတ်ဘဲ ကျောင်းသားကအလိုက်ကန်းဆိုးနားမလည် ဘုရားပန်းမလဲဘဲနေမယ်ဆိုရင် မနေနိုင်တဲ့အဆုံး ဘုန်းကြီးက အာပတ်သင့်ခံပြီး ပန်းပင်တွေချိုး ဘုရားပန်းလဲရတော့မယ်” တဲ့။ “တပည့်လိမ္မာရင် ဆရာအာပတ်လွတ်တယ်” ဆိုတဲ့ မြန်မာစကားပုံက အဲဒါပဲလို့ ပြောဖူးတယ်။

ပဋိယတ္တိ၊ ပဋိပတ္တိ၊ ပဋိဝေဓ ဆိုတဲ့ သာသနာတော်သုံးရပ်နဲ့ ဗုဒ္ဓဘာသာထွန်းကားပြန့်ပွားဖို့ ဘုန်းတော်ကြီးတွေက တာဝန်ယူလုပ်ဆောင်နေကြသလို ဗုဒ္ဓဘာသာဝင် ဒကာ ဒကာမတွေကလည်း ဘာသာ၊ သာသနာ ရေရှည်တည်တံ့နိုင်ဖို့အတွက် နည်းမျိုးစုံနဲ့ ကာကွယ်စောင့်ရှောက်ဖို့ တာဝန်ယူရမယ်။ ကျားဆိုးတွေသောင်းကျန်းတဲ့ရွာမှာ ဘုန်းကြီးတွေ ဘုရား၊ တရား အေးအေးဆေးဆေးလုပ်ပြီး သာသနာပြုနိုင်ဖို့အတွက် ဒကာရွာသားတွေက ကျားဆိုးရန်ကို ကာကွယ်နှိမ်နင်းရမယ့်တာဝန်ရှိတယ်။ အဲဒီ့အချိန်မှာ ရွာသားတွေက ငါတို့ဘုရားက မေတ္တာတရားထားကြဖို့ဟောတယ်။ သူများအသက်သတ်ရင် ဘုရားမကြိုက်ဘူးဆိုပြီး ကျားတွေကိုမသတ်ရင် ဘုန်းကြီးရောရွာသားတွေပါ ကျားစားခံရမယ်။ သာသနာပြုဖို့မပြောနဲ့။ အကုန်လုံး သေချင်းဆိုးနဲ့ မာလကီးယားကုန်မယ်။

ရွာသားတွေမလိမ္မာမှုကြောင့် အားလုံးကျားစာဖြစ်မယ့်အရေးကိုမြင်လို့ ကျားတွေကိုနှိမ်နင်းဖို့ ဘုန်းကြီးကဆော်သြမယ်ဆိုရင် အဲဒိဘုန်းကြီးလုပ်ရပ်ဟာ မမှန်ဘူးလို့ မင်းတို့တွေပြောနိုင်မလား။ ဘုန်းကြီးအလုပ်ဘုန်းကြီးမလုပ်ဘူးလို့ မင်းတို့တွေ ဝေဖန်မလား။

နိုင်ငံရေးနဲ့ဆက်နွယ်ပြီး ဘာသာရေးပိုင်းမှာ ဘုန်းကြီးကျောင်းသားက ပလ္လင်ပေါ်တက် တရားဟောနေတဲ့အဖြစ်မျိုး ကြုံနေ ကြားနေရတယ်။ မေတ္တာတရားထားလိုက်ကြတာများ သိဒ္ဓတ္ထက အကိုပြန်ခေါ်ရလောက်အောင်ကို ဘုရားထက်တလကြီးနေကြတယ်။ ခန္တီစနေလိုက်ကြတာများ ဝေဿန္တရာက အဘ အဘ ပြန်ခေါ်ရလောက်အောင်ကို ခန္တီစနိုင်ကြတဲ့ ဘုရားအလောင်းတွေ မှိုလိုပေါက်နေတယ်။ ဒီကြားထဲ ဟိုဘုန်းကြီးက ဘာလုပ်နေပြန်ပြီ။ ဒီကတုံးက ဘုန်းကြီးအလုပ်ဘုန်းကြီးမလုပ်ဘူး ဆိုပြီး အိမ်ကဆင်းတုတော်တောင် ခြေနဲ့ကျောက်မတတ် ပြောတဲ့ကောင်တွေကရှိသေးတယ်။

မင်းတို့ကိုယ်မင်းတို့လည်း ပြန်ကြည့်ကြပါဦး။ မေတ္တာတရားတွေ ခန္တီစတွေပြောပြီး တရားဟောရလောက်အောင် ဂေါတမလို လေးအင်္သချေနဲ့ကမ္ဘာတသိန်း ပါရမီဖြည့်ဖို့မပြောနဲ့၊ အခုဘ၀မှာ ဓမ္မစရိယတောင် အောင်အောင်ဖြေဖို့ ကြိုးစားကြည့်ကြပါဦး။ လူဝတ်ကြောင်ကိုစွန့်ပြီး သင်္ကန်းဝတ်ဖို့မပြောနဲ့၊ မင်းတို့ပစ္စည်းတွေကို အစာကျွေးတာရပ် စွပ်ထားတာလေးချွတ်ပြီး ခြင်ထောင်ထဲကထွက်နိုင်ဖို့ အရင်ကြိုးစားကြည့်ကြပါဦး။

ဘုန်းကြီးကျောင်းသားက ပလ္လင်ပေါ်တက်ပြီး မေတ္တာတရားကို သွင်သွင်ကြီးဟောနေတဲ့အချိန်မှာ ဘုန်းကြီးက သင်္ကန်းတကားကားနဲ့ ဓားတချောင်းကိုင်ပြီး ကျားကိုနှိမ်နင်းဖို့ ကြိုးစားနေရတာ ဘယ်သူသောက်သုံးမကျတာလဲ။ သေချာစဉ်းစားကြ။

ကြံ့ဖွတ်အစိုးရနဲ့နောက်လိုက်ခွေးတွေ ဗုဒ္ဓဘာသာအယောင်ဆောင်ပြီး ဗုဒ္ဓဘာသာကို စော်ကားနေတဲ့ကောင်တွေကိုတော့ ပြောစရာမရှိဘူး။ ဗုဒ္ဓဘာသာဝင် နိုင်ငံရေးသမား ကြီးကြီးငယ်ငယ် ပြည်တွင်းပြည်ပ အကုန်လုံးကိုပြောချင်တယ်။ ကြံ့ဖွတ်အစိုးရက အာဏာတည်မြဲဖို့ ဘာသာရေးခုတုံးလုပ်ပြီး ပဋိပက္ခတွေဖန်တီးနေတာကို သတိထားနေကြသလို နိုင်ငံရေး၊ လူ့အခွင့်အရေးကို ခုတုံးလုပ်ပြီး ဘာသာရေးကျူးကျော်မှု၊ ထိုးနှက်ရန်စမှုတွေကိုလည်း ဂရုတစိုက်ရှိစေချင်တယ်။ ဘာသာ သာသနာ စော်ကားမှုကိုဖြစ်စေတဲ့ ဟိုဘုန်းကြီးဘာလုပ်တယ် ဒီကတုံးဘာဖြစ်တယ် ဆိုတဲ့ ဗုဒ္ဓဘာသာဝင် နိုင်ငံရေးသမားတွေကို ပြင်းထန်စွာ ရှုတ်ချတယ်။

မင်းတို့….. မင်းတို့တွေရဲ့ အရေးအသား၊ အပြုအမူ၊ အပြောအဆိုတွေကြောင့် “ပေါ်လတီရှင် သရဏံ ဂစ္ဆာမိ” မဖြစ်ပါစေနဲ့။

မောင်ပါလ
၁၇.၆.၂၀၁၃

အပြည့်အစုံသို့.....

အတိုက်အခံနဲ့ အစိုးရ

ယနေ့မြန်မာပြည်တွင်းမှာ ဖြစ်နေတဲ့ပဋိပက္ခတွေအပေါ် NLD နဲ့ ဒေါ်အောင်ဆန်းစုကြည်က မျက်နှာလွဲခဲပစ် လုပ်နေပါတယ်၊ အရမ်းပျော့ညံ့လွန်းတယ်၊ NLD ဟာ အတိုက်အခံမဟုတ်တော့ဘူး။ ကြံ့ဖွတ်နဲ့ပေါင်းပြီး ပြည်သူကို နှိပ်ကွပ်နေတယ်၊ NLD ဟာ စစ်အာဏာရှင်တွေရဲ့ နှပ်ကြောင်းထဲကို ၀င်နေပြီ စတဲ့အသံတွေ စုံစနီဖာကြားနေရပါတယ်။

ဒီလိုပြောတဲ့လူတွေထဲမှာ နှစ်မျိုးရှိတယ်။ တမျိုးက တကယ်ပဲစိုးရိမ်ပူပန်စိတ်နဲ့ အပြုသဘောသတိပေးကြတဲ့သူနဲ့ လုပ်သမျှကို အဆိုးလိုက်မြင်ပြီး ငါမလုပ်ရင် မဟုတ်ဘူးဆိုတဲ့ပုံစံနဲ့ ပြောနေတဲ့သူရယ်လို့ ခွဲလို့ရမယ်ထင်တယ်။ အဲဒီအပေါ်မှာမှ ကြံ့ဖွတ်အစိုးရရဲ့ အလုပ်မရှိကြောင်ရေချိုး တန်ပြန်မီဒီယာတွေက မီးလောင်ရာလေပင့် အရေးအသားတွေနဲ့ တစိတ်ကို တအိတ်လုပ်လိုက်ကြတော့ ဖောင်းပွကုန်တော့တာပဲ။

အကြောင်းအရာတခုကို ချဉ်းကပ်တော့မယ်ဆိုရင် ချဉ်းကပ်လို့ရမယ့်နည်းလမ်းတွေ အများကြီးရှိနိုင်ပါတယ်။ သူ့အတွေး ကိုယ့်အတွေးဆိုတာလည်း မတူညီနိုင်ပါဘူး။ အပျက်သဘောနဲ့မြင်နိုင်သလို အပြုသဘောနဲ့လည်း စဉ်းစားလို့ရပါတယ်။ ဒီထဲမှာမှ တိုင်းပြည်မှာဖြစ်သမျှတွေမှန်သမျှ NLD ကဘာမှမလုပ်လို့အပြစ်ပုံချ ဒေါ်အောင်ဆန်းစုကြည်က တိုင်းပြည်ကိုပစ်ပြီး ထွက်ပြေးနေတယ်ဆိုပြီး နိုင်ငံရေးသဘာကြီးယောင်ယောင် ပညာရှင်ယောင်ယောင်နဲ့ အရေးအသားတွေက အဆိုးဆုံးပါပဲ။

မြန်မာပြည်သူတွေဟာ ကြံ့ဖွတ်ကို အစိုးရအဖြစ်လက်ခံထားရတာ အရူးလင်လုပ်နေရသလိုပါပဲ။ ဘယ်နေ့ဘယ်အချိန် ထပြီးစိတ်ဖောက်ပြန်မလဲဆိုတာ စိုးတထိတ်ထိတ်ဖြစ်နေရတုန်းပါ။ ဒီစိတ်မမှန်သေးတဲ့အစိုးရရဲ့ အတိုက်အခံအဖြစ် ရပ်တည်နေရတဲ့ NLD ဆိုရင် ပိုဆိုးနဲ့အခြေအနေနဲ့ ရပ်တည်ရင်ဆိုင်နေရမှာပါ။ အစိုးရနဲ့ အတိုက်အခံဟာ ရွေးကောက်ပွဲမှာ မဲအရေအတွက်အသာရဖို့ နိုင်ငံရေး၊ လူမှုရေး အရာအားလုံးမှာ မသိမသာရော သိသိသာသာပါ ယှဉ်ပြိုင်နေရမယ်လို့ ထင်ပါတယ်။ ပြည်သူရဲ့ ယုံကြည်ကိုးစားမှုကိုရဖို့ ဆထက်ထမ်းပိုး တိုးပြီးဆောင်ရွက်နေရမှာပါ။

အတိုက်အခံနဲ့ အစိုးရဆိုတဲ့ ပုံမှန်အခြေအနေတခုမှာပဲ ပဋိပက္ခတခုကို ချဉ်းကပ်ကြည့်ပါမယ်။ ယခင်စစ်အစိုးရလုပ်ခဲ့တဲ့ ယခုအရေခွံလဲအစိုးရ ရင်ဆိုင်နေရတဲ့ ပဋိပက္ခတခုမှာ အတိုက်အခံ NLD ဟာ ကြားဝင်ဖြေရှင်းပြီ ဆိုပါစို့။ ပြည်သူနဲ့ အစိုးရ အားပြိုင်မှုကနေ အတိုက်အခံနဲ့ အစိုးရအားပြိုင်မှုအသွင် ပြောင်းသွားပါလိမ့်မယ်။ ဒီလိုအနေအထားမှာ ပြည်သူလူထုကမှန်ကန်ပြီး အစိုးရကအလျော့ပေးရမယ့် အခြေအနေတခုဆိုရင်တောင်မှ အတိုက်အခံပါလာပြီဖြစ်တဲ့အတွက် အစိုးရမှာ အလျော့ပေးဖို့ ပိုပြီး အခက်တွေ့သွားစေနိုင်ပါတယ်။ အတိုက်အခံမပါတဲ့အခြေအနေမှာ အစိုးရအနေနဲ့လည်း သူတို့ကိုပြည်သူက ယုံကြည်လာစေလိုမှုနဲ့ ပြည်သူ့ဆန္ဒကို လိုက်လျောမယ့်အခြေအနေ ရှိကောင်းရှိမှာပါ။

အတိုက်အခံဝင်ပါနေတဲ့ ကိစ္စတခုမှာ အစိုးရကအလျော့ပေးလိုက်လျောလိုက်တာနဲ့ ပြည်သူတွေအနေနဲ့ အတိုက်အခံပါတီက ၀င်ဖြေရှင်းပေးလို့ ဒီကိစ္စအနိုင်ရလိုက်တဲ့ဆိုတဲ့အသိဝင်သွားပြီး အတိုက်အခံကို ယုံကြည်ကိုးစားမှုအားကောင်းလာမယ်။ အစိုးရအနေနဲ့တော့ သူ့ကိုယ်သူသေတွင်းထဲပို့လိုက်တယ် ဆိုတာ ကြံ့ဖွတ်အစိုးရက မတွက်မိဘဲ နေမှာမဟုတ်ပါဘူး။ ဒါကြောင့် ပြည်သူနဲ့အစိုးရ အားပြိုင်မှုကို အတိုက်အခံက ကြားဝင်မယ်ဆိုရင် အတိုက်အခံနဲ့အစိုးရ အားပြိုင်မှုအသွင်ပြောင်းသွားပြီး ပြည်သူက မြေဇာပင်ပိုဖြစ်သွားနိုင်တယ်လို့ ထင်မိပါတယ်။

အတိုက်အခံဝင်မပါဘဲ ပြည်သူနဲ့အစိုးရ အားပြိုင်မှုအနေအထားမှာပဲ အစိုးရက ပြည်သူ့ဆန္ဒကို မလိုက်လျောခဲ့ရင် ဒီအစိုးရဟာ သူ့ဟာသူပဲ ပြည်သူရဲ့ယုံကြည်ကိုးစားမှု အားလျော့သထက်လျော့သွားနိုင်ပါတယ်။ အကယ်၍ အတိုက်အခံက ၀င်ပြီးဖြေရှင်းပေးပေမယ့် အစိုးရက ပြည်သူ့ဆန္ဒကို မလိုက်လျောခဲ့ရင် ပြည်သူတွေရဲ့စိတ်ထဲမှာ “ငါတို့ယုံကြည်ရကိုးစားရတဲ့ ခေါင်းဆောင်နဲ့ သူ့ပါတီတောင် လုပ်ပေးလို့မရပါဘူး” ဆိုတဲ့အတွေးနဲ့ စိတ်ပျက်အားလျော့မှု ၀င်လာပြီး အတိုက်အခံကိုပါ ယုံကြည်ကိုးစားမှု အနည်းနဲ့အများ လျော့နည်းသွားနိုင်ပါတယ်။

ဒါကြောင့် ပြဿနာတိုင်းမှာ အတိုက်အခံပါတီဟာ ကြားဝင်ဖြေရှင်းမယ်ဆိုခဲ့ရင် အစိုးရနဲ့ ရင်ဆိုင်နေရတဲ့ပြည်သူတွေအတွက်လည်း အကျိုးသိပ်မဖြစ်စေနိုင်ပါဘူး။ အတိုက်အခံပါတီကိုယ်တိုင်လည်း အကျိုးမဲ့စေနိုင်ပါတယ်လို့ သုံးသပ်မိပါတယ်။

ဒါဖြင့် အတိုက်အခံ NLD က ဘာမှမလုပ်ဘဲ ဒီတိုင်းထိုင်ကြည့်နေတော့မှာလားလို့ မေးစရာရှိပါတယ်။ မေးသင့်တဲ့မေးခွန်းပဲလို့ ထင်ပါတယ်။ ပြဿနာတခုကို ၀င်ဖြေရှင်းမယ်ဆိုရင် လုပ်ပိုင်ခွင့်ဘယ်လောက်ရှိလဲဆိုတာကို ပြန်စဉ်စားရမှာပါ။ အတိုက်အခံ NLD ဟာ နိုင်ငံရေးပိုင်းအရ အကောင်အထည်ဖော်နိုင်မှု အားနည်းနေပါသေးတယ်။ ဒါကိုလည်း ဒေါ်အောင်ဆန်းစုကြည်ကိုယ်တိုင်က လုပ်ပိုင်ခွင့်မရှိသေးကြောင်း၊ အာဏာရမှလုပ်နိုင်မှာဖြစ်ကြောင်း ၀န်ခံပြောကြားထားပါတယ်။ အဆုံးအဖြတ်ပေးနိုင်တဲ့လွှတ်တော်ထဲမှာလည်း NLD ဟာ မဆိုစလောက်နေရာလေးသာ ရထားသေးတဲ့အတွက် အဓိကပြဿနာတွေမှာ ကြံ့ဖွတ်အစိုးရနဲ့ ယှဉ်ပြိုင်ပြောနိုင်တဲ့အင်အား နည်းနေပါသေးတယ်။ ဒါပေမယ့် ပြဿနာတွေတိုင်းမှာ လူမှုရေးအဖွဲ့အသွင်နဲ့ ရှိနေကြတဲ့ အဖွဲ့အစည်းတွေ၊ ကွန်ယက်တွေက နည်းလမ်းပေါင်းစုံနဲ့ ၀ိုင်းဝန်းကူညီနေကြပြီး ပြည်သူဖက်က ရပ်တည်ပေးနေကြပါတယ်။ မြင်အောင်ကြည့်မယ်ဆိုရင် ဒီအဖွဲ့အစည်းတွေက အစိုးရရဲ့အားလား၊ အတိုက်အခံရဲ့အားလား ဆိုတာ သိနိုင်မယ်ထင်ပါတယ်။

အတိုက်အခံ NLD အနေနဲ့လည်း လက်ရှိလုပ်နိုင်တဲ့အခြေအနေ အနေအထားအရ လူမှုရေး၊ ပညာရေး၊ စီးပွားရေးပိုင်းတွေကို တရှိန်ထိုး အကောင်အထည်ဖော်ဆောင်ရွက်နေပြီး နိုင်ငံရေးအရ ပြည်သူကိုအလုပ်အကျွေးပြုနိုင်ဖို့ အကောင်အထည်ဖော်ကြိုးစားနေတယ်လို့ တွေးမိပါတယ်။

(စာရေးသူရဲ့ လူပြိန်းအတွေးသာ ဖြစ်ပါတယ်။ မည်သူမဆို လွတ်လပ်စွာ သဘောကွဲလွဲနိုင်ပါတယ်။)

မောင်ပါလ
၀၃.၀၂.၂၀၁၃

အပြည့်အစုံသို့.....

မြန်မာပြည်မှာ ဒါတွေပေါတယ်

“မြန်မာပြည်မှာ ဒါတွေပေါတယ်”

တယောက်ကစ တထောင်လိုက်ပေမယ့်

ဟိုယောင်ယောင် ဒီယောင်ယောင်နဲ့

အမောင်တောင်မြောက်မသိတွေ ပေါတယ်။

ဖြစ်လာရင် အလျှိုအလျှိုပျောက်

မဖြစ်ခင် အာခြောက်အောင်အော်တတ်တဲ့

အချောင်သမားတွေ ပေါတယ်။

မိုးလင်းကမိုးချုပ်

သွားသုတ်သုတ် လာသုတ်သုတ်

တက်သုတ်သုတ် ဆင်းသုတ်သုတ် (ဘက်စ်ကား)

ဗရုတ်သုတ်ခဘ၀တွေ ပေါတယ်။

ကေတီဘီ မာဆတ်

အမျိုးကောင်းသ္မီးတွေကို ဖာဇာတ်သွင်းမယ့်

အခန်းကျဉ်းလေးတွေ ပေါတယ်။

ပစ္စည်းပေါင် လူပေါင်

ဘာမှမကျန်အောင်ပြောင်လည်း

မှတ်ပုံတင်ပါ ပေါင်လို့ရတဲ့

အပေါင်ဆိုင်တွေ ပေါတယ်။

တစ်လုံး၊ နှစ်လုံး၊ သုံးလုံး

အလုံးတွေကို နေ့တိုင်းမျိုချ

ရင်ပြည့်ရင်ကယ် ဖြစ်နေကြတဲ့

အလုံးသမားတွေ ပေါတယ်။

တအိမ်ကျော်တဆိုင်ဖွင့်

ရောင်းသူနဲ့ သောက်သုံးသူ

အရေအတွက်ချင်းတူနေတဲ့

အရက်ဆိုင် (ဘီယာဆိုင်) တွေ ပေါတယ်။

ဘာသာခြားတွေရဲ့ရန်

ပေလျာယကန်ပြုပေမယ့်

အုပ်ချုပ်သူအကြိုက်လိုက်

အချင်းချင်းပြန်ဖိုက်တတ်တဲ့

ဘာသာရေးခေါင်းဆောင်တွေ ပေါတယ်။

ခွေးနှစ်ကောင်ကိုက်လို့

တုတ်နဲ့မရိုက်နဲ့

တိတိကျကျစစ်ဆေးဖို့

စုံစမ်းရေးကော်မရှင်တွေ ပေါတယ်။

ဦးနု လက်ထက်က

ဆင်ဖြူတော်စီမံကိန်းလို

ဘယ်တော့ဖြစ်လာမှန်းမသိတဲ့

အစီအစဉ်ရှိပါတယ်တွေ ပေါတယ်။

လာဘ်ပေးရန်မလို ဆိုင်းဘုတ်အောက်က

လက်ဆောင်ပဏ္ဍာစရိတ်နဲ့

တိတ်တိတ်လေး ခွက်ပုန်းခုတ်နေတဲ့

အစိုးရ၀န်ထမ်းတွေ ပေါတယ်။

သူပစ် ကိုယ်ပစ်

ငြိမ်းချမ်းရေးအတွက်ဖြစ်တဲ့စစ်မှာ

ပလူပျံနေတဲ့ ကျည်ဆန်တွေရယ်

ပဋိပက္ခတွေနဲ့ ကိုယ်ဝန်လွယ်

မွေးလာတဲ့ဒုက္ခသည်တွေ ပေါတယ်။

အဲ……….

မယောင်ရာဆီလူး

အရူးဘုံမြှောက် ချီးခြောက်ကောက်စား

အမေးအဖြေတွေများနေတဲ့

လွှတ်တော်ထဲမှာငပွတွေလည်း ပေါတယ်။

မောင်ပါလ

၂၉.၀၁.၂၀၁၃

အပြည့်အစုံသို့.....

စစ်ပွဲတွေကို ရပ်ပေးပါ

စစ်ပွဲတွေကို ရပ်ပေးပါ

တရားတဲ့စစ် မတရားတဲ့စစ်

ဘယ်ဘက်ကကြည့်ကြည့် အမှားမရှိပေမယ့်

ဥပေက္ခာမိုးတစွေစွေအောက်က

အနာဂတ်ပျောက်နေတဲ့ ကလေးငယ်တွေ…..

ဆောက်တည်ရာမဲ့ ပြည်သူတွေ…..

ရင်နင့်စရာ ဘ၀ပေါင်းများစွာတွေအတွက်

စေတနာအမှားလို့ နာမည်မတပ်ကြပါနဲ့

အတူတွဲမယ့်လက်တွေက

သေနတ်တွေကို ဖက်ထားမှတော့

နွားလည်းသေ ယာလည်းကြေတော့မပေါ့

ချစ်စကိုပဲ ရှည်ကြစေ

မြေခခဲ့တဲ့ ပန်းကြွေတွေလည်းများပြီမို့

ရာစုနှစ်တ၀က်ကျော်

ရေလောင်းပေါင်းသင်ခဲ့ကြတဲ့ ပြည်တွင်းစစ်

အမြစ်ကနေတွန်းလှန်

အငြိုးတရားတွေချန်ရစ်ပြီး

စစ်ပွဲတွေကိုသာ ရပ်ပေးကြပါတော့……..။

မောင်ပါလ

၁၁.၀၁.၂၀၁၃

အပြည့်အစုံသို့.....

ပြည်သူများအသက်အန္တရာယ်ဖြစ်စေနိုင်မည့် မြန်မာ့မီးရထားဝန်ထမ်းတချို့၏ အကျင့်ပျက်ခြစားမှု

(ယခုအကြောင်းအရာသည် နေ့စဉ်ထုတ်သတင်းစားများတွင် မကြာခဏတွေ့ရလေ့ရှိသည့် မြန်မာ့မီးရထားမှ တင်ဒါခေါ်ယူခြင်းနှင့်ပတ်သတ်၍ စီးပွားရေးလုပ်ငန်းရှင်များနှင့် မြန်မာ့မီးရထားစက်ခေါင်းနှင့် တွဲပြင်စက်ရုံများမှ ၀န်ထမ်းအင်ဂျင်နီယာတချို့ပူးပေါင်းပြီး အကျင့်ပျက်ခြစားပုံကို ရေးသားထားခြင်းဖြစ်သည်)

ပထမဆုံးအနေနဲ့ တင်ဒါ (Tender) ခေါ်တယ်ဆိုတာကို နည်းနည်းရှင်းပြချင်ပါတယ်။ သိပြီးသူများလည်း ရှိကြမှာဖြစ်ပေမယ့် တင်ဒါခေါ်တယ်ဆိုတာကို နားမလည်ရင် ခုရေးတဲ့အကြောင်းအရာကို မရှင်းမှာစိုးလို့ပါ။ အစိုးရစက်ရုံတရုံက 1,2,3 ဆိုတဲ့ပစ္စည်းတွေဝယ်ဖို့လိုအပ်လာရင် အပြင်စီးပွားရေးလုပ်ငန်းရှင်တွေအနေနဲ့ ဘယ်ကုမ္ပဏီက ဒီလိုအပ်တဲ့ပစ္စည်းကို ဈေးဘယ်လောက်နဲ့သွင်းနိုင်မလဲဆိုပြီး ကြေငြာခေါ်ယူပါတယ်။ ဒါကို A,B,C,D နဲ့ E ကုမ္ပဏီတွေက ၀င်လျှောက်ကြမယ်ဆိုပါစို့။ A ကဒီပစ္စည်းသုံးမျိုးလုံးကို အနည်းဆုံးဈေးနဲ့သွင်းပေးနိုင်ရင် တင်ဒါအောင်ပြီး A ကုမ္ပဏီတခုတည်းကပဲ သွင်းခွင့်ရပါတယ်။ အကယ်၍ B က 3 ကိုဈေးအနည်းဆုံးနဲ့သွင်းနိုင်တယ်။ D က 1၊ E က 2 ကိုဈေးအနိမ့်ဆုံးနဲ့ သွင်းနိုင်တယ်ဆိုရင် ကုမ္ပဏီသုံးခုက ပစ္စည်းတမျိုးချင်းစီကို သွင်းခွင့်ရမှာဖြစ်ပါတယ်။ ဈေးအနည်းဆုံးတူညီနေတယ်ဆိုရင် ပစ္စည်းအရည်အသွေးပိုကောင်းစွာ သွင်းနိုင်တဲ့သူက တင်ဒါအောင်မှာဖြစ်ပါတယ်။ ဆိုလိုရင်းကတော့ တင်ဒါခေါ်တယ်ဆိုတာ အနိမ့်ဆုံးဈေးနဲ့ ပစ္စည်းကောင်းကောင်းလိုချင်တာပါပဲ။

မြန်မာ့မီးရထားကလည်း တနိုင်ငံလုံးအတိုင်းအတာနဲ့ ပြေးဆွဲနေတဲ့ရထားတွေအတွက် ပစ္စည်းလိုအပ်တဲ့အခါမှာ စီးပွားရေးလုပ်ငန်းရှင်တွေကို သတင်းစာကနေတဆင့် တင်ဒါခေါ်ယူပါတယ်။ တင်ဒါဝင်ပြိုင်မယ့် လုပ်ငန်းရှင်တွေက သိမ်ဖြူလမ်းက ပို့ဆောင်ရေးဝန်ကြီးဌာန (မြန်မာ့မီးရထား) မှာသွားပြီး တင်ဒါတစောင်ကို ၅၀၀၀ (သို့) ၆၀၀၀ ကျပ်နဲ့ဝယ်ယူရပါတယ်။ ပြီးရင် မိမိသွင်းလိုတဲ့ပစ္စည်းတန်ဖိုးရဲ့ ၁% ကို တင်ဒါအာမခံထားရှိငွေ (Bid Bond) အဖြစ် မြန်မာ့စီးပွားရေးဘဏ်ခွဲ (၂) မှာ ပေးသွင်းရပါတယ်။ တင်ဒါမှာပါတဲ့ ဘယ်ပစ္စည်းကို မိမိက ဈေးဘယ်လောက်နဲ့သွင်းနိုင်ပါတယ်ဆိုတာ စာရင်းလုပ်ချိတ်ပိတ်ပြီး တင်ဒါအာမခံထားရှိထားတဲ့ ချက်မူရင်း Payment Order Cheque (POC) နဲ့အတူ မီးရထားဌာနကို တင်ပြရပါတယ်။ အဲဒီနောက် တာဝန်ရှိသူများက ပစ္စည်းသွင်းမယ့်ကုမ္ပဏီတွေကို နေပြည်တော်ကိုခေါ်၊ ဈေးထပ်ဆစ်ပြီးနောက်ဆုံး အနည်းဆုံးဈေးနဲ့ သွင်းတဲ့ကုမ္ပဏီက တင်ဒါပါပစ္စည်းတွေကို ပေးသွင်းခွင့်ရရှိပါတယ်။ (ဒါတွေဟာ ခုအကြောင်းအရာရဲ့ အဓိကဆိုလိုရင်းမဟုတ်ဘဲ ဆက်နွယ်နေတဲ့ Process သာဖြစ်ပါတယ်။ ဒါကိုအတိုချုပ်ဖော်ပြရတာကတော့ Process အမှန်ကိုဖော်ပြနိုင်ပြီး အကြောင်းအရာကို ခိုင်လုံစေချင်တဲ့ရည်ရွယ်ချက်ပါ။)

မြန်မာ့မီးရထားက တင်ဒါခေါ်တဲ့ပစ္စည်းတွေထဲက အလိုအပ်ဆုံးနဲ့ အသုံးအများဆုံး Ball Bearing (ရထားများတွင်အသုံးပြုသောဘောလ်) ပစ္စည်းကိုအဓိကထားပြီး ဖော်ပြပါမယ်။ တခြားပစ္စည်းတွေအားလုံးဟာလည်း Ball Bearing နဲ့ လုပ်နည်းလုပ်ဟန်တူတူပါပဲ။ Ball Bearing တွေကို ဂျပန်၊ ဂျာမဏီနိုင်ငံတွေက ထုတ်လုပ်ဖြန့်ချိတာများပါတယ်။ SKF (Germany), FAG (Germany), NSK (Japan) နဲ့ NTN (Japan) စတဲ့ တံဆိပ်တွေဟာ နာမည်ကြီးပါတယ်။ အဲဒီနိုင်ငံတွေကထုတ်တဲ့ Ball Bearing တွေဟာ တန်ဖိုးကြီးမားပြီး အရည်အသွေးကောင်းပါတယ်။

Ball Bearing တွေကို အဲဒီတံဆပ်တွေအတိုင်း တရုတ်နိုင်ငံက ပုံစံတူအတုလုပ်ပါတယ်။ တရုတ်ကထုတ်တဲ့ ပုံစံတူအတုတွေကို ဘုရင့်နောင်ပွဲရုံတန်းကဆိုင်တွေမှာလည်း ရနိုင်ပါတယ်။ အပြင်ပန်းအားဖြင့်ကြည့်ရင် အတုအစစ်မခွဲခြားနိုင်ပါဘူး။ အရည်အသွေးအားဖြင့် သုံးနေတုန်းပျက်စီးသွားမှသာ အတုမှန်းသိစေနိုင်လောက်ကို ပုံစံတူပါတယ်။ တရုတ်ကထုတ်တဲ့ Ball Bearing အတုတွေဟာ ဈေးနှုန်းအားဖြင့် အစစ်ဈေးနှုန်းထက် ဆယ်ဆကျော်လောက် လျော့နည်းပါတယ်။

ဈေးအနိမ့်ဆုံးနဲ့ ပစ္စည်းကောင်းကောင်းရချင်တယ်ဆိုတဲ့ တင်ဒါသဘောတရားနဲ့ ဆက်စပ်ဖော်ပြပါမယ်။ ဒီ Ball Bearing ကို ပစ္စည်းအမှန် ဈေးနှုန်းအမှန်နဲ့သွင်းမယ်၊ ပစ္စည်းကအတု ဈေးနှုန်းကအစစ်ဈေးနဲ့သွင်းမယ်၊ ပစ္စည်းအတု ဈေးနှုန်းအတုနဲ့သွင်းမယ်ဆိုတဲ့ ကုမ္ပဏီတွေကွဲသွားပါလိမ့်မယ်။ တင်ဒါသဘောအရ အနိမ့်ဆုံးဈေးနဲ့မှ တင်ဒါအောင်မယ်ဆိုရင် ပစ္စည်းဘယ်လောက်မှန်မှန် ဘယ်လောက်ကောင်းကောင်း အစစ်ဈေးနှုန်းနဲ့သွင်းတဲ့သူဟာ လုံးဝ(လုံးဝ)ကို တင်ဒါမအောင်တော့ပါဘူး။ အတုဈေးနှုန်းနဲ့သွင်းနဲ့ကုမ္ပဏီတွေသာ ကျိန်းသေတင်ဒါအောင်မှာပါ။ ဒါတောင် အတုဈေးနှုန်းအပေါ် နည်းနိုင်သမျှနည်းအောင် ဈေးချနိုင်တဲ့သူပဲ သွင်းခွင့်ရမှာပါ။ တင်ဒါနိုင်တဲ့သူက Ball Bearing တွေကို အင်းစိန်၊ ရွာထောင်၊ မြစ်ငယ် စတဲ့မြို့များမှာရှိတဲ့ မီးရထားစက်ခေါင်းနဲ့တွဲပြင်စက်ရုံတွေကို သွင်းပေးရမှာပါ။

တံဆိပ်တွေအားဖြင့် ဂျပန်၊ ဂျာမဏီထုတ်တွေဖြစ်ပြီး အမှန်တကယ်အားဖြင့် တရုတ်ကထုတ်တဲ့ပစ္စည်းအတုတွေကို ပို့ဆောင်ရေးဝန်ကြီးဌာန (မြန်မာ့မီးရထား) က လက်ခံမှာမဟုတ်ပါဘူး။ အတုဈေးနှုန်းနဲ့ တင်ဒါအောင်ထားတဲ့ စီးပွားရေးလုပ်ငန်းရှင်တွေကလည်း ပစ္စည်းအစစ်တွေဝယ် အရှုံးခံပြီးသွင်းမှာ မဟုတ်ပါဘူး။

ဒါဖြင့် ဘယ်လိုသွင်းကြမလဲ။ ရှင်းပါတယ်။ ပစ္စည်းသွင်းရမယ့် မီးရထားစက်ခေါင်းနဲ့ တွဲပြင်စက်ရုံတွေက user အင်ဂျင်နီယာတွေနဲ့ ပူးပေါင်းညှိနှိုင်းလိုက်ပါတယ်။ အင်ဂျင်နီယာတွေဟာ အမြင်အားဖြင့် အတုအစစ်ခွဲခြားနိုင်သလို ဈေးနှုန်းအားဖြင့်လည်း အတုအစစ်ဆိုတာ သိနေကြပါတယ်။ ဒီတော့ အင်ဂျင်နီယာနဲ့ ပစ္စည်းစစ်မယ့် တာဝန်ရှိသူတွေကို လာဘ်ထိုးလိုက်ပါတယ်။ အင်ဂျင်နီယာတွေနဲ့ညှိပြီး သွင်းတဲ့ပစ္စည်းဟာ အသုံးပြုလို့ရနိုင်ကြောင်း၊ စံချိန်စံညွှန်းကိုက်ညီကြောင်း၊ ပစ္စည်းအစစ်ဖြစ်ကြောင်း ထောက်ခံချက်ရယူပါတယ်။ အဲဒီလို ထောက်ခံချက်ရမှသာ ဒီပစ္စည်းကို ပေးသွင်းနိုင်မှာဖြစ်ပါတယ်။

အဲဒီလိုလာဘ်ပေး လာဘ်ယူလုပ်ပြီး သွင်းလိုက်တဲ့ပစ္စည်းအတုတွေကို တနိုင်ငံလုံးမှာ ပြေးဆွဲခုတ်မောင်းနေတဲ့ မီးရထားတွေမှာ တပ်ဆင်အသုံးပြုပါတယ်။ စက်ရုံတွင်းသုံးစက်တခုမှာ အတုပစ္စည်းထည့်သုံးပြီး ပျက်သွားရင် စက်ရပ်သွားရုံပဲ ရှိမှာပါ။ အရည်အသွေး စံချိန်စံညွှန်းလုံးဝမရှိတဲ့ တရုတ်ထုတ်ပစ္စည်းအတုတွေကို တပ်ဆင်အသုံးပြုနေတဲ့ မီးရထားတွေဟာ ခုတ်မောင်းနေတုန်း အတုပစ္စည်းတွေက ချို့ယွင်းပျက်စီးခဲ့ရင် ပြည်သူတွေရဲ့ အသက်အန္တရာယ်မြောက်များစွာ ပျက်စီးဆုံးရှုံးရမှာဖြစ်ပါတယ်။ စီးပွားရေးလုပ်ငန်းရှင်များရော မြန်မာ့မီးရထားဝန်ထမ်းများပါ လုံးဝမလုပ်သင့် မလုပ်အပ်တဲ့အရာပါ။ နိုင်ငံတော်အစိုးရအနေနဲ့လည်း ထိရောက်စွာ ကိုင်တွယ်ဖြေရှင်းသင့်ပါတယ်။

ဒီနေရာမှာပြောစရာတခု ရှိပါတယ်။
၁) နိုင်ငံတော်အစိုးရက သက်ဆိုင်ရာပို့ဆောင်ရေးဝန်ကြီးဌာနကတဆင့် လိုအပ်တဲ့ပစ္စည်းအမှန်တွေဝယ်ယူဖို့ ဘတ်ဂျက်ကို လုံလုံလောက်လောက်ချပေးထားတယ်။
၂) နိုင်ငံတော်အစိုးရကိုယ်တိုင်က အတုဈေးနှုန်းအတိုင်းပဲ ဘတ်ဂျက်ချပေးတယ်။
ဆိုပြီး နှစ်မျိုးရှိနိုင်ပါတယ်။

ဒီလို ပြည်သူတွေရဲ့ အသက်အန္တရယ်ထိခိုက်စေမယ့် ခြစားမှုဟာ အနိမ့်ဈေးနဲ့ ပစ္စည်းကောင်းလိုချင်တဲ့ တင်ဒါ (Tender) ဆိုတာကြီးမှာ အခြေခံကျမယ်ထင်ပါတယ်။ အနိမ့်ဈေးနဲ့ ပစ္စည်းကောင်းလိုချင်လွန်းတဲ့ နိုင်ငံတော်မူဝါဒကပဲ ဒီအကျင့်ပျက်ခြစားမှုကြီး ဖြစ်ပေါ်လာဖို့ ဖန်တီးပေးနေသလို ဖြစ်နေပါတယ်။ နိုင်ငံတော်အစိုးရကိုယ်တိုင်က အတုဈေးအတိုင်း ဘတ်ဂျက်ချပေးတယ်ဆိုရင်တော့ အမှန်တကယ်လိုအပ်တဲ့နေရာမှာ နိုင်ငံတော်ဘဏ္ဍာကို ခြိုးခြံချွေတာတယ်ဆိုတဲ့စကားနဲ့ ထိန်းသိမ်းမထားသင့်ပါဘူး။ အကယ်၍ အစိုးရက သက်ဆိုင်တဲ့ဌာနကို ဘတ်ဂျက်လုံလုံလောက်လောက်ချပေးထားပါတယ်ဆိုရင် ဒီအကျင့်ပျက်ခြစားမှုမှာ ပါဝင်ပတ်သတ်နေတဲ့ သက်ဆိုင်သူများအားလုံးကို ရှာဖွေဖော်ထုတ်ပြီး တိတိကျကျ အရေးယူဆောင်ရွက်သင့်ပါတယ်။

ပြည်သူများဘေးမသီရန်မခ စိုးရိမ်ကြောင့်ကြကင်းစွာ ခရီးသွားလာနိုင်ရေးအတွက် တပြည်လုံးအတိုင်းအတာနဲ့ ပြေးဆွဲခုတ်မောင်းနေတဲ့ မြန်မာ့မီးရထားတွေမှာ တပ်ဆင်အသုံးပြုရမယ့် ပစ္စည်းအမှန်တွေကိုလည်း နိုင်ငံတော်အစိုးရအနေဖြင့် သက်ဆိုင်ရာကုမ္ပဏီတွေကနေပြီး ဈေးနှုန်းအမှန် ပစ္စည်းအမှန်နဲ့ တိုက်ရိုက်မှာယူတင်သွင်းပါက ယခုကဲ့သို့သော အကျင့်ပျက်ခြစားမှု ပျောက်ကွယ်သွားမှာဖြစ်တယ်လို့ ထင်မြင်ယူဆမိပါတယ်။ နိုင်ငံတော်အစိုးရအနေနဲ့လည်း အနိမ့်ဈေးနဲ့ ပစ္စည်းကောင်းကိုလိုက်ရှာနေတဲ့ တလွဲဆံပင်ကောင်း အစိုးရအဖြစ်မရပ်တည်ဘဲ ပြည်သူ့ဘဏ္ဍာကို ပြည်သူများအတွက် မှန်မှန်ကန်ကန်အသုံးပြုနိုင်ပါရန် ရည်ရွယ်ချက်ဖြင့် ရေးသားတင်ပြရခြင်း ဖြစ်ပါတယ်။

မောင်ပါလ
၁၀.၀၁.၂၀၁၃

အပြည့်အစုံသို့.....